جامبىل وبلىسى قورداي اۋدانىنداعى وقيعانى الەۋمەتتىك جەلىلەردەن ەستىپ-ءبىلىپ جاتىرمىز. پرەزيدەنتىمىز ارالاسىپ, جاعدايدىڭ الدىن الۋعا شاقىرىپ جاتىر ەكەن. اۋىل اقساقالدارى تۇرعىندار اراسىنداعى كيكىلجىڭدى ءوزارا شەشىپ وتىراتىن ەدى. ءبىر تۇسىنبەۋشىلىك بولىپ تۇرعان شىعار. سابىر تىلەيمىن, ماسەلەنى اقىلدىلىقپەن اسىقپاي شەشكەن ءجون. ءبارى جاقسى بولادى دەگەن ۇمىتتەمىن. بۇل وقيعانىڭ انىق-قانىعىن بىلە بەرمەيمىز, سول سەبەپتەن ارانداپ قالماۋ كەرەك دەپ ەسەپتەيمىن. بۇرىنعى زاماننان قانشاما ۇلت وكىلى ەلىمىزدە تاتۋ-ءتاتتى عۇمىر كەشىپ كەلەدى. عاسىرلاردان كەلە جاتقان بىرلىگىمىز اجىراماسىن, - دەدى ءانشى.
باعدات سامەدينوۆا وزگە ۇلتقا پانا بولعان, مەيىرىم كورسەتكەن, ءبىر ناندى ءبولىپ جەگەن حالىق ەكەنىمىزدى ەسكە سالدى.
- قازاق حالقى مەيىربان حالىق, وزگە ۇلتتاردى وزەككە تەپپەي, قايتا باۋىرىنا تارتقان. «بىرلىك بار جەردە تىرلىك بار» دەگەن, ءاردايىم تۇسىنىستىك بولسىن دەپ تىلەيمىن. حالىقتى سابىر بولۋعا شاقىرامىن. قاشاندا ىرگەمىز اجىراماسىن. مەكتەپ بالالارى اراسىنداعى توبەلەستى دە داۋعا اينالدىرىپ جىبەرەتىندەر بار, شەكىسكەن وقۋشىلاردى مۇعالىم تاتۋلاستىرىپ, دوستاستىرىپ جىبەرەتىن. بىرلىگىمىز بەكەم بولسىن, - دەدى ءانشى.
ەسكە سالا كەتەيىك, جامبىل وبلىسى قورداي اۋدانىنداعى ماسانچي اۋىلىنىڭ تۇرعىندارى اراسىندا جاپپاي توبەلەس بولدى. كوپ وتپەي پرەزيدەنت قاسىم-جومارت توقاەۆ جامبىل وبلىسى قورداي اۋدانىندا بولعان جاپپاي توبەلەسكە قاتىستى پىكىر بىلدىرگەن-ءدى.
«جامبىل وبلىسى قورداي اۋدانىندا بۇزاقىلىق سيپاتتاعى جاپپاي توبەلەس بولدى. ونى ارانداتۋشىلار ءوز پايداسىنا قولدانباق بولعان. پوليتسيا جاعدايدى رەتتەپ, ءوز باقىلاۋىنا الدى. قوعامدىق ءتارتىپتى بۇزعاندار جاۋاپكەرشىلىككە تارتىلادى» دەپ جازدى قاسىم-جومارت توقاەۆ Twitter پاراقشاسىندا.
ال بۇگىن مەملەكەت باسشىسى جامبىل وبلىسىنداعى وقيعاعا بايلانىستى مالىمدەمە جاسادى.
