شاراعا پارلامەنت سەناتىنىڭ دەپۋتاتتارى, اقپارات جانە قوعامدىق دامۋ, ءبىلىم جانە عىلىم, ەڭبەك جانە الەۋمەتتىك قورعاۋ مينيسترلىكتەرىنىڭ باسشىلارى, ءماسليحات دەپۋتاتتارى, رەسپۋبليكالىق جاستار ۇيىمدارى مەن ۇكىمەتتىك ەمەس ۇيىمداردىڭوكىلدەرى قاتىستى.
سەنات توراعاسى قۇتتىقتاۋ سوزىندە جاستار مەن جاستار ساياساتى ءبىزدىڭ مەملەكەتىمىزدىڭ ءاردايىم باستى نازارىندا ەكەنىن اتاپ ءوتتى. «جاس ۇرپاق - ەلدىڭ پروگرەسى مەن دامۋىنىڭ نەگىزگى قوزعاۋشى كۇشى ەكەنىن ءبارىمىز جاقسى تۇسىنەمىز. بۇل دەگەنىمىز, جاستارعا جاقسى ءبىلىم الۋعا, زاماناۋي كاسىبي دايارلىقتان وتۋگە, ءوزىن-ءوزى دامىتۋعا, وتانىمىزدىڭ يگىلىگى ءۇشىن جۇمىس ىستەۋگە بارلىق مۇمكىندىكتەر بەرىلۋى كەرەك», - دەدى سەنات توراعاسى شاراعا قاتىسۋشىلارعا ارناعان سوزىندە.
سەنات باسشىسىنىڭ ايتۋىنشا, جاستار كەڭەسى كونسۋلتاتيۆتىك-كەڭەسشى ورگانى بولىپ تابىلادى جانە جاستار ساياساتى سالاسىنداعى زاڭنامانى جەتىلدىرۋ ماسەلەلەرىن قاراستىراتىن بولادى. «مەملەكەت بولەتىن قاراجات كولەمى مەن ونى جۇمسايتىن باعدارلامالار دا بەلگىلى. بىراق, سونىمەن بىرگە ءبىز ەلدەگى كوپتەگەن جاستارعا قاتىستى ماسەلەلەر شەشىلمەي, تەك جىلدان جىلعا پروبلەما كوبەيىپ بارا جاتقانىن كورىپ وتىرمىز», - دەدى داريعا نازارباەۆا.
داريعا نازارباەۆا اۋىلدىق جەرلەردەن قالالارعا كەلگەن جاستاردىڭ الەۋمەتتىك بەيىمدەلۋ ماسەلەسى, جۇمىسسىزدىق پروبلەماسى وتكىر ماسەلە كۇيىندە قالىپ وتىرعانىن دا اتاپ ءوتتى. «ءبىزدىڭ كەڭەستىڭ مىندەتى - تۇراقتى جۇمىس الاڭىنا اينالۋ, وندا قوعامداستىقتىڭ, اتقارۋشى بيلىك پەن زاڭ شىعارۋ ورگاندارىنىڭ, وبلىستىق ءماسليحات دەپۋتاتتارىنىڭ قاتىسۋىمەن ماسەلەلەر تالقىلانادى», - دەدى سەنات توراعاسى.
وتىرىس بارىسىندا كەڭەستىڭ 2020 جىلعى جۇمىسىنىڭ نەگىزگى باعىتتارى بەلگىلەنءدى. كەڭەس توراعاسىنىڭ ورىنباسارى, سەناتتىڭ الەۋمەتتىك-مادەني دامۋ جانە عىلىم كوميتەتىنىڭ توراعاسى مۇرات باقتيار ۇلى كەڭەس قۇرامىن ءتورت توپقا ءبولىپ, ولاردىڭ جۇمىسىن ۇيىمداستىرۋدى ۇسىندى.
ۇلتتىق ەرىكتىلەر جەلىسىنىڭ اتقارۋشى ديرەكتورى تاتيانا ميرونيۋك ءوز سوزىندە قازاقستان رەسپۋبليكاسىنىڭ 2019-2021 جىلدارعا ارنالعان ەرىكتىلەر قىزمەتىن دامىتۋ جونىندەگى جول كارتاسىنا ەگجەي-تەگجەيلى توقتالىپ, قولدانىستاعى زاڭنامانى جەتىلدىرۋ جونىندە بىرقاتار ۇسىنىستارايتتى.
بالالار مەن جاسوسپىرىمدەرءدىڭ «جاس ۇلان»بىرىڭعاي ۇيىمىنىڭ ءتوراعاسى دينارا سادۋاقاسوۆا 14 جاسقا دەيىنگى بالالاردى ەڭبەككە تاربيەلەۋدى زاڭنامالىق دەڭگەيدە كوتەرمەلەۋدى, سونداي-اق بالالاردىڭ پروبلەمالارىن جان-جاقتى قاراستىرۋ ءۇشىن جاستار جىلى مەن ەرىكتىلەر شارالارى ۇلگىسىندە «بالالار جىلىن» وتكىزۋ مۇمكىندىگىن قاراستىرۋدى ۇسىندى. جوعارعى پالاتا باسشىسى بۇل باستامالارعا قولداۋ ءبىلدىردى.
وتىرىسقا اقپارات جانە قوعامدىق دامۋ ءمينيسترى د.اباەۆ, بءىلىم جانە عىلىم ءمينيسترى ا.ايماعامبەتوۆ, ەڭبەك جانە حالىقتى الەۋمەتتىك قورعاۋ ءمينيسترى ب.نۇرىمبەتوۆ قاتىسىپ, كەڭەس مۇشەلەرىنىڭ سۇراقتارىنا جاۋاپ بەردى.
داريعا نازارباەۆا وتىرىستى اياقتاي كەلءىپ, جاستار اراسىندا اجىراسۋدىڭ الدىن الۋ تاقىرىبىن كوتەردى جانە كەڭەستىڭ جۇمىس جوسپارىنا وسى ماسەلە بويىنشا ۇسىنىستار ازىرلەۋدى ەنگىزۋ قاجەتتىگىن اتاپ ءوتتى.
