جيىنعا قاتىسقان ەكولوگيا, گەولوگيا جəنە تابيعي رەسۋرستار ءمينيسترى ماعزۇم مىرزاعاليەۆ قورشاعان ورتانى ساقتاۋدا ۆولونتەرلەردىڭ ورنى ەرەكشە ەكەنىن ايتا كەلىپ, جاستاردى بۇل باعىتتا بىرلەسىپ جۇمىس اتقارۋعا شاقىردى. ۆەدومستۆو باسشىسىنىڭ ايتۋىنشا, قازىر ادام مەن تابيعاتتىڭ اراقاتىناسىنداعى ۇيلەسىمدىلىكتىڭ جوقتىعىنان قورشاعان ورتانىڭ ارحيتەكتۋراسى الاڭداتارلىق حالگە جەتتى. سول سەبەپتى ەكولوگيالىق سانانى وزگەرتپەسەك, تابيعاتتى قۇردىمعا جىبەرۋىمىز مۇمكىن.
– بيىلعى جىل ەلىمىزدە ۆولونتەر جىلى دەپ بەلگىلەندى. وسى ورايدا ءبىز سانا-سەزىمدى جانە ءبىلىمىمىزدى شىڭداۋىمىز كەرەك. ول ءۇشىن ۆولونتەرلەر كەرەك. ەلىمىزدە ەكولوگياعا قاتىستى ماسەلە كوپ. بۇل ماسەلەلەردى شەشۋدە ەرىكتىلەردىڭ كومەگى ءسوزسىز قاجەت. ەڭ باستىسى – ءبىر-بىرىمىزگە قول ۇشىن سوزۋعا دايىنبىز. وسى جيىننان كەيىن ۆولونتەرلەردىڭ قاتارى ارتادى. ەكولوگيالىق سانانى وزگەرتەتىن وڭ ىستەر قولعا الىنادى دەگەن سەنىمدەمىن, – دەدى م.مىرزاعاليەۆ.
ەكولوگيا, گەولوگيا جانە تابيعي رەسۋرستار مينيسترلىگى بۇل باسقوسۋدىڭ وڭىرلەردەگى بىرلەسكەن ەكولوگيالىق جوبالاردىڭ باستالۋىنا سەرپىن بەرەتىنىنە سەنىمدى.
– بىلتىر «بىرگە – تازا قازاقستان» اكتسياسى بارىسىندا مىڭداعان توننا قوقىس جينالدى. وسى اقتسياعا قازاقستاندىقتار جاپپاي تارتىلدى. مۇنداي باستامالاردى قوعام قولدايدى ءارى بىرلەسىپ جۇزەگە اسىرۋعا نيەتتى. بۇگىنگى قۇرىلتايدا بارلىق ەرىكتىلەرمەن جەكە تانىسىپ, بىرلەسكەن جوبالار تالقىلانادى. ءدال وسى ماقساتتا قازاقستاننىڭ ءار وڭىرىنەن ەلىمىزدەگى ەكولوگيالىق باستامالاردىڭ جۇزەگە اسىرىلۋىن قاداعالاپ وتىراتىن امباسسادورلار انىقتالادى, – دەدى مينيستر.
ۆولونتەر جىلى اياسىندا مينيسترلىك «Birgemiz: Taza Álem» اتتى جالپىۇلتتىق جوبانى ىسكە اسىرۋدى جوسپارلاپ وتىر. سوعان سايكەس ۆولونتەرلەردىڭ دەرەكتەر بازاسى جاسالىپ, «Taza álem» اتتى ەرىكتىلەردىڭ 3 ادىستەمەلىك قولداۋ ورتالىعى قۇرىلماق.
باسقوسۋدا قوقىستى سۇرىپتاۋ, قاتتى-تۇرمىستىق قالدىقتاردى تۇتىنۋ مەن ونىڭ پايدا بولۋىن ازايتۋ, ەكولوگيالىق سانا مەن تاربيەنىڭ ماڭىزى, جانۋارلار مەن وسىمدىكتەر دۇنيەسىن ساقتاۋ, براكونەرلەرمەن كۇرەس سىندى ماڭىزدى ماسەلەلەر قوزعالدى. كەزدەسۋدىڭ ناتيجەسىندە جول كارتاسى ازىرلەنىپ, بەلسەندىلەردىڭ بارلىق باستامالارى مەن ۇسىنىستارى ەنگىزىلەدى.
