ولاردىڭ ىشىندە ۇجىمدىق قاۋىپسىزدىك تۋرالى شارتقا جانە ونىڭ جارعىلارىنا وزگەرىستەر ەنگىزۋدى كوزدەيتىن حاتتامالارعا قاتىستى بىرقاتار زاڭ جوبالار بار. سونداي-اق اتالعان ۇيىمنىڭ قۇقىقتىق مارتەبەسىنە قاتىستى زاڭ جوباسى دا الداعى سارسەنبىدە پالاتا قاراۋىنا ەنگىزىلەتىن بولادى. بۇل قۇجاتتا ۇقشۇ-عا مۇشە مەملەكەتتەردىڭ ۇقشۇ باس حاتشىسىنىڭ ورىنباسارلارى لاۋازىمدارىن اتقاراتىن وكىلدەردىڭ الەۋمەتتىك قورعالۋىن ارتتىرۋ كوزدەلگەن.
الداعى جالپى وتىرىستا مەملەكەتتىك ساتىپ الۋ ماسەلەلەرى بويىنشا بەيىندى كوميتەتكە قورىتىندى ازىرلەۋ مەرزىمى بەكىتىلمەك. بيۋرو وتىرىسىندا «زاڭ كومەگىن كورسەتۋدىڭ زاڭنامالىق نەگىزدەرىن جەتىلدىرۋ» تاقىرىبىندا پارلامەنتتىك تىڭداۋ وتكىزۋ ماسەلەسىنە دە باسا نازار اۋدارىلدى.
وتىرىس سوڭىندا پالاتا توراعاسى ماجىلىستە قارالىپ جاتقان ماڭىزدى زاڭ جوبالارىنا ەرەكشە كوڭىل ءبولدى. اتاپ ايتار بولساق, وتكەن اپتادا اۋقىمدى قۇجات ەكولوگيالىق كودەكستىڭ تانىستىرىلىم ءوتتى. قازىردە پالاتا دەپۋتاتتارى اتالعان زاڭ جوباسى بويىنشا جان-جاقتى جۇمىسقا كىرىستى.
سونداي-اق اتوم ەنەرگياسىن پايدالانۋ, تۇتىنۋشىلار قۇقىن قورعاۋ, بيزنەس كليماتتى جاقسارتۋ, مەملەكەتتىك قىزمەت جانە سىبايلاس جەمقورلىققا قارسى ءىس-قيمىل, اسىل تۇقىمدى مال شارۋاشىلىعى ماسەلەلەرىنە قاتىستى باسقا دا زاڭ جوبالارى بويىنشا جۇمىستار قولعا الىنۋدا.
وسى زاڭ جوبالارىنىڭ بارلىعى تىكەلەي ەلىمىزدىڭ الەۋمەتتىك سالالارى مەن ەكونوميكاسىن دامىتۋعا باعىتتالعانىن جانە ولاردى قابىلداپ جۇزەگە اسىرۋ قوعام ومىرىنە وڭ ىقپال ەتەتىنىن العا تارتقان نۇرلان نىعماتۋلين اتالعان زاڭ جوبالارىمەن جۇمىس ادەتتەگىدەي, ۇكىمەتتىك ەمەس ۇيىمداردىڭ, پارلامەنتتىك ەمەس پارتيالاردىڭ, ساراپشىلار مەن قوعامدىق بىرلەستىك مۇشەلەرىنىڭ قاتىسۋىمەن اشىق جۇرگىزىلۋ كەرەك ەكەنىن ايتتى.
