قوعام • 05 اقپان، 2020

التاي كولگىنوۆ قوعامدىق كەڭەس مۇشەلەرىمەن كەزدەستى

51 رەتكورسەتىلدى

قالا اكىمى التاي كولگىنوۆ قوعامدىق كەڭەس مۇشەلەرىمەن كەزدەسۋدە 2019 جىلى اتقارىلعان جۇمىستار تۋرالى ايتتى. بۇل تۋرالى ەلوردا اكىمدىگىنىڭ ءباسپاسوز قىزمەتى حابارلادى.

قۇرىلىسى ۇزاققا سوزىلىپ، 2019 جىلى پايدالانۋعا بەرىلگەن 10 تۇرعىن ءۇي كەشەنى، 2900 قولجەتىمدى باسپانا، ەلدى-مەكەندەردى جوسپارلى دامىتۋ، جۇمىس ىستەيتىن جاستارعا بەرىلگەن 1050 پاتەر، ەلەكتراۆتوبۋستار، ارنايى تەحنيكا، كوممۋنالدىق قىزمەتكەرلەردىڭ، ەنەرگەتيكتەردىڭ جالاقىسىنىڭ ارتۋى. تالقىلانعان تاقىرىپتار وسى.

بىلتىر مەكتەپتەردەگى شامادان تىس جۇكتەمەنى ازايتۋ ماقساتىندا ەلوردادا 6 وقۋ ورنى سالىندى. بيىل تاعى 12 مەكتەپتىڭ قۇرىلىسى اياقتالادى. جاڭا تۇرعىن ءۇي كەشەندەرى بارلىق جاعىنان ىڭعايلى بولۋى شارت. 12 تۇرعىن ۇيدە «دوكتور ۋ دوما» اشىلدى. وسى جىلى تاعى 10 تۇرعىن ۇيدە اتالمىش مەديتسينالىق كومەك كورسەتۋ ورتالىقتارى اشىلادى.

مەملەكەت باسشىسىنىڭ تاپسىرماسىنا سايكەس ورتالىق جول اۋرۋحاناسىنا جوندەۋ جۇرگىزىلدى. مەملەكەتتىك-جەكە مەنشىك سەرىكتەستىك اياسىندا 800 ورىندىق كوپ سالالى اۋرۋحانا سالىنادى. قوعامدىق كەڭەس مۇشەلەرى ەرەكشە قاجەتتىلىكتەرى بار ادامدارعا جاعداي جاساۋعا جانە ەكولوگيا ماسەلەلەرىنە ەرەكشە نازار اۋداردى.

«وتە وزەكتى ماسەلە، ءبىز وسى باعىتتا بەلسەندى جۇمىس جۇرگىزىپ جاتىرمىز. قالادا ەرەكشە قاجەتتىلىكتەرى بار 5،5 مىڭ بالا بار. جۇمىس ىستەپ تۇرعان يپپودروم بازاسىندا 2 وڭالتۋ ورتالىعىن سالامىز. سونىمەن قاتار يپپوتەراپيا ساباقتارى ءۇشىن جابىق مانەج سالىنادى. جاڭا تۇرعىن ءۇي كەشەندەرىنىڭ ءبىرىنشى قاباتتارىندا الەۋمەتتىك نىسانداردى اشىلاتىن بولادى. ولاردىڭ ىشىندە بالالارعا ارنالعان شاعىن ورتالىقتار مەن وڭالتۋ ورتالىقتارى بار. ينۆاتاكسي ماشينالارىنىڭ سانى ەكى ەسە ارتتى. اتا-انالارعا قوسىمشا ءبىلىم الۋعا جانە جۇمىسقا ورنالاسۋعا كومەكتەسەمىز. ەكولوگياعا كەلەتىن بولساق كەيدە قالادا ءتۇتىن بايقالادى. بۇل ماسەلەنى شەشۋدە گاز جۇرگىزۋ كومەكتەسەدى. گاز وتكىزۋ قالاداعى زياندى قالدىقتاردىڭ 6 ەسەگە، قاتتى زاتتاردىڭ – 40 مىڭ تونناعا دەيىن ازايۋىنا مۇمكىندىك بەرەدى. كەلەسى جىلىتۋ ماۋسىمىندا جەو-1،2، كوكتال-1،2، اگروگورودوك، پرومىشلەننىي، جەلەزنودوروجنىي، وڭتۇستىك-شىعىس ەلدى-مەكەندەرى گازبەن قامتىلادى»، - دەدى قالا اكىمى التاي كولگىنوۆ. قالا اكىمى التاي كولگىنوۆ قوعامدىق كەڭەس مۇشەلەرىنە قالانى دامىتۋعا ەڭبەگى ءۇشىن العىس ءبىلدىردى.

سوڭعى جاڭالىقتار

ەلدىك نىشاندار تاريحى

قازاقستان • كەشە

ۇقساس جاڭالىقتار