ءالى دە الاڭداۋشىلىق بار

قىستىڭ قاھارلى, تولاسسىز بو­ران­دى-شاشىندى بولۋى كەندىالتاي­لىقتاردى شىڭداي تۇسكەندەي. وب­لىس­تىڭ وڭتۇستىك اۋداندارىندا ورىن العان تاسقىن سۋ 50 مىڭعا تارتا مالدى شىعىنعا ۇشىراتتى, 1 مىڭعا تارتا وتباسى ءۇي-كۇيسىز قالدى. جاع­داي وتە كۇردەلى, قالىڭ جاۋعان قار­دىڭ ءالى “مۇرتى” دا شاعىلعان جوق. تارباعاتاي جانە زايسان اۋداندارى­نىڭ بىرنەشە اۋىلدارىندا ۇيلەرى جارامسىز بولىپ قالعان كوپتەگەن جان­دار كلۋبتار مەن مەكتەپتەردە تۇرىپ جاتىر. ولارعا ءتۇرلى جاعداي جاسالعانىمەن, ادامدار الاڭداۋلى. سىن ساتتە ەلىمىز بەن وبلىس تۇرعىن­دارىنان كومەك بولا ما دەگەن ءۇمىت تە جوق ەمەس. جاقىندا اپاتتان زار­داپ شەككەندەرگە ارنالىپ ارنايى ەسەپ-شوت اشىلدى. وتكەن جۇمادا كولىك جانە كوم­مۋ­نيكاتسيا مينيسترلىگى “قازاقاۆ­تو­جول” رمك وبلىستىق فيليالىنىڭ ديرەكتورى سەرىك اقتانوۆتىڭ باس­تاماسىمەن ءباسپاسوز ورتالىعى اشى­لىپ, اقپارات قۇرالدارى وكىلدەرىنىڭ باسىن قوستى. بۇل ءوزى اۋا رايى قولايسىز, تابيعاتى كۇردەلى كەندى التاي تۇرعىندارى ءۇشىن اسا قاجەت مەكەمە بولاتىن. جيىندى اشقان سەرىك قاسىمبەك ۇلى ءبىراز جايلاردان ماعلۇمات بەرە كەتتى. 2009-2010 جىلدىڭ قىسىنداعى قاتتى اياز, اسىرەسە, بىزگە اۋىر بولدى. سەبەبى, رەسپۋبليكالىق جولداردىڭ مىڭداعان شاقىرىمىنا ءبىز جاۋاپ بەرەمىز. ۇستىمىزدەگى جىلدىڭ 14 قاڭتارىنان قاتتى ايازدار باستالدى. ءتىپتى كەيبىر ايماقتا ايازدىڭ كۇشى مينۋس 53 گرادۋسقا جەتتى. ءۇرجار, كوك­پەكتى, زايسان, تارباعاتاي, كۇر­شىم, اباي, قاتونقاراعاي, زىريان اۋداندارىندا سوڭعى 30-40 جىلدا قاردىڭ بيىلعىداي مول بولۋى باي­قالماعان. مىنە, سوندىقتان ۇزدىكسىز بۇرقاسىن رەسپۋبليكالىق ماڭىزى بار اۆتوكولىك جولدارىندا توتەنشە جاعداي قالىپتاستىردى, دەدى سەرىك اقتانوۆ. كولىك جولدارى مەن قاردىڭ تاۋ بولىپ ءۇيىلۋى سالدارىنان ۇلكەن ءدالىز­دەر پايدا بولدى. ماسەلەن, سەۆەرنوە توتە جولىنىڭ ەكى جاعى قۇز جارتاس بولعاندىقتان, ونى تازالاۋ مۇمكىن ەمەس. قازىر زىريان, قاتونقاراعاي باعىتتارىنا اينالما جولمەن ءجۇرىپ جاتىر. وسى باعىتتاعى بيىك تاۋلاردا قار كوشكىنى بولۋدا. ول دا قاۋىپتى. سوندىقتان باسقا دا جولداردى جابۋعا تۋرا كەلەدى. قىستا 122 بىرلىك جول تەحنيكاسى ۇيىمداستىرىلدى. باسقا وبلىستاردان 26 قار تازالاۋ تەحنيكالارى جىبەرىلدى. ونىڭ ىشىندە اقمولا وبلىسى ءبىر بۋلدوزەر مەن ءبىر اۆتوگرەيدەر, الماتى, پاۆلودار, قاراعاندى, سولتۇستىك قازاقستان, وڭتۇستىك قازاقستان وبلىستارى بارلىعى 26 تەحنيكا جىبەرىپ, سىن ساتتە قايىرىمدىلىق قولدارىن سوزدى. شارۋا قوجالىقتارى مەن جول مەكەمەلەرى 60 تەحنيكا جىبەرىپتى. 3420 شاقىرىمعا سوزىلاتىن جولدىڭ بويىن قاردان تازارتۋ, 2636 سۋ جۇرگىزەتىن قۇبىرلاردى اشۋ جانە 256 كوپىردى دايىنداۋمەن شۇعىلدا­نىپ جاتىرمىز. بۇگىنگە دەيىن 1210 سۋ جۇرەتىن قۇبىرلار, 256 كوپىر دايىن­دىقتان ءوتتى. الايدا, جەكسەنبىدەن باستاپ اۋا رايى سۋىتىپ قانا قويماي, بارلىق ايماقتاردا قاتتى بۇرقاسىن سوعا باستادى. ايازدىڭ ءتۇسۋى تاسقىن­نىڭ الدىن العانداي بولدى. بىراق كۇن جىلىنسا سولتۇستىك جاقتا دا تاسقىن سۋ بولا ما دەگەن قاۋىپ جوق ەمەس, — دەيدى سەرىك قاسىمبەك ۇلى. “مەنىڭ قالام” اتتى قوعامدىق قور تاسقىننان وبلىس بويىنشا زارداپ شەككەندەرگە ارناپ ارنايى ەسەپ-شوت اشتى. قولۇشىن بەرگىسى كەلەتىندەر تومەندەگى ەسەپ-شوتقا قارجى اۋدارا الادى. “موي گورود” رنن 181600241871, يك 000700713, بيك 190901703 او ء“Kaspى Bank”  كۆە 18 “تاسقىننان زارداپ شەككەندەرگە” دەگەن بەلگىمەن. وڭداسىن ەلۋباي, شىعىس قازاقستان وبلىسى.