الماتىنىڭ ەڭ ۇزدىك مۇعالىمى

بيىل وسىمەن التىنشى رەت الماتى قالاسىنىڭ ۇزدىك مۇعالىمدەرى انىقتالدى. ۇستازدار  قاۋىمىن ىزدەنىستەرگە عانا ۇمتىلدىرىپ قويماي, الەۋمەتتىك جاعدايلارىنا دا يگى ىقپال ەتەتىن “جىل مۇعالىمى” بايقاۋىنىڭ جۇلدەگەرلەرىن ءداستۇر بويىنشا قالا اكىمى احمەتجان ەسىموۆ قۇتتىقتادى. سونىمەن الماتى قالاسىنىڭ 2010 جىلعى ەڭ ۇزدىك مۇعالىمى №79 گيمنازياسىنىڭ اعىلشىن ءتىلىنىڭ مۇعالىمى الما يگىلىكوۆا اتاندى. قالا اكىمى باس ءجۇل­دەگەرگە “جىل مۇ­عالىمى” ءتوس­بەلگىسىن تاعىپ, ءبىر بولمەلى ءپا­تەر كىلتىن تا­بىس ەتتى. ال وتكەن جىلى الماتىنىڭ ەڭ ۇزدىك مۇعالىمى اتاعىن جەڭىپ العان تۇرسىن تاڭاتوۆ  باي­قاۋدىڭ سيم­ۆولى – اۋىس­پالى ال­تىن ال­ما مەن كى­تاپ­تى الماعا اماناتتادى. ال ءبىرىنشى ورىندى يەم­دەنگەن №133 جالپى ءبىلىم بەرەتىن ورتا مەكتەپتىڭ مۋزىكا ءپانىنىڭ مۇعالىمى قاناعات جالعاسباەۆا جاڭا اۆتوكولىكتىڭ يەسى بولىپ شىعا كەلدى. بوستاندىق اۋدانىن­داعى م.بازارباەۆ اتىنداعى №138 گيمنازياسىنىڭ تاريحتان ءدارىس بەرەتىن ۇستازى جاندوس قۇمعانباەۆقا ەكىنشى ورىن العانى تۋرالى ارناۋلى ديپ­لومدى قازاقستاننىڭ حالىق ءارتىسى روزا رىمباەۆا تابىس ەتتى. ال ءۇشىنشى ورىن №51 مەكتەپ-گيمنازياسىنىڭ ورىس ءتىلى مەن ادەبيەتى ءپانىنىڭ مۇعالىمى تاتيانا ليزۋنوۆاعا بۇيىردى. سونداي-اق, كەيىنگى ءۇش جىل قاتارىنان وتكىزىلىپ كەلە جاتقان “قازاق ءتىلى ءپانىنىڭ ۇزدىك مۇ­عالىمى” بايقاۋىنىڭ باس جۇلدەسىن ايزا مۇحتارقۇلوۆا جەڭىپ الدى. بيىل بۇل كونكۋرسقا قازا ءتىلى مەن ادەبيەتى ءپانىنىڭ 43 مۇعالىمى قاتىستى. سىننان سۇرىنبەي وتكەن تاعى 10 مۇعالىم بايقاۋدىڭ دە­مەۋشىسى “كومسنابستروي” اق توراعا­سى م.تولەگەنوۆ تاعايىن­داعان قارجىلاي سىيلىقتاردى الىپ, وتباسىلارىنا, ءبىلىم وردالارىنا قۋانىشپەن ورالدى. ءتورت تۋردان تۇراتىن “جىل مۇعالىمى” بايقاۋىنىڭ اقتىق سىنىنا قالا مەكتەپتەرى ارا­سىنان 10 ۇس­تاز ءۇز­ىلىپ شىققان. جال­پى باي­قاۋعا قا­تى­سۋعا قالا بو­يىنشا 87 مۇ­عالىم ءوتى­نىش بىلدىرگەن ەكەن.  باي­قاۋ­دىڭ سوڭ­­عى سىنىندا ءىر­ىكتەلگەن 10 مۇ­عالىم اش­ىق ساباقتار وتكىزىپ, ول­ار­دىڭ ۇستازدىق بىلىكتىلىكتەرى كاسىبي قا­زىلار توبى تاراپىنان ساراپتالعان. وعان قوسا 11 ناۋرىزدا ال­ما­تى قالاسىنىڭ ءبىلىم بەرۋ ءجۇ­يە­سىندەگى مامانداردىڭ كاسىپ­قوي­لىعىن كوتەرۋ جانە قايتا دايارلاۋ ينستيتۋتىندا بالالاردىڭ باس­پا­سوز-ءماسليحاتى ءوتىپ, وندا كون­كۋر­سانت­تاردىڭ بەينەتاسپاعا ءتۇ­سى­رىل­گەن اشىق ساباقتارى وقۋشىلار نازارىنا ۇسىنىلعان. بۇل باس­قوسۋدا №12 جانە №35 گيمنازيا­لا­رىنىڭ شاكىرتتەرى جۇلدەلى ورىندارعا لايىقتى ۇستازدارعا ساۋالدارى مەن وتىنىشتەرىن ءبىل­دىرگەن بولاتىن. ءماسليحاتتىڭ ناتيجەسىندە كوڭىلدەرىنەن شىق­قان مۇعالىمگە “بالالار كو­ز­ايى­مى” دەگەن جۇلدە تاعايىندالدى. ايناش ەسالي, الماتى.