ءوز كەزەگىندە, ۆلاديمير پۋتين رەسەي مەن قازاقستان اراسىنداعى قاتىناستاردى سەنىمدى ستراتەگيالىق سەرىكتەستىك جانە وداقتاسۋدىڭ ۇلگىسى دەپ اتادى.
«ەكىجاقتى قارىم-قاتىناس كورشىلەس حالىقتارىمىزدىڭ اراسىنداعى بەرىك تاريحي, مادەني جانە رۋحاني بايلانىستارعا نەگىزدەلگەن. ءبىز قازاقستان باسشىلىعىمەن ءوزارا سەنىمىمىزدى جوعارى باعالايمىز. وتكەن جىلى پرەزيدەنت قاسىم-جومارت كەمەل ۇلى توقاەۆپەن توعىز رەت كەزدەسۋ وتكىزدىك جانە دە جاقىن دوسىمىز نۇرسۇلتان ءابىش ۇلى نازارباەۆپەن دە تىعىز بايلانىستامىز», - دەپ اتاپ ءوتتى رەسەي پرەزيدەنتى. ۆ. پۋتين رەسەي مەن قازاقستاننىڭ بىرلەسكەن كۇش-جىگەرىنىڭ ارقاسىندا ەاەو اياسىنداعى ىقپالداستىق تۇراقتى دامىپ كەلە جاتقانىن جەتكىزدى. ونىڭ ايتۋىنشا, ەكى ەل اراسىنداعى ساۋدا-ەكونوميكالىق قاتىناستار بارلىق باعىتتاردا, سونىڭ ىشىندە ونەركاسىپ, ەنەرگەتيكا جانە ينۆەستيتسيا سالالارىندا دامىپ كەلەدى. «رەسەي مەن قازاقستان حالىقارالىق كۇن تارتىبىندەگى ماسەلەلەرگە قاتىستى كوزقاراستارىن بىرلەسىپ ۇيلەستىرۋدە.
قازاقستاندىق سەرىكتەستەرىمىز, بىلەسىزدەر, سيرياداعى احۋال بويىنشا ۇردىستەردى وڭتايلاندىرۋ ءۇشىن استانا كەلىسسوزدەرىن ۇيىمداستىرۋعا مۇمكىندىك بەردى», - دەدى ۆ. پۋتين.
سونىمەن بىرگە كرەمل سارايىنىڭ الەكساندر زالىندا وتكەن سالتاناتتى راسىمدە بارلىعى 23 شەت ەلدىڭ ەلشىلەرى ءوز سەنىم گراموتالارىن تاپسىردى. ونىڭ ىشىندە اقش, گەرمانيا, ۇلىبريتانيا, فرانتسيا, قىتاي, يران, اۆستراليا, شۆەتسيا جانە ت.ب. بار.
