2013 جىلعى 27 ناۋرىز, استانا, ۇكىمەت ءۇيى
«قارجىلاندىرۋ كوزدەرىنە قاراماستان قۇرىلىسقا ارنالعان جوبالاۋ الدىنداعى (تەحنيكا-ەكونوميكالىق نەگىزدەمەلەر) جانە جوبالاۋ (جوبالاۋ-سمەتالىق) قۇجاتتاماعا ساراپتاما جۇرگىزۋ, سونداي-اق مەملەكەتتىك ينۆەستيتسيالار ەسەبىنەن سالىنىپ جاتقان جوبالاردى بەكىتۋ ەرەجەسى تۋرالى» قازاقستان رەسپۋبليكاسى ۇكىمەتىنىڭ 2002 جىلعى 19 تامىزداعى № 918 قاۋلىسىنا وزگەرىستەر مەن تولىقتىرۋلار ەنگىزۋ تۋرالى
قازاقستان رەسپۋبليكاسىنىڭ ۇكىمەتى قاۋلى ەتەدى:
1. «قارجىلاندىرۋ كوزدەرىنە قاراماستان قۇرىلىسقا ارنالعان جوبالاۋ الدىنداعى (تەحنيكا-ەكونوميكالىق نەگىزدەمەلەر) جانە جوبالاۋ (جوبالاۋ-سمەتالىق) قۇجاتتاماعا ساراپتاما جۇرگىزۋ, سونداي-اق مەملەكەتتىك ينۆەستيتسيالار ەسەبىنەن سالىنىپ جاتقان جوبالاردى بەكىتۋ ەرەجەسى تۋرالى» قازاقستان رەسپۋبليكاسى ۇكىمەتىنىڭ 2002 جىلعى 19 تامىزداعى №918 قاۋلىسىنا (قازاقستان رەسپۋبليكاسىنىڭ ءپۇاج-ى, 2002 ج., № 27, 304-قۇجات) مىناداي وزگەرىستەر مەن تولىقتىرۋلار ەنگىزىلسىن:
كورسەتىلگەن قاۋلىمەن بەكىتىلگەن قارجىلاندىرۋ كوزدەرىنە قاراماستان قۇرىلىسقا ارنالعان جوبالاۋ الدىنداعى (تەحنيكا-ەكونوميكالىق نەگىزدەمەلەر) جانە جوبالاۋ (جوبالاۋ-سمەتالىق) قۇجاتتاماعا ساراپتاما جۇرگىزۋ, سونداي-اق مەملەكەتتىك ينۆەستيتسيالار ەسەبىنەن سالىنىپ جاتقان جوبالاردى بەكىتۋ ەرەجەسىندە:
4-تارماق مىناداي رەداكتسيادا جازىلسىن:
«4. جوبالاردىڭ ساراپتاماسىن ءتيىستى اتتەستاتى بار ساراپشىلار جۇزەگە اسىرادى.
بۇل رەتتە جوبالاردى مەملەكەتتىك ساراپتاۋدى قازاقستان رەسپۋبليكاسى ۇكىمەتىنىڭ شەشىمى بويىنشا قۇرىلعان شارۋاشىلىق جۇرگىزۋ قۇقىعىنداعى رەسپۋبليكالىق مەملەكەتتىك كاسىپورىن جۇزەگە اسىرادى. مەملەكەتتىك ساراپتامانىڭ ەرەكشە قۇزىرەتىنە جاتپايتىن جوبالاردىڭ ساراپتاماسىن ساراپتامالىق جۇمىستار نارىعىنىڭ سۋبەكتىلەرى جۇزەگە اسىرادى.»;
7-تارماقتىڭ ەكىنشى بولىگى مىناداي رەداكتسيادا جازىلسىن:
«مەملەكەتتىك مونوپوليا سۋبەكتىسى وندىرەتىن جانە (نەمەسە) وتكىزەتىن تاۋارلاردىڭ (جۇمىستاردىڭ, كورسەتىلەتىن قىزمەتتەردىڭ) باعالارىن قازاقستان رەسپۋبليكاسىنىڭ ۇكىمەتى بەلگىلەيدى.»;
9 جانە 10-تارماقتار مىناداي رەداكتسيادا جازىلسىن:
«9. ساراپتاما جۇرگىزگەن كەزدە جوبانى ازىرلەۋشىدە ىزدەستىرۋ قىزمەتىنىڭ جانە/نەمەسە جوبالاۋ قىزمەتىنىڭ ءتيىستى تۇرلەرىنە ليتسەنزياسىنىڭ بولۋى نەمەسە بولماۋى دا بەلگىلەنەدى.
