وسى ماسەلەلەردى جۇزەگە اسىرۋ ماقساتىندا جەتەكشى پارتيانىڭ «كەدەرگىسىز كەلەشەك» جوباسى اياسىندا دا اۋقىمدى جوبالار العا قويىلعان.
تۇيىتكىلدى ماسەلەنىڭ ءتۇيىنىن تارقاتۋ ءۇشىن بۇگىن شىمكەنت قالاسىنداعى مۇگەدەكتەردىڭ ءومىر ءسۇرۋ دەڭگەيىن جاقسارتۋدىڭ ۇلتتىق جوسپارىن تالقىلاۋ جونىندە دوڭگەلەك ۇستەل ءوتتى.
جيىنعا Nur Otan پارتياسى شىمكەنت قالالىق فيليالى توراعاسىنىڭ ورىنباسارى باۋىرجان قۋانىشبەكوۆ, شىمكەنت قالاسى ازاماتتىق اليانسى قاۋىمداستىعىنىڭ پرەزيدەنتى جۇماعالي بىلىسبەكوۆ, سالالىق باسقارما باسشىلارى, ۇەۇ وكىلدەرى قاتىستى.
وندا پارتيانىڭ قالالىق فيليالى توراعاسىنىڭ ورىنباسارى باۋىرجان شەرەحان ۇلى الداعى ۋاقىتتا «كەدەرگىسىز كەلەشەك» جوباسى اياسىندا اتقارىلۋى ءتيىس جۇمىستاردى تىلگە تيەك ەتتى. سونداي-اق پارتيا فيليالى جانىنان قۇرىلعان ارنايى كوميسسيا تەكسەرۋ جۇمىستارىن ۇدايى جۇرگىزىپ, قالادا مۇگەدەكتەر ءۇشىن كەدەرگىسىز ورتا قالىپتاسۋى ءتيىس ەكەندىگىن ايتتى.
«بىلتىر قىركۇيەك, قازان ايلارىندا وسى ماسەلەنى كەڭىنەن تالقىلادىق. سول جيىننان ناقتى قانداي قورىتىندى شىعارىلدى؟ زەردەلەۋ جۇمىستارىنىڭ ناتيجەسى قانشالىقتى؟ بيىل قانداي جۇمىستاردى اتقارامىز؟ ءبىز ناقتى ىستەلىنگەن جۇمىستاردى زەردەلەپ, ءتيىستى قۇزىرەتتى مەكەمەلەرگە ۇسىنۋىمىز كەرەك. قالادا ءالى كۇنگە دەيىن مۇگەدەكتەردى وڭالتۋ ورتالىقتارى جانە وندا ماماندار جەتىسپەيدى»,- دەدى پارتيا فيليالى توراعاسىنىڭ ورىنباسارى.
شىمكەنت
