دەنساۋلىق جارشىسى

“دەنساۋلىق” جۋرنالىنا – 20 جىلسوناۋ وتكەن عاسىردىڭ وتى­زىنشى جىلدارى نەگىزى قا­لانعان “دەنساۋلىق جولى” جۋرنالى سو­لاقاي زاماننىڭ سوقپاعىنا تاپ كەلىپ, ءۇش جىلدان كەيىن جابىلىپ تىنعان. سودان اراعا 60 جىل سالىپ, 1990-شى جىلدارى ەلىمىز ءۇشىن كۇردەلى كەزەڭنىڭ قيىندىعىنا قاراماستان “دەنساۋلىق” جۋر­نالىنىڭ وقىرماندارىمەن قايتا قاۋىشۋىنا تۇڭعىش رەداكتورى, بەل­گىلى قالامگەر بەيبىت قوي­شى­باەۆتىڭ ەڭبەگى زور ەكەنىن اتاپ وتكەنىمىز ءجون بولار. 1992 جىلى دەنساۋلىق ساقتاۋ مينيسترلىگىنىڭ ورگانى رەتىندە كوپشىلىككە ار­نال­عان باسىلىمدى مارقۇم, جازۋشى جاقسىلىق تۇمەنباەۆ باسقاردى. ودان كەيىن تاۋەلسىزدىكتىڭ العاشقى جىلدارىنداعى رەفورمالارعا باي­لانىستى جۋرنال دەربەس باسىلىمعا اي­نالدى. 1993 جىلدان مەم­لە­كەتىمىزدىڭ قالىپتاسۋ كەزەڭدەرىندە ءوز وقىرماندارىن ساقتاپ قالۋدا, ونىڭ عىلىمي-كوپشىلىك جۋرنال بولىپ قالىپتاسۋىنا كوپ ەڭبەك سىڭىرگەن باسىلىمنىڭ باس رەداك­تورى مول­داحمەت قانازدىڭ دا ەڭبەگى ەرەن. جۋىردا وسى جۋرنالدىڭ مە­رەي­تويىنا ارنايى كەلگەن دەنساۋلىق ساقتاۋ ۆيتسە-ءمينيسترى ەلجان ءبىرتانوۆ ەلىمىزدىڭ باس دارىگەرى جاقسىلىق دوسقاليەۆتىڭ دەنساۋلىق ساقتاۋ سالاسىنداعى ماسەلەلەردى كوتەرىپ, جۇرتشىلىققا پايدالى ماتەريالدار جاريالاۋدا ەڭبەكتەنىپ جاتقان جۋرنال ۇجىمىنا دەگەن قۇتتىقتاۋىن وقىپ, ءوز اتىنان دا رەداكتسيا قىزمەتكەرلەرىنىڭ جۇ­مىسىنا ساتتىلىك, شىعارماشىلىق تابىس تىلەدى. سونداي-اق, مادەنيەت ءمينيسترى م.قۇل-مۇحاممەد پەن قازاقستان جۋرناليستەر وداعىنىڭ توراعاسى س.ماتاەۆتىڭ قۇتتىقتاۋىن جەت­كىزگەن “قازاق گازەتتەرى” جشس-ءنىڭ باس ديرەكتورى جۇمابەك كەنجالين ءوز اتىنان دا ارىپتەستەرىنە جىلى تىلەگىن ارنادى. سونىمەن بىرگە ءوز جۇرەكجاردى لەبىزدەرىن باسى­لىمنىڭ اقىلداستار القاسىنىڭ مۇشەلەرى كامال ورمانتاەۆ, بەگالى ايتبەمبەت, بەيبىت قويشىباەۆ, ساۋلە ديقانباەۆا يساتاي قۇل­مامبەت, جاساي زەكەي ۇلى دا ءبىلدىرىپ, ۇجىمنىڭ جۇمىسىنا تابىس تىلەدى. جيىندا باسىلىم قىز­مەت­كەرلەرىنىڭ ەڭبەكتەرى باعالانىپ, ءبولىم رەداكتورى ۇلپاش تىلەگەنوۆا “دەنساۋلىق ساقتاۋ ىسىنە قوسقان ۇلەسى ءۇشىن”, باس رەداكتوردىڭ ورىنباسارى ۇلبوسىن قاناز, جا­ۋاپتى حاتشىسى اباتباي كىر­قاباقوۆ “قر دەنساۋلىق ساقتاۋ ءىسى­نىڭ ۇزدىگى” ءتوس بەلگىلەرىمەن, كور­كەم­­دەۋشى رەداكتور اقبوتا قۇل­مامبەت دەنساۋلىق ساقتاۋ مي­نيسترلىگىنىڭ قۇرمەت گراموتاسىمەن ماراپاتتالدى. سونداي-اق, جۋرنال قىزمەتكەرلەرىمەن قاتار بەلسەندى اۆتورلارى دا بايلانىس جانە اقپارات مينيسترلىگىنىڭ, جۋر­نا­ليستەر وداعىنىڭ, الماتى قالالىق دەنساۋلىق ساقتاۋ باسقارماسىنىڭ قۇرمەت گراموتالارى مەن باعالى سىي­لىقتارىنا يە بولدى. گۇلزەينەپ سادىرقىزى.