ايماقتار • 07 اقپان, 2020

پاۆلودار وبلىسىندا «اۋىل كلۋبى 4.0» جوباسى جۇرگىزىلۋدە

630 رەت
كورسەتىلدى
1 مين
وقۋ ءۇشىن

وبلىستىق مادەنيەت باسقارماسىنىڭ مالىمەتىنشە, وڭىردە 253 مادەنيەت ءۇيى  بار. قازىرگى ماقسات-اۋدان, اۋىلداردىڭ مادەنيەت ۇيلەرىنىڭ مادەني  قىزمەتىن جاڭعىرتۋ. وتكەن جىلى باستالعان «اۋىل كلۋبى 4.0» جوباسى اياسىندا «اۋىل تۋرالى كينو», «دومبىرانى ۇلىقتا», «قولونەر», «اۋىل كەشى كوڭىلدى»  دەگەن بىرنەشە باعىتتار جۇزەگە اسىرىلادى.

پاۆلودار وبلىسىندا «اۋىل كلۋبى 4.0» جوباسى جۇرگىزىلۋدە

بىلتىر «اۋىل-ەل بەسىگى» باعدارلاماسى اياسىندا جەلەزين اۋدانىنداعى ق.السەيىتوۆ اتىنداعى مادەنيت ءۇيى كۇردەلى جوندەۋدەن وتكىزىلگەن.

وبلىس ورتالىعىنا قاراستى كەنجەكول اۋىلىندا جاڭا مادەنيەت ءۇيى پايدالانۋعا بەرىلدى. اقتوعاي اۋدانىنداعى قاراوبا اۋىلدىق مادەنيەت ءۇيىنىڭ شاتىرى كۇردەلى جوندەۋدەن ءوتتى.

ال, قالا, اۋدان بيۋدجەتتەرىنەن مادەنيەت ۇيلەرىنىڭ ماتەريالدىق-تەحنيكالىق نەگىزىن جاڭارتۋعا  128 ميلليون, وبلىستىق بيۋدجەتتەن 40,8 ميلليون تەڭگە كولەمىندە قاراجات ءبولىنىپ, يگەرىلگەن.

بيىل اققۋلى اۋدانى يامىشەۆ اۋىلىندا, ەرتىس اۋدانى اعاشورىن اۋىلىندا, شارباقتى اۋدانى ەسىلباي اۋىلىندا مادەنيەت ۇيلەرىنىڭ قۇرىلىسى باستالادى.

 

پاۆلودار

سوڭعى جاڭالىقتار