سىبايلاس جەمقورلىققا قارسى قىزمەت اگەنتتىگىنىڭ يدەياسىمەن جۇزەگە اسقان بۇل شارا مەملەكەتتىك قىزمەتشىلەرگە تەمىر توردىڭ ارعى جاعىندا وتىرعان كۇدىكتىلەردىڭ, ايىپتىلاردىڭ جانە سوتتالعانداردىڭ جاعدايلارىن كوزبەن كورىپ, جۇرەگىمەن تۇيسىنۋلەرىنە مۇمكىندىك بەرەدى.
دارىگەرلەر مەن قىزمەتكەرلەر اباقتىنىڭ اۋاسىمەن دەم الىپ, قاپاستاعى ءومىردىڭ اۋىر اتموسفەراسىن سەزىندى.
ەكسكۋرسيانىڭ ماقساتى – سىبايلاس جەمقورلىقتىڭ الدىن الۋ, مەملەكەتتىك قىزمەتتەگىلەر وزگەنىڭ قاتەلىگىنەن ساباق الىپ, ءوز بولاشاعىنا بالتا شاپپاسا دەگەن وي, «ادالدىڭ اتى ارىپ, تونى توزبايدى» دەگەن قازاق ماقالىنىڭ ءمانىن ءتۇسىندىرۋ.
وسىنداي شارالار سىبايلاس جەمقورلىق قىلمىستاردىڭ الدىن الۋعا ءوز سەپتىگىن تيگىزەدى دەپ كۇتىلۋدە.
الداعى ۋاقىتتا وڭىردەگى بارلىق مەملەكەتتىك قىزمەتشىلەردى كەزەڭ-كەزەڭمەن باس بوستاندىعىنان ايىرۋ ورىندارىنا اپارۋ جۇمىستارى جالعاسا بەرەتىن بولادى.
ماڭعىستاۋ وبلىسى