10. جوبانى ساراپتاماعا تاپسىرىسشى (ينۆەستور) نە ونىڭ تاپسىرماسى بويىنشا باس جوبالاۋشى ساۋلەت, قالا قۇرىلىسى جانە قۇرىلىس ىستەرى جونىندەگى ۋاكىلەتتى مەملەكەتتىك ورگان بەكىتكەن مەملەكەتتىك نورماتيۆتەردە كوزدەلگەن قۇرامدا ۇسىنادى.»;
مىناداي مازمۇنداعى 10-1-تارماقپەن تولىقتىرىلسىن:
«10-1. جوبالاۋ الدىنداعى جانە جوبالاۋ (جوبالاۋ-سمەتالىق) قۇجاتتاما ساراپتاماعا قاعاز جانە ەلەكتروندىق جەتكىزگىشتەردە ۇسىنىلادى.»;
14-تارماق مىناداي رەداكتسيادا جازىلسىن:
«14. بەكىتىلگەننەن كەيىن ول بويىنشا ءۇش جىل ىشىندە جوبالاۋ-سمەتالىق قۇجاتتاما ازىرلەنبەگەن جانە بەكىتىلمەگەن جوبالاۋ الدىنداعى قۇجاتتاما ەسكىرگەن بولىپ ەسەپتەلەدى ءارى قازاقستان رەسپۋبليكاسىنىڭ زاڭناماسىندا بەلگىلەنگەن تارتىپپەن جاڭادان ساراپتاما جۇرگىزىلگەننەن جانە قايتا بەكىتىلگەننەن كەيىن عانا ىسكە اسىرۋ ءۇشىن پايدالانىلۋى مۇمكىن.
ازىرلەۋ اياقتالعاننان جانە ساراپتاما جۇرگىزىلگەننەن كەيىن ءۇش جىل ىشىندە قۇرىلىسى باستالماعان جوبالاۋ (جوبالاۋ-سمەتالىق) قۇجاتتاماسى ەسكىرگەن بولىپ ەسەپتەلەدى ءارى قازاقستان رەسپۋبليكاسىنىڭ زاڭناماسىندا بەلگىلەنگەن تارتىپپەن جاڭادان ساراپتاما جۇرگىزىلگەننەن جانە قايتا بەكىتىلگەننەن كەيىن عانا ىسكە اسىرۋ ءۇشىن پايدالانىلۋى مۇمكىن.»;
18-تارماق مىناداي رەداكتسيادا جازىلسىن:
«18. ساراپتاماعا جاتاتىن, بىراق مەملەكەتتىك ساراپتامانىڭ ەرەكشە قۇزىرەتىنە جاتپايتىن قۇرىلىس جوبالارىنىڭ تاپسىرىس بەرۋشىسى (ينۆەستورى) ءوز قالاۋى بويىنشا ساراپتامالىق جۇمىستار نارىعى سۋبەكتىسىنىڭ ىشىنەن ءتيىستى اتتەستاتى بار كەز كەلگەن جەكە تۇلعانى ساراپشى رەتىندە تاڭداۋعا نە مەمساراپتاماعا جۇگىنۋگە قۇقىلى.»;
19-تارماقتىڭ 1) تارماقشاسى مىناداي رەداكتسيادا جازىلسىن:
«1) بيۋدجەتتىك ينۆەستيتسيالار ەسەبىنەن نەمەسە ولاردىڭ قاتىسۋىمەن تۇرعىزىلعان, سونداي-اق بيۋدجەتتىك ينۆەستيتسيالاردىڭ قاتىسۋىنسىز تۇرعىزىلعان, بىراق زاڭنامادا بەلگىلەنگەن تارتىپپەن ءونىم شىعارۋ نەمەسە كورسەتىلەتىن قىزمەتتەر كولەمىندەگى مەملەكەتتىك مەنشىك ۇلەسى كوزدەلەتىن;»;
