قازاقستان رەسپۋبليكاسى پرەزيدەنتىنىڭ جارلىعى

ورتالىق مەملەكەتتىك ورگاندار مەن وبلىستاردىڭ, رەسپۋبليكالىق ماڭىزى بار قالانىڭ, استانانىڭ جەرگىلىكتى اتقارۋشى ورگاندارى قىزمەتىنىڭ تيىمدىلىگىن جىل سايىنعى باعالاۋ جۇيەسى تۋرالىورتالىق مەملەكەتتىك ورگاندار مەن وبلىستاردىڭ, رەسپۋبليكالىق ماڭىزى بار قالانىڭ, استانانىڭ جەرگىلىكتى اتقارۋشى ورگاندارى قىزمەتىنىڭ تيىمدىلىگىن ارتتىرۋ ماقساتىندا قاۋلى ەتەمىن: 1. قوسا بەرىلىپ وتىرعان ورتالىق مەملەكەتتىك ورگاندار مەن وبلىستاردىڭ, رەسپۋبليكالىق ماڭىزى بار قالانىڭ, استانانىڭ جەرگىلىكتى اتقارۋشى ورگاندارى قىزمەتىنىڭ تيىمدىلىگىن جىل سايىنعى باعالاۋ جۇيەسى بەكىتىلسىن. 2. وزدەرىنە قاتىستى ولاردىڭ قىزمەتىنىڭ تيىمدىلىگىنە باعالاۋ جۇرگىزىلەتىن مىناداي مەملەكەتتىك ورگاندار ايقىندالسىن: 1) وسى جارلىققا قوسىمشاعا سايكەس ورتالىق مەملەكەتتىك ورگاندار; 2) وبلىستاردىڭ, رەسپۋبليكالىق ماڭىزى بار قالانىڭ, استانانىڭ جەرگىلىكتى اتقارۋشى ورگاندارى (بۇدان ءارى – جەرگىلىكتى اتقارۋشى ورگاندار). 3. باعالاۋ 2010 جىلدان باستالۋى كەرەك پيلوتتىق ەكى ورتالىق مەملەكەتتىك ورگان مەن وبلىستىڭ ءبىر جەرگىلىكتى اتقارۋشى ورگانىن قوسپاعاندا, ورتالىق مەملەكەتتىك جانە جەرگىلىكتى اتقارۋشى ورگاندار قىزمەتىنىڭ تيىمدىلىگىنە باعالاۋ جۇرگىزۋ 2011 جىلدان باستاپ جۇزەگە اسىرىلسىن. 4. قازاقستان رەسپۋبليكاسى پرەزيدەنتىنىڭ اكىمشىلىگى ءبىر اي مەرزىمدە 2010 جىلى باعالاۋعا جاتاتىن مەملەكەتتىك ورگانداردىڭ تىزبەسىن بەكىتسىن. 5. ورتالىق مەملەكەتتىك جانە جەرگىلىكتى اتقارۋشى ورگاندار قىزمەتىنىڭ تيىمدىلىگىنە ءتيىستى باعىتتار بويىنشا باعالاۋعا جاۋاپتى مەملەكەتتىك ورگاندار قازاقستان رەسپۋبليكاسى پرەزيدەنتىنىڭ اكىمشىلىگىمەن كەلىسىم بويىنشا ءۇش اي مەرزىمدە ءتيىستى قورىتىندىلار دايىنداۋدى قامتيتىن باعالاۋ جۇرگىزۋ ادىستەمەسىن ازىرلەسىن جانە بەكىتسىن. 6. قازاقستان رەسپۋبليكاسى ەكونوميكالىق دامۋ جانە ساۋدا مينيسترلىگى قازاق­ستان رەسپۋبليكاسى پرەزيدەنتىنىڭ اكىمشىلىگىمەن كەلىسىم بويىنشا ءۇش اي مەرزىمدە ور­تالىق مەملەكەتتىك جانە جەرگىلىكتى اتقارۋشى ورگاندار قىزمەتىنىڭ تيىمدىلىگىن جالپى باعالاۋدىڭ ناتيجەلەرى تۋرالى قورىتىندىنىڭ فورماتىن ازىرلەسىن جانە بەكىتسىن. 