قانشاما جاننىڭ كوڭىلىنە اۋىرلىق سالماعىن تۇسىرگەن قىزىلاعاشتاعى سۋ تاسقىنى جۇرتتىڭ ەسىندە كوپكە دەيىن قالارى انىق. دەسەك تە, مۇنداي اپاتتىڭ قايتىپ كەلمەۋىن تىلەگەن ەلىمىز ازاماتتارى جەر-جەردەن كومەك قولىن سوزۋدا. قازاقستان حالقى اسسامبلەياسى تاراپىنان كورسەتىلىپ جاتقان كومەك سولاردىڭ ءبىر شوعىرى.
جاقىندا قۇرامىندا ءتۇرلى مادەني ورتالىقتاردىڭ وكىلدەرى بار قازاقستان حالقى اسسامبلەياسىنىڭ دەلەگاتسياسى الماتى وبلىسى, اقسۋ اۋدانى, قىزىلاعاش اۋىلىنا ارنايى اتباسىن بۇرىپ, ونداعى حالىقتىڭ بۇگىنگى تىنىس-تىرشىلىگىمەن تانىسىپ قايتتى. اسسامبلەيا وكىلدەرىنىڭ ايتۋىنا قاراعاندا, ماتەريالدىق كومەك اكتسياسىن وتكىزۋدى ەلىمىزدىڭ بارلىق رەسپۋبليكالىق جانە ءدىني ەتنومادەني بىرلەستىكتەرى, وبلىستىق دوستىق ۇيلەرى وكىلدەرى تۇگەلدەي قۋاتتاعان. ماتەريالدىق كومەك اكتسياسىن ۇيىمداستىرۋ كەزىندە قىزىلاعاشتىقتارعا ءتۇرلى ازىق-ت ۇلىك ونىمدەرىن, جىلى كيىمدەر مەن بالالارعا قاجەتتى وقۋ قۇرالدارىن ۇلەستىردى. بۇعان قوسا, قازاقستان حالقى اسسامبلەياسى وكىلدەرى زارداپ شەككەن جاندارعا 8 ملن. تەڭگە كولەمىندە قارجىلاي جاردەم كورسەتتى. قىزىلاعاشقا جاساعان ارنايى ساپار كەزىندە دەلەگاتسيا وبلىس باسشىلارى مەن جەرگىلىكتى اتقارۋشى بيلىك وكىلدەرىمەن كەزدەسىپ, سۋ تاسقىنىنان زارداپ شەككەن ايماقتى قايتا قالپىنا كەلتىرۋ جۇمىستارى جونىندە اڭگىمەلەستى. ءلايلا ەدىلقىزى.
