پرەمەر-ءمينيستردىڭ وكىمىمەن مەملەكەتتىك ورگانداردىڭ, قوعامدىق كەڭەستەردىڭ وكىلدەرىنەن جانە قازاقستان رەسپۋبليكاسى پارلامەنتىنىڭ دەپۋتاتتارىنان قۇرىلعان, قاجەت بولعان جاعدايدا عىلىمي-زەرتتەۋ ۇيىمدارىن, عالىمدار مەن ءتۇرلى ءبىلىم سالاسىنداعى مامانداردى تارتا وتىرىپ, مەملەكەتتىك باعدارلامانى ازىرلەۋ جونىندەگى كوميسسيا قۇرىلادى.
ەكولوگيا, گەولوگيا جانە تابيعي رەسۋرستار مينيسترلىگى بيىل مامىر ايىندا مەملەكەتتىك باعدارلامانى بەكىتۋ ءۇشىن ۇكىمەتكە ەنگىزۋدى جوسپارلاپ وتىر.
ەكولوگيا, گەولوگيا جانە تابيعي رەسۋرستار ۆيتسە-ءمينيسترى س.جاركەشوۆ بايانداما جاساپ, قازىرگى تاڭداعى گەولوگيالىق سالانىڭ نەگىزگى ماقساتتارى مەن پروبلەمالارىن اتاپ ءوتتى.
مەملەكەتتىك باعدارلامانىڭ ماقساتى - قازاقستان رەسپۋبليكاسىنىڭ اۋماعىندا گەولوگيالىق بارلاۋدى ۇلعايتۋ ارقىلى مينەرالدىق-شيكىزات بازاسىن تۇراقتى تولىقتىرۋ, دامىتۋ جانە باسەكەگە قابىلەتتىلىگىن قولداۋ ءۇشىن جاعدايلار جاساۋ.
قازىرگى ۋاقىتتا گەولوگيالىق سالانىڭ نەگىزگى پروبلەمالارى:
- جەر قويناۋىن جەتەكشى مەملەكەتتىك گەولوگيالىق بارلاۋدىڭ تومەن دەڭگەيى;
- جەر ءۇستى وڭاي قولجەتىمدى كەن ورىندارى قورىنىڭ سارقىلۋى;
- بىرقاتار پايدالى قازبالار بويىنشا قورلاردىڭ ورنىن تولتىرۋ دەڭگەيىنىڭ تومەندىگى;
- گەولوگيا سالاسىندا جەتەكشى عىلىمي-زەرتتەۋ جۇمىستارىنىڭ بولماۋى;
- گەولوگيالىق ينفراقۇرىلىمنىڭ بولماۋى;
- قالا قۇراۋشى كاسىپورىنداردىڭ قورلارىمەن قامتاماسىز ەتىلۋىنىڭكۇرت تومەندەۋى;
- گەولوگيالىق بارلاۋداعى اۆتوماتتاندىرۋ مەن تسيفرلاندىرۋدىڭ ءالسىز دەڭگەيى;
- 25 جىل ىشىندە گەولوگيالىق ماماندىقتار ءتىزىمىنىڭ 1992 جىلعا دەيىنگىمەن سالىستىرعاندا قىسقارتىلۋى;
- پايدالى قازبالار كەن ورىندارىن انىقتاۋ پەرسپەكتيۆالارىن باعالاۋ ماقساتىندا تەرەڭ قاباتتاردى زەرتتەۋگە ارنالعان مەملەكەتتىك قارجىلاندىرۋدىڭ ازدىعى.
مەملەكەتتىك باعدارلامانىڭ نەگىزگى مىندەتتەرى:
1-مىندەت – قازاقستان اۋماعىنىڭ گەولوگيالىق زەرتتەلۋىن قامتاماسىز ەتۋ
2-مىندەت – مينەرالدىق-شيكىزات بازاسىن تولىقتىرۋ (پايدالى قازبالار قورلارىنىڭ ءوسۋى)
3-مىندەت – جەر قويناۋىن گەولوگيالىق زەرتتەۋدى عىلىمي-زەرتتەۋشىلىك قامتاماسىز ەتۋ
4-مىندەت – گەولوگيا سالاسىن اۆتوماتتاندىرۋ جانە تسيفرلاندىرۋ
5-مىندەت – گەولوگيا سالاسىنىڭ ينفراقۇرىلىمىن دامىتۋ
6-مىندەت – گەولوگيا سالاسىن كادرلىق قامتاماسىز ەتۋ
7-مىندەت – ەل حالقىنىڭ الەۋمەتتىك-ەكونوميكالىق ءال-اۋقاتىن قامتاماسىز ەتۋ
مەملەكەتتىك باعدارلامانى ىسكە اسىرۋ كەلەسى كورسەتكىشتەرگە قول جەتكىزۋدى كوزدەيدى:
1. قازاقستان اۋماعىنىڭ گەولوگيالىق زەرتتەلۋىن قامتۋ:
- اۋدانداردى گەولوگيالىق قوسىمشا زەرتتەۋ 94,5%-دان 100%-عا دەيىن
- تەرەڭدىك, گەولوگيالىق-مينەراگەندىك كارتالاۋ 25,8%-دان 37%-عا دەيىن
2. قپق بويىنشا جاڭا پەرسپەكتيۆالى نىسانداردى انىقتاۋ, 2025 ج. جەلتوقسان – 40-50 پەرسپەكتيۆالى الاڭدار مەن نىساندار;
3. شوگىندى باسسەيندەردىڭ گەولوگيالىق-گەوفيزيكالىق زەرتتەلۋ دارەجەسىن ارتتىرۋ:
- يگەرىلگەن – 30%-دان 80-عادەيىن
- از زەرتتەلگەن – 10-عا دەيىن
4. بولجامدى رەسۋرستاردىڭ ءوسىمى: التىن – 200 توننا; مىس – 5 ملن.توننا, پوليمەتالدار – 5 ملن.توننا, ۋران – 50 مىڭ توننا, كومىرسۋتەكتەر – 700 ملن.توننا.
5. گەولوگيالىق بارلاۋعا جەكە ينۆەستيتسيالاردىڭ ارتۋى – 800 ملرد.تەڭگەگە دەيىن
6. مەملەكەتتىك بيۋدجەت ەسەبىنەن گبج ورىنداۋعا تارتىلعان پەرسونال سانىن 1000-نان 1500 بىرلىككە دەيىن; 60 بىرلىككەلىسىم-شارتتار/ليتسەنزيالار شەڭبەرىندە 190 مىڭنان 250 مىڭ بىرلىككە دەيىن ۇلعايتۋ.
