2013 جىلعى 12 ناۋرىز, استانا, ۇكىمەت ءۇيى
قازاقستان رەسپۋبليكاسىنىڭ سەنىم بىلدىرىلگەن ءۇشىنشى تاراپىنىڭ شەتەلدىك ەلەكتروندىق تسيفرلىق قولتاڭباسىنىڭ تۇپنۇسقالىلىعىن راستاۋ قاعيدالارىن بەكىتۋ تۋرالى
«ەلەكتروندىق قۇجات جانە ەلەكتروندىق تسيفرلىق قولتاڭبا تۋرالى» 2003 جىلعى 7 قاڭتارداعى قازاقستان رەسپۋبليكاسىنىڭ زاڭى 4-بابىنىڭ 4-2) تارماقشاسىنا سايكەس قازاقستان رەسپۋبليكاسىنىڭ ۇكىمەتى قاۋلى ەتەدى:
1. قوسا بەرىلىپ وتىرعان قازاقستان رەسپۋبليكاسىنىڭ سەنىم بىلدىرىلگەن ءۇشىنشى تاراپىنىڭ شەتەلدىك ەلەكتروندىق تسيفرلىق قولتاڭباسىنىڭ تۇپنۇسقالىلىعىن راستاۋ قاعيدالارى بەكىتىلسىن.
2. وسى قاۋلى العاشقى رەسمي جاريالانعان كۇنىنەن باستاپ كۇنتىزبەلىك ون كۇن وتكەن سوڭ قولدانىسقا ەنگىزىلەدى.
قازاقستان رەسپۋبليكاسىنىڭ پرەمەر-ءمينيسترى س.احمەتوۆ.
قازاقستان رەسپۋبليكاسى ۇكىمەتىنىڭ 2013 جىلعى 12 ناۋرىزداعى №227 قاۋلىسىمەن بەكىتىلگەن
قازاقستان رەسپۋبليكاسىنىڭ سەنىم بىلدىرىلگەن ءۇشىنشى تاراپىنىڭ شەتەلدىك ەلەكتروندىق تسيفرلىق قولتاڭباسىنىڭ تۇپنۇسقالىلىعىن راستاۋ قاعيدالارى
1. جالپى ەرەجەلەر
1. وسى قازاقستان رەسپۋبليكاسىنىڭ سەنىم بىلدىرىلگەن ءۇشىنشى تاراپىنىڭ شەتەلدىك ەلەكتروندىق تسيفرلىق قولتاڭباسىنىڭ تۇپنۇسقالىلىعىن راستاۋ قاعيدالارى (بۇدان ءارى - قاعيدالار) «ەلەكتروندىق قۇجات جانە ەلەكتروندىق تسيفرلىق قولتاڭبا تۋرالى» 2003 جىلعى 7 قاڭتارداعى قازاقستان رەسپۋبليكاسىنىڭ زاڭى (بۇدان ءارى - زاڭ) 4-بابىنىڭ 4-2) تارماقشاسىنا سايكەس ازىرلەندى.
قاعيدالار اقپاراتتىق الماسۋدىڭ قاتىسۋشىلارىمەن قازاقستان رەسپۋبليكاسىنىڭ سەنىم بىلدىرىلگەن ءۇشىنشى تاراپىنىڭ شەتەلدىك ەلەكتروندىق تسيفرلىق قولتاڭباسىنىڭ تۇپنۇسقالىلىعىن راستاۋ ءتارتىبىن ايقىندايدى.
