ايماقتار • 26 اقپان، 2020

جاڭا فورماتتاعى ماماندار دايىندايدى

15 رەت كورسەتىلدى

رەسپۋبليكا پرەزيدەنتى قاسىم-جومارت توقاەۆ مەم­لەكەتتىك باسقارۋ جۇيە­سىنە ءادىل باسەكە نەگىزىندە وعان ابدەن لا­يىقتى ءبىلىمدى دە بىلىك­تى ازاماتتاردىڭ كەلۋى كەرەك ەكەن­دىگىن اتاپ كورسەتكەنى ءما­لىم.

مەملەكەت باسشىسىنىڭ پايىمداۋىنشا، كادرلاردى ىرىكتەۋ مەن ورنالاستىرۋدىڭ بۇدان وزگە باعىتى بولماۋى ءتيىس. ءوز كەزەگىندە بۇل ۇستانىم باسەكەگە قابىلەتتى، ساپالىق دەڭگەيى جوعارى مامانداردى دايارلاۋ قاجەتتىلىگىن تۋعىزادى.

وسى ورايدا ق.جۇبانوۆ اتىنداعى اقتوبە وڭىرلىك مەملەكەتتىك ۋنيۆەر­سيتەتىندە جاڭا فورماتتاعى ماماندار مەن كادرلاردى ازىرلەۋ ءىسى قولعا الىنعان. بۇعان اقتوبە وبلىس­تىق مەملەكەتتىك قىزمەت ىستەرى دەپار­تامەنتى باستاماشى بولىپ وتىر. ءسويتىپ اتالعان جوعارى وقۋ ورنىندا «مەنەدجمەنت» ماماندىعى اياسىندا HR مەنەدجەرلەرىن وقىتۋ تراەكتورياسى بەلگىلەنگەن. بۇل جونىندە ەكونوميكا جانە مەنەدج­مەنت كافەدراسىنىڭ مەڭگەرۋشىسى ايگۇل قۇرمانالينا ءوز وي-پىكىرىن تومەندەگىشە تۇيىندەدى.

– بولاشاق مامانداردى جاڭا فورمات دەڭگەيىنە ساي ازىرلەۋ ءۇردىسى «ادام رەسۋرستارىن باسقارۋ» دەپ اتالعان جاڭا تۇرپاتتاعى وقىتۋ باع­دارلاماسىنا نەگىزدەلگەن. سوعان سايكەس بيىلعى جىلدان باستاپ اتال­عان ماماندىقتى يگەرۋگە ىنتا-زەيىنى بار تالاپكەرلەردى سىننان وتكىزۋدى ويلاستىرىپ وتىرمىز، دەدى.

وسى تۇجىرىمىنان تاعى ءبىر كوڭىلگە تۇيگەن جايت – اتالعان وقۋ باعدارلاماسى ستۋدەنتتەردى پەر­سو­نالدى قىزمەتكە بەيىمدەۋ با­عىتتارىنا باسىمدىق بەرمەك. جاڭا ءىستىڭ باسى-قاسىندا جۇرگەندەر ونىڭ وزەگىنە بۇگىنگى مەملەكەتتىك سايا­ساتتىڭ باسىم باعىتتارىن تولىق، ءارى جان-جاقتى مەڭگەردى. مان­ساپ­تىق ءوسۋ مەن باسقارۋ ىسىندە ءوز بويىنداعى كوشباسشىلىق قا­سيەت­تەرىن تانىتا بىلگەن ماماندار ازىر­لەۋ ەرەكشەلىكتەرى ءتان ەكەنىن مالىمدەپ وتىر.

 

اقتوبە

 

سوڭعى جاڭالىقتار

قازاقستاندا دوللار قىمباتتادى

ەكونوميكا • بۇگىن، 11:37

UFC رەيتينگىندە كوش باستادى

سپورت • بۇگىن، 08:32

ۇقساس جاڭالىقتار