اقمولا وبلىسىنىڭ قارجى پوليتسەيلەرى باعاسى بىرنەشە ەسە قىمبات جانار-جاعار مايدى ساتىپ الماق بولعان شەنەۋنىكتەردىڭ جولىن كەستى. بۇل تۋرالى وبلىستىق قارجى پوليتسياسىنىڭ اعا ينسپەكتورى ولگا تيسسەننىڭ سوزىنە سۇيەنگەن «24» تەلەارناسى حابارلادى.
باسىندا «ساندىقتاۋ» اۋدانى اۋىل شارۋاشىلىعى جانە جەر قاتىناستارى ءبولىمى» مەملەكەتتىك باسقارماسى تونناسىن 440 مىڭ تەڭگەدەن اي-92بەنزينىن ساتىپ الۋعا كونكۋرس جاريالايدى. تابيعي باسەكەلەستىكتى رەتتەۋ اگەنتتىگىنىڭ مالىمەتى بويىنشا, بۇل كەزدە اتالمىش مايدىڭ ءبىر تونناسى 148 مىڭ تەڭگە تۇرعان. مەكەمە جالپى سوماسى 1ملرد. 672 ملن. تەڭگەگە 3 800 توننا وتىن ساتىپ الماقشى بولعان. «وسىلايشا 1 ملرد. تەڭگەگە جۋىق بيۋدجەت قارجىسىن تالان-تاراج ەتۋ الدىن الا جوسپارلانعان», دەيدى ولگا تيسسەن.
سۇلتان بوزايعىر.
