پارلامەنت • 04 اقپان، 2020

داريعا نازارباەۆا: جەڭىل ونەركاسىپتى باسەكەگە قابىلەتتى ەتۋ قاجەت

43 رەتكورسەتىلدى

پارلامەنت سەناتىنىڭ تور­اعاسى داريعا نازار­باەۆا پارلامەنتتىك تىڭ­داۋ­لارعا دايىندىق اياسىن­دا تىگىن جانە توقىما ءوندى­رىسى كاسىپورىندارىنىڭ باس­شى­لارىمەن كەزدەستى، دەپ حا­بارلادى وسى پالاتا­نىڭ ءباسپاسوز قىزمەتى.

كەزدەسۋ بارىسىندا «اگف توبى» وندىرىستىك كومپانياسىنىڭ ديرەكتورى گاۋحار ناسىروۆا تىگىن ونىمدەرىن قازاقستاننىڭ ىش­كى نارىعىندا جانە ەكسپورتقا شى­عا­رۋ ماسەلەلەرى تۋرالى ايتىپ بەردى.

ونىڭ ايتۋىنشا، ساۋدا الاڭ­دارى وتە تاپشى بولىپ وتىر، سو­­نىڭ سالدارىنان «ا» دارەجە­سىن­­دەگى كومپانيالار ساۋدا-ويىن-ساۋ­ىق ورتالىقتارىنىڭ الاڭ­دا­ر­ىن جال­عا الۋعا ءارى ونى جوعارى مول­­شەر­دە تولەي وتىرىپ، قارجى اۋىرت­پا­لىعىن باستان كەشىپ كەلەدى.

سالا كاسىپورىندارى ءوز ونىم­دەرىن ەكسپورتتاۋ كەزىندە مەملەكەت تاراپىنان قولداۋدى قاجەت ەتە­دى. گ.ناسىروۆا قازاقستاندا وندى­رىلگەن ءونىمدى الەمگە تانىمال (H&M، ZARA جانە INDI­TEX) ساۋدا كومپانيالارىنا جەت­كى­زۋ تۋرالى ۋاعدالاستىققا قول جەت­كىز­گەنى تۋرالى ءوزى باسقارىپ وتىر­عان كومپانيانىڭ تاجىريبەسىن مى­سالعا كەلتىردى. الايدا، قازاقستان ونىمدەرىنىڭ يمپورتتىق باجى ەۋ­روپالىق وداقتا 12%-دى قۇراپ وتىر. ال وزبەكستان وندىرۋشىلەرى ءۇشىن باج 9،4%، تۇركيا جانە پا­كىستانعا 0% قۇرايدى. بۇل سىرت­قى نارىقتاردا وتاندىق تاۋار ون­دى­رۋشىلەردىڭ باسەكەگە قابىلەتتىگىن كۇرت تومەندەتەدى.

كەزدەسۋدە «ەسكو» كومپانيا­سى­نىڭ ديرەكتورى اندرەي شمارين زاڭداعى «الەۋەتتى ءونىم جەت­كى­زۋ­شىلەردىڭ جەكەلەگەن ساناتتارىنىڭ مەملەكەتتىك ساتىپ الۋعا قاتىسۋى» بابىنا نازار اۋداردى. بۇل باپ قا­زاقستان رەسپۋبليكاسى ۇكى­مەتىنىڭ قاۋلىسىمەن رەتتە­لە­تىن مەملەكەتتىك ساتىپ الۋدا تاۋار­لاردىڭ جەكەلەگەن ساناتتارى بو­يىنشا مۇگەدەكتەر ۇيىمدارىنىڭ باسىم قۇقىعىن ايقىندايدى.

زاڭ مۇگەدەكتەردىڭ قوعامدىق بىرلەستىكتەرى قۇرعان مۇگەدەكتەردىڭ قوعامدىق بىرلەستىكتەرى جانە (نەمەسە) ۇيىمدارىنىڭ كولەمى قارجىنىڭ جالپى كولەمىنىڭ كەمىندە ەلۋ پايىزى بولاتىن تاۋار ساتىپ الۋىن بەلگىلەيدى. زاڭداعى بۇل ەرەجە جەڭىل ونەركاسىپ تاۋارلارىن مۇگەدەكتەر قوعامىنان 100% كولەمىندە شەكتەۋسىز ساتىپ الۋعا مۇمكىندىك بەرىپ، باسقا وتان­دىق وندىرۋشىلەردىڭ ساتىپ الۋعا قاتىسۋ قۇقىعىن شەكتەيدى. بۇل رەتتە، تاپسىرىس بەرۋشىلەر جەڭىل ونەركاسىپتىڭ بارلىق تاۋارلارىنا «ەرەكشە» مارتەبەنى ءجيى بەرەدى.

سەنات توراعاسى داريعا نازار­باەۆا ءوز سوزىندە پارلامەنتشىلەرگە وتاندىق تاۋار وندىرۋشىلەردىڭ ساۋدا الاڭدارىنا قول جەتكىزۋ مۇمكىندىكتەرى مەن جالعا الۋ قۇنى ماسەلەسىن زەردەلەۋدى تاپسىردى: «ساۋدا ورتالىقتارىنىڭ باعا بەلگىلەۋ ماسەلەسىن زەردەلەۋ قاجەت. بۇل ماسەلە وتاندىق ءوندىرىستى دامىتۋدىڭ كەلەشەگى تۇرعىسىندا كەشەندى تۇردە قارالۋى كەرەك»، دەدى ول.

داريعا نازارباەۆا قازاق­ستان­دىق برەندتەردى وتاندىق نارىقتا ىلگەرىلەتۋ ماقساتىندا ماركەتينگ سالاسىندا جەڭىل ونەركاسىپ ونىمدەرىن وندىرۋشىلەردى قولداۋ جۇيەسىن قۇرۋ قاجەت دەپ سانايدى.

پارلامەنت سەناتىنىڭ تو­راعاسى كەزدەسۋدى قورىتىندىلاي كەلىپ، ەكونوميكالىق ساياسات، ين­نو­ۆاتسيالىق دامۋ جانە كاسىپكەر­لىك كوميتەتىنە كەزدەسۋگە قاتى­سۋشىلار قوزعاعان پروبلەمالىق تاقىرىپتاردى زەردەلەۋدى جانە ونى پارلامەنتتىك تىڭداۋدا تالقىلاۋعا دايىنداۋدى تاپسىردى.

سوڭعى جاڭالىقتار

ەلدىك نىشاندار تاريحى

قازاقستان • كەشە

ۇقساس جاڭالىقتار