21-تارماق مىناداي مازمۇنداعى ءۇشىنشى بولىكپەن تولىقتىرىلسىن:
«بيۋدجەتتىك ينۆەستيتسيالىق جوبانى ىسكە اسىرۋ مەملەكەتتىك ساراپتامانىڭ جيىنتىق قورىتىندىسىنىڭ نەگىزىندە جوبالاۋ-سمەتالىق قۇجاتتاما بەكىتىلگەننەن كەيىن جۇزەگە اسىرىلادى.»;
24 جانە 25-تارماقتار مىناداي رەداكتسيادا جازىلسىن:
«24. مەملەكەتتىك ساراپتامانىڭ وڭ قورىتىندىسى:
1) جوبالاۋ الدىنداعى قۇجاتتامانى (بيۋدجەتتىك ينۆەستيتسيالىق جوبالاردى قوسپاعاندا) بەلگىلەنگەن تارتىپپەن بەكىتۋ ج
انە ينۆەستوردىڭ قۇرىلىس وبەكتىسىن ودان ءارى قاراي ينۆەستيتسيالاۋ جونىندە شەشىم قابىلداۋ جانە جوبالاۋ (جوبالاۋ-سمەتالىق) قۇجاتتاماسىن ازىرلەۋ;
2) جوبالاۋ (جوبالاۋ-سمەتالىق) قۇجاتتاماسىڭ بەلگىلەنگەن تارتىپپەن بەكىتۋ جانە جوبانى ىسكە اسىرۋ بويىنشا قۇرىلىس-مونتاج جۇمىستارىن جۇرگىزۋدى باستاۋ ءۇشىن نەگىز بولادى.
25. مەملەكەتتىك ساراپتامانىڭ وڭ قورىتىندىسىن العان جوبالاۋ الدىنداعى نەمەسە جوبالاۋ (جوبالاۋ-سمەتالىق) قۇجاتتاماسىنىڭ تۇپكىلىكتى نۇسقاسىنىڭ ەلەكتروندىق نۇسقاسىن تاپسىرىس بەرۋشى نە ونىڭ تاپسىرماسى بويىنشا باس جوبالاۋشى مەمساراپتاماعا قورىتىندىنى العان كۇنىنەن باستاپ كۇنتىزبەلىك 5 كۇن ىشىندە مۇراعاتتىق (باقىلاۋ) داناسى رەتىندە ساقتاۋ ءۇشىن بەرەدى.»;
28-تارماقتىڭ 4) تارماقشاسى مىناداي رەداكتسيادا جازىلسىن:
«4) مەملەكەتتىك ينۆەستيتسيالار - بيۋدجەتتىك ينۆەستيتسيالار, سونداي-اق مەملەكەتتىك كەپىلدىكپەن نە مەملەكەت كەپىلگەرلىگىمەن بەرىلەتىن مەملەكەتتىك ەمەس قارىز قاراجاتى ەسەبىنەن قارجىلاندىرۋ;»;
31-تارماق مىناداي رەداكتسيادا جازىلسىن:
«31. بەكىتىلگەننەن كەيىن ول بويىنشا ءۇش جىل ىشىندە جوبالاۋ-سمەتالىق قۇجاتتاما ازىرلەنبەگەن جانە بەكىتىلمەگەن جوبالاۋ الدىنداعى قۇجاتتاما ەسكىرگەن بولىپ ەسەپتەلەدى ءارى قازاقستان رەسپۋبليكاسىنىڭ زاڭناماسىندا بەلگىلەنگەن تارتىپپەن جاڭادان ساراپتاما جۇرگىزىلگەننەن جانە قايتا بەكىتىلگەننەن كەيىن عانا ىسكە اسىرۋ ءۇشىن پايدالانىلۋى مۇمكىن.
