ينستيتۋتقا كىرگەن ساتتەن باستاپ وقۋشىلار اتالمىش وقۋ ورداسىنىڭ كۇندەلىكتى تىنىس-تىرشىلىگى مەن قىزۋ جۇمىستارىن, وقۋ سىنىپتارىندا كۋرسانتتاردىڭ ەمتيحان تاپسىرۋ جانە وقىتۋشىلاردىڭ ءدارىس وقۋ ساتتەرىن كوردى. ەڭ الدىمەن بولاشاق تالاپكەرلەر ينستيتۋتتىڭ قالىپتاسۋى مەن دامۋىنىڭ ءارتۇرلى كەزەڭدەرىن كورسەتەتىن كورمەگە شاقىرىلىپ, ءبىلىم ورداسىنىڭ 45 جىلدىق تاريحىندا بولعان ماڭىزدى وقيعالارى تۋرالى اڭگىمەلەستى.
«مەن اقتوبە قالاسىندا تۋىپ ءوستىم. كىشكەنتايىمنان مەنى اتا-انام مامىر ايىنداعى مەرەكەلەردە قالا تۇرعىندارى بارىپ تاماشالايتىن اشىق اسپان استىنداعى مۇراجايعا اپارادى. مەن ۇشاقتاردىڭ, تىكۇشاقتاردىڭ تاريحىن جاتتاپ, ولاردىڭ كابيناسىنا كىرىپ ءوزىمدى ۇشقىش رەتىندە سەزىنەتىنمىن. مەن ماماندىعىمدى سول كەزدە تاڭداپ قويعانمىن. بيىل وسى ينستيتۋتتا ءبىلىم الۋ قۇجاتتارىمدى تاپسىرامىن»,- دەيدى بولاشاق تالاپكەر ميحايل.
جوعارى سىنىپ وقۋشىلارىنا كافەدرالاردا اۆياتسيالىق قارۋ-جاراقتى تەحنيكالىق پايدالانۋ, قۇراستىرۋ, اۋە كەمەلەرى مەن اۆياتسيالىق قوزعالتقىشتاردى پايدالانۋ مەن اگرەگات تۇرلەرى تانىستىرىلدى.
سونىمەن قاتار قارۋ-جاراق تۇرلەرىنىڭ قۇرىلىسى مەن ءىس جۇزىندە باسقارىلمايتىن قارۋدىڭ ءىس-قيمىل قاعيدالارى كورسەتىلدى. وقۋ ورداسىنا ەكسكۋرسيا مادەني-دەمالىس ورتالىعىندا اياقتالدى. وندا وقۋشىلار ينستيتۋت جايىندا بەينەروليكتەر كورىپ, اسكەري قىزمەتشىلەر بولاشاق تالاپكەرلەردى قىزىقتىرعان سۇراقتارعا جاۋاپ بەردى.
«وسىنداي اشىق ەسىك كۇندەرىنىڭ ماڭىزدىلىعىن باعالاۋ كەرەك. جوعارى سىنىپ وقۋشىلارىن ەكسكۋرسياعا شاقىرا وتىرىپ, ءبىز بولاشاق تالاپكەرلەرگە وقۋ پروتسەسىنىڭ جاي-كۇيىن سەزىنۋگە, وقۋ-ماتەريالدىق بازاسىن جانە كۋرسانتتاردىڭ ءومىرىن كورۋگە, وقىتۋشىلارمەن كەزدەسۋگە مۇمكىندىك بەرەمىز. ءبىزدىڭ مىندەتىمىز – تالاپكەرلەردى تارتۋ عانا ەمەس, ولاردىڭ ىشىندە ۇزدىكتەرىن تاڭداۋ بولىپ تابىلادى»,- دەيدى اۋە قورعانىسى كۇشتەرى اسكەري ينستيتۋتى باستىعىنىڭ ورىنباسارى پودپولكوۆنيك بەكبولات جۇماباەۆ.
ەستەرىڭىزگە سالا كەتەيىك, كەڭەس وداعىنىڭ ەكى مارتە باتىرى تالعات بيگەلدينوۆ اتىنداعى اۋە قورعانىسى كۇشتەرى اسكەري ينستيتۋتى – ۇشۋ جانە ينجەنەرلىك ماماندىقتار بويىنشا 11 اۆياتسيالىق مامان دايارلايتىن ورتالىق ازياداعى جالعىز اسكەري وقۋ ورنى.
ينستيتۋتتا قازاقستان, قىرعىزستان جانە تاجىكستاننان كەلگەن كۋرسانتتار ءبىلىم الادى. وقىتۋدىڭ بارلىق كەزەڭدەرىندە ولار مەملەكەت قامقورلىعىندا بولادى.
سونىمەن قاتار ولار اقشالاي قامتاماسىز ەتىلىپ, ءۇش مەزگىل تاماقتانادى سونداي-اق تەگىن مەديتسينالىق كومەك كورسەتىلەدى. جىل سايىن كۋرسانتتارعا 30 كۇنتىزبەلىك كۇن ەسبىنەن دەمالىس وتكىزۋگە باراتىن جانە قايتاتىن جولىمەن قوسا تولەنەتىن دەمالىس بەرىلەدى. ينستيتۋتتى اياقتاعاننان كەيىن تۇلەكتەرگە مەملەكەتتىك ۇلگىدەگى ديپلوم مەن «لەيتەنانت» اسكەري اتاعى بەرىلەدى.
