سپورت • 26 اقپان، 2020

كۇرەس تۇرلەرىنەن وليمپيادانىڭ ىرىكتەۋ ءتۋرنيرى بىشكەكتە وتەدى

29 رەتكورسەتىلدى

كۇرەس تۇرلەرىنەن قىتايدىڭ سينيان قالاسىندا وتۋگە ءتيىس وليمپيا ويىندارىنىڭ ليتسەنزيالىق ءتۋرنيرى قىرعىستاننىڭ باس شاھارى – بىشكەككە اۋىستىرىلدى. 

بىرلەسكەن كۇرەس الەمىنىڭ (UWW) باسشىلارى اسپاناستى ەلىندە كوروناۆيرۋس دەرتىنىڭ ورشۋىنە بايلانىستى وسىنداي قادامعا بارۋعا ءماجبۇر بولعاندارىن مالىمدەدى.

كوپشىلىك الدىندا ءسوز العان ايتۋلى ۇيىمنىڭ پرەزيدەنتى نەناد لالوۆيچ: «ازيا قۇرلىعىندا ورنالاسقان مەملەكەتتەردىڭ ۇلتتىق قۇراما كوماندالارىنىڭ قاتىسۋىمەن وتەتىن جارىستى بىشكەك قالاسىنا اۋىستىرۋدى قۇپ كوردىك. وليمپيادا جولدامالارى ساراپقا سالىناتىن ءدۇبىرلى دودا 27-29 ناۋرىز ارالىعىندا وتەدى. ءسوز ورايى كەلگەندە، وسىنداي قىسىلتاياڭ جاعدايدا بىزگە قولداۋ كورسەتىپ، ىرىكتەۋ باسەكەسىن وتكىزگە ەرەكشە قۇلشىنىس تانىتقان قىرعىزستان كۇرەس فەدەراتسياسىنا شەكسىز العىسىمىزدى بىلدىرەمىز»، – دەپ ءتىل قاتتى. 

ەستەرىڭىزگە سالا كەتەيىك، وليمپيا ويىندارىنىڭ العاشقى جولدامالارى بىلتىر نۇر-سۇلتاندا وتكەن الەم چەمپيوناتىندا ساراپقا سالىنعان ەدى. الايدا ءوز ەلىمىزدە وتكەن جارىستا ءبىزدىڭ بالۋانداردىڭ ءبىرازى كوزدەگەن ماقساتىنا قول جەتكىزە المادى. مىنە، ەندى سول ولقىلىقتىڭ ورنىن ىرگەمىزدەگى قىرعىز ەلىندە تولتىرۋعا ءتيىسپىز.

 

سوڭعى جاڭالىقتار

iPhone 12 Pro رەندەرى شىقتى

تەحنولوگيا • كەشە

ۇقساس جاڭالىقتار