اۋىل شارۋاشىلىعى ۆيتسە-ءمينيسترى گ.يساەۆانىڭ جانە اوك مەملەكەتتىك ينسپەكتسيا كوميتەتىنىڭ توراعاسى ا. مارستىڭ توراعالىعىمەن وتكەن كەڭەس بارىسىندا فيتوسانيتارلىق قاۋىپسىزدىكتى قامتاماسىز ەتۋ جانە وسىمدىك شارۋاشىلىعى ونىمدەرىنىڭ ەكسپورتتىق الەۋەتىن ارتتىرۋ بويىنشا نەگىزگى ماسەلەلەر قاراستىرىلدى.
ءىس-شارا بارىسىندا جيىنعا قاتىسۋشىلار 2019 جىلى پارلامەنت سەناتىنىڭ توراعاسى د. نازارباەۆانىڭ تاپسىرماسى بويىنشا رەسەي فەدەراتسياسى مەن قىرعىزستان رەسپۋبليكاسىمەن شەكارالاس اۋماقتاردا اشىلعان فيتوسانيتاريالىق باقىلاۋ بەكەتتەرىنىڭ جۇمىسىنىڭ جوعارى تيىمدىلىگىن اتاپ ءوتتى. اتاپ ايتقاندا, سىرتقى ەكونوميكالىق قاتىناستار(سەق) قاتىسۋشىلارى رۇقسات بەرەتىن وسىمدىكتەر كارانتينى سالاسىنداعى بۇزۋشىلىقتاردىڭ ازايۋ ءۇردىسى بايقالدى.
سونىمەن قاتار اسا قاۋىپتى جانە كارانتيندىك وبەكتىلەرمەن زالالدانعان الاڭداردى بولجاۋ جانە مونيتورينگى سالاسىندا جاڭا تەحنولوگيالاردى (دروندار مەن ت.ب.) زەردەلەۋگە جانە قولدانۋعا باعىتتالعان عىلىممەن ءوزارا ءىس-قيمىل ماسەلەلەرى تالقىلاندى.
سونداي-اق سىبايلاس جەمقورلىققا قارسى ستراتەگيانى ىسكە اسىرۋعا, سىبايلاس جەمقورلىققا قارسى زاڭنامانى جەتىلدىرۋگە, فيتوسانيتاريالىق باقىلاۋ جانە قاداعالاۋ سالاسىنداعى سىبايلاس جەمقورلىق تاۋەكەلدەرىن انىقتاۋعا جانە جويۋ سۇراقتارىنا ەرەكشە نازار اۋدارىلدى.
كەڭەس قورىتىندىسى بويىنشا قازاقستان اۋماعىنىڭ فيتوسانيتارلىق جاعدايىن جاقسارتۋعا باعىتتالعان بىرقاتار تاپسىرمالار بەرىلدى. وسىمدىك شارۋاشىلىعى ءونىمىنىڭ ەكسپورتتىق الەۋەتىن ارتتىرۋ ماقساتىندا كارانتينگە جاتقىزىلعان ءونىمنىڭ ەكسپورتى كەزىندە باقىلاۋدى كۇشەيتۋ جانە يمپورتتاۋشى ەلدەردىڭ فيتوسانيتاريالىق تالاپتارىن ساقتاۋ بويىنشا مىندەتتەر قويىلدى.
