"Magnum cash carry" جشس (تۇران داڭعىلى, 55), "قازاق تەحنولوگيا جانە بيزنەس ۋنيۆەرسيتەتى" اق (مۋحاممەدحانوۆ ك-ءسى, 37), "استانا گۇلدەرى" جشس ("ميلانا", الماتى ك-ءسى, 9)-نە قىزمەت كورسەتەتىن ۇيىمدارعا ىرگەلەس اۋماقتى قار مەن مۇزدان ۋاقىتىلى تازالاماعانى ءۇشىن ايىپپۇل سالىندى. ايىپپۇل كولەمى 400 مىڭ تەڭگەنى قۇرادى. "Mega Silk Way" سوو, "سارىارقا" سوو, "استانالىق تسيرك" مكپپ, "Ailand" سوو "گاسترانمەن" سۋپەرماركەتىنە (تۇركىستان كوشەسى) جانە ت.ب. قىزمەت كورسەتەتىن ۇيىمدار ەسكەرتۋ الدى.
قىسقى كەزەڭنىڭ باسىنان بەرى قاردى ۋاقىتىندا تازالاماعانى ءۇشىن اكىمشىلىك جاۋاپكەرشىلىككە 4 ملن 300 مىڭ تەڭگە سوماسىنا 107 قىزمەت كورسەتەتىن ۇيىم (پيك, وك, جشس), ال (2020 جىلدىڭ قاڭتار ايىندا 1 ملن 250 مىڭ تەڭگە سوماسىنا 49 ۇيىم), سونداي-اق 2 ملن 700 مىڭ تەڭگە سوماسىنا 260 ەلوردالىق شاعىن جانە ورتا بيزنەس وبەكتىسى تارتىلدى (2020 جىلدىڭ قاڭتار ايىندا 1 ملن 250 مىڭ تەڭگە سوماسىنا 126 ۇيىم). سونىمەن قاتار مەردىگەر ۇيىمداردىڭ قار تازالاۋ جۇمىستارى باقىلاۋعا الىندى. قىستىڭ باسىنان بەرى "قالالار مەن ەلدى مەكەندەردىڭ اۋماقتارىن اباتتاندىرۋ ەرەجەلەرىن بۇزۋ..." قر اقبك 505-بابىن بۇزعانى ءۇشىن بارلىعى 95 ۇيىم اكىمشىلىك جاۋاپكەرشىلىككە تارتىلدى. ايىپپۇل كولەمى 5 ملن 700 مىڭ تەڭگەنى قۇرادى (ال 2020 جىلدىڭ قاڭتار ايىندا 38 ۇيىم 2 ملن 500 مىڭ تەڭگە ايىپپۇل تولەدى). اكىمشىلىك جاۋاپكەرشىلىكتەن بولەك, قالا اكىمدىگى مەردىگەر ۇيىمدارعا قوسىمشا شارالار قابىلداپ جاتىر.
اتاپ ايتقاندا, كورسەتىلگەن كەزەڭدە ءبىر ۇيىم مەملەكەتتىك ساتىپ الۋعا جوسىقسىز قاتىسۋشىلاردىڭ تىزىمىنە ەنگىزىلدى. 10 ۇيىممەن قالانى سانيتارلىق تازالاۋ بويىنشا قىزمەت كورسەتۋگە كەلىسىمشارتتار بۇزىلىپ, ءتيىستى كومپانيالارمەن جاڭا كەلىسىمشارتتار جاسالدى.
