اۋداندا 400 مىڭعا جۋىق مال باسى وسىرىلۋدە. 2018 جىلمەن سالىستىرعاندا ءمۇيىزدى ءىرى قارا, جىلقى مەن تۇيە سانى وسكەن. وبلىس باسشىسى سوزاق اۋدانىندا تۇيە شارۋاشىلىعىن دامىتۋعا قاتىستى بىرقاتار مىندەت جۇكتەدى.
«تۇيە شارۋاشىلىعىن دامىتۋعا اۋداننىڭ تابيعاتى قولايلى, سوندىقتان وسى كاسىپتى مىقتاپ قولعا الۋ كەرەك. بۇل ماسەلەنى دۇرىس جولعا قويىپ, ىشكى نارىقتى قامتۋعا قاۋقار جەتەدى, دەپ ويلايمىن», - دەدى ومىرزاق ەستاي ۇلى.
2019 جىلى سوزاق اۋدانى جەرگىلىكتى بيۋدجەتكە 6 ملرد تەڭگە قارجى ءتۇسىرىپ, جوسپاردى ارتىعىمەن ورىنداعان. اۋدان ەكونوميكاسىنا وتكەن جىلدارمەن سالىستىرعاندا تارتىلعان ينۆەستيتسيا كولەمى 125%-عا ارتىپ وتىر. ۇدەمەلى يندۋستريالدى يننوۆاتسيالىق دامۋ مەملەكەتتىك باعدارلاماسى اياسىندا وڭىرلىك كاسىپكەرلىك قولداۋ كارتاسى تىزىمىنە 6 جاڭا جوبا ەنگىزىلگەن.
شولاققورعان اۋىلىنان 120 گا جەرگە جوبالىق قۇنى 50 ملن اقش دوللارىن قۇرايتىن «يۋكسەس-50» جشس-ءنىڭ كۇن ەلەكترو ستانتسياسىن سالۋ قۇرىلىسى اياقتالعان. الداعى ۋاقىتتا وندا تۇراقتى جۇمىس ورىندارى اشىلاتىن بولادى. وتكەن جىلى اۋداندا بىرنەشە جاڭا مەكتەپ اشىلعان. جاڭا ماگيسترالدى گاز قۇبىرىنىڭ قۇرىلىسى مەن اۋىز سۋمەن جابدىقتاۋ جۇمىستارى باستالعان. 2 ساياباق سالىنىپ, 20 شاقىرىم جولدى اسفالتتاۋ جۇزەگە اسقان. «قامقورلىق» جوباسى اياسىندا تۇرمىس تاۋقىمەتىن تارتقان 30 وتباسىن باسپانامەن قامتۋ كوزدەلىپ وتىر.
جيىن سوڭىندا ومىرزاق شوكەەۆ اۋدان ازاماتتارىن قابىلدادى. سوزاق اۋدانىنىڭ تۇرعىنى قابىلبەك ەسپەنبەتوۆ شولاققورعان اۋىلىنىڭ ىشكى جۇيەسىن گازبەن جابدىقتاۋ ماسەلەسى مەن جولدارعا اسفالت توسەۋ جۇمىستارىنىڭ جالعاسۋى بويىنشا ءوتىنىشىن ايتىپ كەلدى. ومىرزاق ەستاي ۇلى بۇل ماسەلەلەردىڭ جۇزەگە اسۋىن ءوز باقىلاۋىنا الدى.