7. قازاقستان رەسپۋبليكاسى پرەزيدەنتىنىڭ اكىمشىلىگى: 2010 جىلعى 1 جەلتوقسانعا دەيىن ورتالىق مەملەكەتتىك جانە جەرگىلىكتى اتقارۋشى ورگاندار قىزمەتىنىڭ تيىمدىلىگىنە جىل سايىنعى باعالاۋ جۇرگىزۋدىڭ كەستەسىن بەكىتسىن; كەستەگە وزگەرىستەر مەن تولىقتىرۋلار ەنگىزۋدى ورتالىق مەملەكەتتىك جانە جەر­گىلىكتى اتقارۋشى ورگاندار قىزمەتىنىڭ تيىمدىلىگىنە جىل سايىنعى باعالاۋ ءجۇر­گىزىلەتىن جىلدىڭ الدىنداعى جىلعى 1 جەلتوقساننان كەشىكتىرمەي جۇزەگە اسىرسىن. 8. قازاقستان رەسپۋبليكاسىنىڭ ۇكىمەتى ءۇش اي مەرزىمدە وبلىستىق بيۋدجەتتەن, رەسپۋبليكالىق ماڭىزى بار قالانىڭ, استانانىڭ, اۋدانداردىڭ (وبلىستىق ماڭىزى بار قالالاردىڭ) جەرگىلىكتى اتقارۋشى ورگاندارىنىڭ بيۋدجەتتەرىنەن قارجىلاندىرىلاتىن اتقارۋشى ورگاندار قىزمەتىنىڭ تيىمدىلىگىنە باعالاۋ جۇرگىزۋدىڭ ءتارتىبىن ازىرلەسىن جانە بەكىتسىن. 9. جەرگىلىكتى اتقارۋشى ورگاندار 2011 جىلدان باستاپ قازاقستان رەسپۋب­لي­كاسىنىڭ ۇكىمەتى ايقىنداعان تارتىپپەن وبلىستىق بيۋدجەتتەن, رەسپۋبليكالىق ماڭىزى بار قالانىڭ, استانانىڭ, اۋدانداردىڭ (وبلىستىق ماڭىزى بار قالالاردىڭ) جەرگىلىكتى اتقارۋشى ورگاندارىنىڭ بيۋدجەتتەرىنەن قارجىلاندىرىلاتىن اتقارۋشى ورگاندار قىزمەتىنىڭ تيىمدىلىگىنە باعالاۋ جۇرگىزۋدى قامتاماسىز ەتسىن. 10. “قازاقستان رەسپۋبليكاسىنىڭ مەملەكەتتىك باسقارۋ جۇيەسىن جاڭعىرتۋ جونىندەگى شارالار تۋرالى” قازاقستان رەسپۋبليكاسى پرەزيدەنتىنىڭ 2007 جىلعى 13 قاڭتارداعى № 273 جارلىعىنا (قازاقستان رەسپۋبليكاسىنىڭ ءپۇاج-ى, 2007 ج., № 1, 5-قۇجات; 2008 ج., № 2, 22-قۇجات; 2009 ج., № 35, 330-قۇجات) مىناداي وزگەرىستەر ەنگىزىلسىن: 2-تارماقتىڭ 3) تارماقشاسى مىناداي رەداكتسيادا جازىلسىن: “3) مەملەكەتتىك باسقارۋ ورگاندارى قىزمەتىنىڭ تيىمدىلىگىن كەشەندى باعالاۋ;”; جوعارىدا اتالعان جارلىقپەن بەكىتىلگەن مەملەكەتتىك باسقارۋ جۇيەسىن جاڭعىرتۋ جونىندەگى ءبىرىنشى كەزەكتەگى ءىس-شارالار جوسپارىندا: 7-تارماقتا: “جانە ونىڭ ءاۋديتى” دەگەن سوزدەر الىپ تاستالسىن; “ورتالىق جانە جەرگىلىكتى مەملەكەتتىك ورگاندار” دەگەن سوزدەر “ورتالىق مەملەكەتتىك جانە جەرگىلىكتى اتقارۋشى ورگاندار” دەگەن سوزدەرمەن اۋىستىرىلسىن. 11. وسى جارلىقتىڭ ورىندالۋىن باقىلاۋ قازاقستان رەسپۋبليكاسى پرەزيدەنتىنىڭ اكىمشىلىگىنە جۇكتەلسىن. 12. وسى جارلىق قول قويىلعان كۇنىنەن باستاپ قولدانىسقا ەنگىزىلەدى. قازاقستان رەسپۋبليكاسىنىڭ پرەزيدەنتى ن.نازارباەۆ. استانا, اقوردا, 2010 جىلعى ناۋرىزدىڭ 19-ى.  № 954 تولىق ءماتىنى 300310-zan