ءتۇرلى تونناجداعى كەمەلەرگە قىزمەت كورسەتەتىن اقتاۋ, باۋتينو جانە قۇرىق تەڭىز پورتتارى – ەل ەكونوميكاسىن ودان ءارى دامىتۋعا مۇمكىندىگى مول دامۋشى تەڭىز پورتتارى. يندۋستريا جانە ينفراقۇرىلىمدىق دامۋ مينيسترلىگى كولىك كوميتەتىنىڭ «قازاقستان رەسپۋبليكاسىنىڭ پورتتارىنىڭ تەڭىز اكىمشىلىگى» رەسپۋبليكالىق مەملەكەتتىك مەكەمەسى – اقتاۋ, قۇرىق جانە باۋتينو تەڭىز پورتتارىنىڭ اكۆاتورياسىندا تەڭىز كەمەلەرىن پايدالانۋ سالاسىنداعى باقىلاۋ-قاداعالاۋ جانە ىسكە اسىرۋ فۋنكتسيالارىن ىسكە اسىراتىن اۋماقتىق بولىمشە. 2019 جىلدىڭ قورتىندىسىندا ولاردىڭ جالپى جۇك اينالىمى 5 ملن توننادان استى.
پورتتاردىڭ تەڭىز اكىمشىلىگى ينسپەكتورلارى كەمەلەردى تەڭىزگە شىعار الدىندا تەكسەرۋدى قر راتيفيكاتسيالاعان حالىقارالىق كونۆەنتسياعا, سونداي-اق قولدانىستاعى زاڭنامالىق اكتىلەرگە سايكەس جۇزەگە اسىرادى. 2019 جىلدىڭ باسىنان پورتتاردىڭ تەڭىز اكىمشىلىگى ينسپەكتورلارى 3 پورتتا 4174 كەمە كىرىسىن راسىمدەدى. تەڭىزگە شىعار الدىندا 340 كەمە قارالىپ, 11 تەڭىز كەمەسىنە تەڭىزگە شىعۋعا رۇقسات بەرىلمەدى. اكىمشىلىك قۇقىق بۇزۋشىلىق جاسالعانى ءۇشىن 56 اكىمشىلىك ءىس قوزعالدى.
كەمەلەردى تەكسەرۋ بارىسىندا كەمە قۇجاتتارى, تىركەۋ قۇجاتتارى, كەمەنىڭ قولدانىستاعى كۋالىكتەرى, كەمە ەكيپاجىنىڭ ديپلومدارى مەن كۋالىكتەرى, اپاتتىق قۇتقارۋ جانە ءورت ءسوندىرۋ قۇرالدارى, ناۆيگاتسيالىق جانە مەحانيكالىق جابدىقتار, ماشينا بولىمشەسى, كەمە كورپۋسى, جۇك ماركاسى, تاسىمالداناتىن جۇكتىڭ قۇجاتتارى تەكسەرىلەدى.
قازاقستان رەسپۋبليكاسى پورتتارىنىڭ تەڭىز اكىمشىلىگى قۇرىلعان ساتتەن باستاپ تەڭىزشىنىڭ جەكە كۋالىگى مەن تەڭىزدە ءجۇزۋ كىتاپشاسىن بەرىلە باستادى. ول قازاقستاندىق تەڭىزشىلەرگە بۇكىل الەمدە جۇمىس ىستەۋگە مۇمكىندىك بەرەدى. سونىمەن قاتار 2020 جىلدان باستاپ تەڭىزشىنىڭ كاسىبي ديپلومى بەرىلەدى.
