ايماقتار • 26 اقپان، 2020

اقتاۋدا «ادال كومەك» اكتسياسى باستالدى

55 رەتكورسەتىلدى

حالىق اراسىندا «ANTIKOR ORTALYǴY» قىزمەتىن كەڭىنەن ناسيحاتتاۋ ماقساتىندا، سونداي-اق مەملەكەت باسشىسىنىڭ 2020 جىلدى «ەرىكتىلەر جىلى» دەپ جاريالاعانىن ەسكەرە وتىرىپ، قىزمەت كورسەتۋ ورتالىقتارىنىڭ بازاسىندا حالىقتىڭ الەۋمەتتىك ءالسىز توپتارى ءۇشىن زاڭگەرلىك كەڭەستەر بەرۋ ماقساتىندا رەسپۋبليكالىق «Adal kómek» اكتسياسى ءوز جۇمىسىن باستادى. بۇل تۋرالى ماڭعىستاۋ وبلىسى سىبايلاس جەمقورلىققا قارسى دەپارتامەنتىنىڭ ءباسپاسوز قىزمەتى حابارلادى.

ماڭعىستاۋدا «ANTIKOR ORTALYǴY» 20 اقپاندا اشىلعان بولاتىن. قوعام وكىلدەرىنە قىزمەت ەتەتىن وسى ورتالىق اراعا ەكى كۇن سالىپ، ءوزىنىڭ تۇڭعىش كەلۋشىلەرىن قابىلدادى، ياعني «Adal kómek» اكتسياسى وسى الاڭدا باستاۋ الدى. ەكى كۇننەن سوڭ ازاماتتاردى جەكە سۇراقتارى بويىنشا قابىلداۋ وتكىزىلدى.

ەرىكتىلەردىڭ قاتارىندا ماڭعىستاۋ وبلىسىنىڭ ادۆوكاتتار القاسىنىڭ توراعاسى ساۋلەباەۆ راشيد سەرىكباي ۇلى جانە ادۆوكات احمەتوۆا ءاليا باقىتجانقىزى، ش.ەسەنوۆ اتىنداعى كاسپي مەملەكەتتىك تەحنولوگيالار جانە ينجينيرينگ ۋنيۆەرسيتەتىنىڭ وقىتۋشىسى قولداسوۆ بەرىك سەرىك ۇلى جانە وسى ۋنيۆەرسيتەتتىڭ ءبىر توپ ستۋدەنتتەرى بولدى. ال «ANTIKOR ORTALYǴY» تاراپىنان دەپارتامەنت باسشىسىنىڭ ءبىرىنشى ورىنباسارى قانىبەكوۆ سەرىك ماحانبەتالى ۇلى قاتىستى.

ماڭعىستاۋ وبلىسى كولەمىنە بەلگىلى اسا تاجىريبەلى ادۆوكاتتاردىڭ ءتالىمدى اڭگىمەسىن، قىزىقتى وقيعالارىن، كاسىبي اقىل-كەڭەسىن تىڭداعان بولاشاق زاڭگەرلەر وزدەرىن قىزىقتىرعان سۇراقتارىن ورتاعا سالىپ، تولىمدى جاۋاپتار الدى.  

ازاماتتىق قوعام مەن جاستار اراسىندا ەرىكتىلىكتى دامىتۋ ءۇشىن ۇيىمداستىرىلعان «Adal kómek» اكتسياسى بۇدان بىلاي اپتانىڭ ءار سەنبىسىندە وتكىزىلىپ تۇراتىن بولادى.

ماڭعىستاۋ وبلىسى

سوڭعى جاڭالىقتار

iPhone 12 Pro رەندەرى شىقتى

تەحنولوگيا • كەشە

ۇقساس جاڭالىقتار