ەرلى-زايىپتى ديدار مەن قىمباتتىڭ ديليارا جانە داريا ەسىمدى ەكى قىزى بار. ەندى ەكى قىزدىڭ ارتىنان ءۇش بالانىڭ ەرگەنى قۇرماناليەۆتەر وتباسى ءۇشىن ۇلكەن قۋانىش بولىپ وتىر.
اۋدان اكىمى ەربولات سادىرقۇلوۆ ۇشەمنىڭ تۋعان اۋىلىنا ارنايى بارىپ, قۇرماناليەۆتەر اۋلەتىن قۇتتىقتادى. ءوز سوزىندە اكىم اۋەلى بالالاردىڭ دەنساۋلىعى مەن اماندىعى ماڭىزدى ەكەنىن اتاپ ءوتىپ, اكىمدىك تاراپىنان بالالارعا ءتيىستى جاعدايدىڭ جاسالاتىنىن جەتكىزدى. سونىمەن قاتار امان, ەسەن جانە ءجۇرسىننىڭ دۇنيەگە كەلۋ قۇرمەتىنە جاس وتباسىنا بالالار ارباسىن سىيعا تارتتى. ال بالالاردىڭ اتا-اناسى ديدار مەن قىمبات ەكەۋى جىلدىڭ جاقسىلىقپەن باستالعانىن ايتىپ, اكىمدىككە جانە دارىگەرلەرگە العىسىن ءبىلدىردى.
قازىرگى كەزدە ۇشەمنىڭ دەنساۋلىعى جاقسى. ت.رىسقۇلوۆ اۋداندىق ورتالىق اۋرۋحاناسى مەن دىنمۇحامەد قوناەۆ اۋىلدىق دارىگەرلىك ەمحاناسى تاراپىنان سابيلەرگە قاجەتتى كومەكتىڭ ءبارى دە كورسەتىلۋدە. جاس وتباسىن قۋانىشقا بولەگەن بالالاردىڭ ۇلكەن ازامات بولىپ وسكەنىن قۇرمان اليەۆتەر اۋلەتى دە, اۋىلداعى تۇرعىندار دا تىلەپ وتىر.
جامبىل وبلىسى
