قىزىلوردا قالاسىندا اكە ءوز بالاسىنا پىشاق سالىپ ءولتىردى. بۇل تۋرالى وبلىستىق ىشكى ىستەر دەپارتامەنتىنىڭ ءباسپاسوز قىزمەتى دەرەگىنە سۇيەنگەن «قازاقپارات» ءتىلشىسى حابارلادى.
«تامىز ايىنىڭ 7-ءسى كۇنى وبلىستىق مەديتسينا ورتالىعىنىڭ كەزەكشى دارىگەرى جانساقتاۋ بولىمىنە ەر ازاماتتىڭ پىشاق جاراقاتىمەن ءتۇسىپ, جان تاپسىرعاندىعى جونىندە قىزىلوردا قالالىق ىشكى ىستەر باسقارماسىنا حابارلاسقان. پوليتسيا قىزمەتكەرلەرى تەكسەرۋ بارىسىندا اۋرۋحاناعا تۇسكەن ازاماتتىڭ وبلىس ورتالىعىنىڭ تۇرعىنى ەكەنىن انىقتادى», - دەلىنگەن حابارلامادا.
ۇستىمىزدەگى جىلعى 4 تامىز كۇنى 1955 جىلى تۋعان اكە مەن 1977 جىلى تۋعان بالا ءوزارا جانجالداسىپ قالادى. اشۋعا بۋلىققان اكە بالاسىن پىشاقپەن ۇرعان. وسى جاراقاتىمەن اۋرۋحاناعا تۇسكەن جابىرلەنۋشى كوپ ۇزاماي كوز جۇمعان.
قازىرگى تاڭدا كۇدىكتى اكە ۇستالىپ, قاماۋعا الىندى. تەرگەۋ امالدارى جۇرگىزىلۋدە.
مۇرات ايتقوجا.