2. وسى قاعيدالاردا مىناداي نەگىزگى ۇعىمدار پايدالانىلادى:
1) قازاقستان رەسپۋبليكاسىنىڭ سەنىم بىلدىرىلگەن ءۇشىنشى تاراپى (بۇدان ءارى – قر ءسبۇت) – ەلەكتروندىق تسيفرلىق قولتاڭبا قۇرالدارىن (ەلەكتروندىق تسيفرلىق قولتاڭبانى قالىپتاستىرۋ جانە تەكسەرۋ پروتسەستەرىن ىسكە اسىراتىن اقپاراتتى كريپتوگرافيالىق قورعاۋ قۇرالدارىن) پايدالانۋمەن شەتەلدىك ەلەكتروندىق تسيفرلىق قولتاڭبانىڭ تۇپنۇسقالىلىعىن راستاۋدى جۇزەگە اسىراتىن مەملەكەتتىك تەحنيكالىق قىزمەت;
2) ەلەكتروندىق تسيفرلىق قولتاڭبا (بۇدان ءارى – ەتسق) – ەلەكتروندىق تسيفرلىق قولتاڭبا قۇرالدارىمەن جاسالعان جانە ەلەكتروندىق قۇجاتتىڭ دۇرىستىعىن, ونىڭ تيەسىلىگىن جانە مازمۇنىنىڭ وزگەرمەيتىندىگىن راستايتىن ەلەكتروندىق تسيفرلىق نىشاندار تەرىمى;
3) RFس 3029 (Internet X.509 Public Key Infrastructure Data Validation and Certification Server Protocols (DVCS)) – ترانسشەكارالىق اقپارات الماسۋ كەزىندە كەدەن وداعىنىڭ سىرتقى جانە ءوزارا ساۋداسىنىڭ ىقپالداستىرىلعان اقپاراتتىق جۇيەسىنىڭ نەگىزىندە قۇرالاتىن حاتتاما;
4) كۋالاندىرۋشى ورتالىق – ەلەكتروندىق تسيفرلىق قولتاڭبانىڭ اشىق كىلتىنىڭ ەلەكتروندىق تسيفرلىق قولتاڭبانىڭ جابىق كىلتىنە سايكەستىگىن كۋالاندىراتىن, سونداي-اق تىركەۋ كۋالىگىنىڭ دۇرىستىعىن راستايتىن زاڭدى تۇلعا;
5) تىركەۋ كۋالىگى – كۋالاندىرۋشى ورتالىق ەلەكتروندىق تسيفرلىق قولتاڭبانىڭ زاڭدا بەلگىلەنگەن تالاپتارعا سايكەستىگىن راستاۋ ءۇشىن بەرەتىن قاعاز جەتكىزگىشتەگى قۇجات نەمەسە ەلەكتروندىق قۇجات;
6) كۋالاندىرۋشى ورتالىقتىڭ تىركەۋ كۋالىگى – كۋالاندىرۋشى ورتالىقتىڭ وزدىگىنەن قول قويىلعان تىركەۋ كۋالىگى;
7) شەتەلدىك تسيفرلىق قولتاڭبانى تەكسەرۋ تۇبىرتەگى (بۇدان ءارى -«ەلەكتروندىق نوتاريات» (RFC 3029) قىزمەتى DVCS حاتتاماسى بويىنشا DVC تۇبىرتەگى) – قر ءسبۇت ەتسق كۋالاندىرىلعان جانە شەتەلدىك ەتسق تۇپنۇسقالىلىعىن راستايتىن ەلەكتروندىق قۇجات;
8) VSD (Validation of Digitally Signet Document) – شەتەلدىك ەتسق تۇپنۇسقالىلىعىن تەكسەرۋدى جۇزەگە اسىراتىن قر ءسبۇت قىزمەتى;
9) VPKC (Validation of Public Key Certificates) - ءبىر نەمەسە بىرنەشە تىركەۋ كۋالىكتەرىنىڭ ەلەكتروندىق تسيفرلىق قولتاڭباسىنىڭ اشىق كىلتىنىڭ تيەسىلىگىن جانە دۇرىستىعىن تەكسەرۋدى جۇزەگە اسىراتىن قر ءسبۇت قىزمەتى.
3. قر ءسبۇت-پەن اقپاراتتىق الماسۋدىڭ قاتىسۋشىلارى:
1) شەتەلدىك مەملەكەتتەردىڭ ءسبۇت-ءى;
2) جەكە جانە زاڭدى تۇلعالار (بۇدان ءارى - پايدالانۋشىلار) بولىپ تابىلادى.
2. شەتەلدىك ەلەكتروندىق تسيفرلىق قولتاڭبانىڭ تۇپنۇسقالىلىعىن راستاۋ ءتارتىبى
4. قر ءسبۇت شەتەلدىك ەلەكتروندىق تسيفرلىق قولتاڭبانىڭ تۇپنۇسقالىلىعىن مىناداي شارتتار ورىندالعان كەزدە تەكسەرەدى:
1) تەكسەرىلەتىن ەلەكتروندىق قۇجات شەتەلدىك مەملەكەتتىڭ جەكە نەمەسە زاڭدى تۇلعاسىنىڭ ەلەكتروندىق تسيفرلىق قولتاڭباسىمەن كۋالاندىرىلعان;
2) شەتەلدىك مەملەكەتتىڭ جەكە نەمەسە زاڭدى تۇلعاسىنىڭ تىركەۋ كۋالىگى شەتەلدىك كۋالاندىرۋشى ورتالىقتا شىعارىلعان;
3) شەتەلدىك كۋالاندىرۋشى ورتالىق شەتەلدىك مەملەكەتتىڭ ءتيىستى ءسبۇت-ىندە تىركەلگەن;
4) شەتەلدىك مەملەكەتتىڭ ءسبۇت-ءى قر ءسبۇت-ىندە تىركەلگەن.
شەتەلدىك مەملەكەتتىڭ ءسبۇت-ءىن قر ءسبۇت-ىندە تىركەۋ ءتارتىبىن اقپاراتتاندىرۋ سالاسىنداعى ۋاكىلەتتى ورگان ايقىندايدى.
5. شەتەلدىك ەلەكترو