ازىرلەۋ اياقتالعاننان جانە ساراپتاما جۇرگىزىلگەننەن كەيىن ءۇش جىل ىشىندە قۇرىلىسى باستالماعان جوبالاۋ (جوبالاۋ-سمەتالىق) قۇجاتتاماسى ەسكىرگەن بولىپ ەسەپتەلەدى ءارى قازاقستان رەسپۋبليكاسىنىڭ زاڭناماسىندا بەلگىلەنگەن تارتىپپەن جاڭادان ساراپتاما جۇرگىزىلگەننەن جانە قايتا بەكىتىلگەننەن كەيىن عانا ىسكە اسىرۋ ءۇشىن پايدالانىلۋى مۇمكىن.»;
مىناداي مازمۇنداعى 32-1-تارماقپەن تولىقتىرىلسىن:
«32-1. ەگەر, قۇرىلىس جوبالارىنىڭ تاپسىرىس بەرۋشىسى «سامۇرىق-قازىنا» ۇلتتىق ءال-اۋقات قورى» اكتسيونەرلىك قوعامى (بۇدان ءارى - قور) بولسا, مەملەكەتتىك ساراپتامانىڭ وڭ قورىتىندىسىن العاننان كەيىن قوردىڭ جارعىلىق كاپيتالىنا مەملەكەتتىڭ قاتىسۋى ارقىلى مەملەكەتتىك ينۆەستيتسيالار ەسەبىنەن قارجىلاندىرىلاتىن وبەكتىلەر مەن كەشەندەردى سالۋعا ارنالعان سمەتالىق قۇنى اعىمداعى باعامەن 1300000 ء(بىر ميلليون ءۇش ءجۇز مىڭ) ايلىق ەسەپتىك كورسەتكىشكە دەيىن جوبالاۋ الدىنداعى جانە جوبالاۋ (جوبالاۋ-سمەتالىق) قۇجاتتاماسىن قور بەكىتۋگە ءتيىس.
سمەتالىق قۇنى اعىمداعى باعامەن 1300000 ء(بىر ميلليون ءۇش ءجۇز مىڭ) ايلىق ەسەپتىك كورسەتكىشتەن باستاپ جانە ودان جوعارى قۇرىلىس جوبالارى وسى ەرەجەنىڭ 32-تارماعىنىڭ 2) تارماقشاسىنا سايكەس بەكىتىلەدى.»;
35-1-تارماقتىڭ ەكىنشى بولىگى مىناداي رەداكتسيادا جازىلسىن:
«قۇرىلىس مەرزىمى بەس جىلدان استام, جىلۋ قۋاتى 300 گكال/ساع. كەم ەمەس نەمەسە ەلەكتر قۋاتى 200 مۆت كەم ەمەس جىلۋ-ەنەرگەتيكالىق كەشەننىڭ تەحنيكالىق جاعىنان كۇردەلى جانە تەحنولوگيالىق جاعىنان بايلانىستى (كەزەڭ-كەزەڭمەن ىسكە اسىرىلاتىن) وبەكتىلەرى ءۇشىن قۇرىلىس قۇنىنىڭ سمەتالىق ەسەپتەمەسىنىڭ 10 %-ى مولشەرىندە تاپسىرىس بەرۋشىنىڭ يەلىگىندە قالاتىن قاراجات رەزەرۆىن پايدالانۋ ءتارتىبىن يندۋستريالىق-يننوۆاتسيالىق قىزمەتتى مەملەكەتتىك قولداۋ سالاسىنداعى ۋاكىلەتتى ورگانمەن كەلىسىم بويىنشا ساۋلەت, قالا قۇرىلىسى جانە قۇرىلىس ىستەرى جونىندەگى ۋاكىلەتتى ورگان ايقىندايدى.».
2. وسى قاۋلى العاشقى رەسمي جاريالانعان كۇنىنەن باستاپ كۇنتىزبەلىك ون كۇن وتكەن سوڭ قولدانىسقا ەنگىزىلەدى.
قازاقستان رەسپۋبليكاسىنىڭ پرەمەر-ءمينيسترى س.احمەتوۆ.
