ايماقتار • 26 اقپان، 2020

نۇر-سۇلتاندا العىس ايتۋ كۇنى قالاي تويلانادى؟

67 رەتكورسەتىلدى

العىس ايتۋ كۇنىنە وراي ەلوردادا 20-دان استام مادەني ءىس-شارا جوسپارلانعان. مەرەكەلىك شارالار قالانىڭ بارلىق ۇيىمىندا، وقۋ ورىندارى مەن اۋدان اكىمدىكتەرىندە وتەدى دەپ حابارلايدى ەلوردا اكىمدىگىنىڭ رەسمي سايتى.

بيىل العىس ايتۋ كۇنى بەسىنشى رەت تويلانادى. قازاقستان حالقى اسسامبلەياسىنىڭ ءححىى سەسسياسىندا تۇڭعىش پرەزيدەنت - ەلباسى ن.ءا. نازارباەۆ جىل سايىن 1 ناۋرىزدى قيىن كەزەڭدەردە وزگە ۇلت وكىلدەرىنە كومەكتەسكەن، مەيىرىمدىلىك تانىتىپ، ولاردى تۋىسقانى رەتىندە قابىلداعان قازاق حالقىنا وزگە ەتنوستاردىڭ العىس ءبىلدىرۋ كۇنى رەتىندە اتاپ ءوتۋدى ۇسىندى. مەرەكەنىڭ باستى ماقساتى – قازاقستان حالقىنىڭ بىرلىگىن نىعايتۋ، قوعامدىق كەلىسىم مەن قايىرىمدىلىقتى ناسيحاتتاۋ.

28 اقپاندا ساعات 11:00-دە دوستىق ۇيىندە قازاقستان حالقى اسسامبلەياسى مۇشەلەرىنىڭ، ۇەۇ جانە مەملەكەتتىك ورگانداردىڭ قاتىسۋىمەن دوڭگەلەك ۇستەل وتىرىسى وتەدى. كەزدەسۋ اياسىندا قايىرىمدىلىق كورمە-جارمەڭكەسى مەن قايىرىمدىلىق اكتسياسىن وتكىزۋ جوسپارلانعان.

28 اقپان مەن 2 ناۋرىز ارالىعىندا م.وتەمىس ۇلى اتىنداعى وقۋشىلار سارايىندا، بالالاردى قولداۋ ورتالىعىنىڭ «SOS استانا قالاسىنىڭ بالالار اۋىلى» مەكەمەسىندە العىس ايتۋ كۇنىنە ارنالعان «ريزاشىلىق - مەيىرىمدىلىك بۇلاعى» ۇلتتىق مادەني-اعارتۋشىلىق جوباسى مەن «قۇشاقتاپ، راحمەت ايتامىن» فلەشموبى وتەدى. ءال-فارابي اتىنداعى وقۋشىلار سارايىندا «مەن العىس ايتامىن»، «الەمگە العىس»، «قازاق حالقىنا العىسىم شەكسىز» فوتوكورمەلەرى جوسپارلانعان.

29 اقپاندا «ۆايناح» شەشەن-ينگۋش ەتنومادەني ورتالىعىنىڭ اقساقالدار كەڭەسى مەن جاستار قاناتىنىڭ كەزدەسۋى وتەدى. سول كۇنى №1 مۋزىكا مەكتەبىنىڭ وقۋشىلارى «قارتتار مەن مۇگەدەكتەرگە ارنالعان مەديتسينالىق-الەۋمەتتىك مەكەمە» قمۋ ارداگەرلەرىنە ارنالعان «جۇرەك جىلۋى» كونتسەرتىن وتكىزەدى.

1 ناۋرىزدا ەتنولينگۆيستيكالىق مەكتەپتەردە العىس ايتۋ كۇنىنە وراي اشىق ساباقتار ۇيىمداستىرىلادى. سول كۇنى قالالىق ۆولونتەرلەر شتابىنىڭ باستاماسىمەن «ارداگەرلەرگە مىڭ العىس» اكتسياسى باستالادى. ەرىكتىلەر سوعىس ارداگەرلەرى مەن تىل ەڭبەككەرلەرىن قۇتتىقتاپ، ولارعا تاماق سەبەتتەرى مەن ەلوردا اكىمىنىڭ اتىنان العىس حاتتار تابىستايدى. سونىمەن قاتار عىلىمي-ساراپتامالىق توپتىڭ مۇشەلەرى مەن قازاقستان حالقى اسسامبلەياسىنىڭ قوعامدىق كەلىسىم كەڭەسىنىڭ وكىلدەرى مەملەكەتتىك ورگانداردىڭ قىزمەتكەرلەرى، ۋنيۆەرسيتەت ستۋدەنتتەرى ءۇشىن دارىستەر وتكىزەدى.

سوڭعى جاڭالىقتار

iPhone 12 Pro رەندەرى شىقتى

تەحنولوگيا • كەشە

ۇقساس جاڭالىقتار