تاراز قالاسى اكىمىنىڭ ورىنباسارى كەنجەبەك ولجاباي تۇرعىنداردى باسپانالى بولۋىمەن قۇتتىقتاپ, پاتەر كىلتتەرىن يەلەرىنە سالتاناتتى جاعدايدا تاپسىردى. جالپى, «نۇرلى جەر» تۇرعىن ءۇي قۇرىلىسى باعدارلاماسى اياسىندا تاراز قالاسىنداعى ى.سۇلەيمەنوۆ كوشەسىنىڭ سوڭىنداعى 362 گەكتار جەردە شامامەن 8500 وتباسىنا ارنالعان 190 كوپقاباتتى ۇيلەردى قۇرايتىن 15-مولتەكاۋدانى بوي كوتەرۋدە. بۇگىندە القاپتىڭ بايلانىس, كارىز, سۋ جانە گاز قۇبىرلارى جەلىلەرىنىڭ قۇرىلىستارى اياقتالىپ, ەلەكترمەن قامتۋ, ىشكى كۆارتالدىق كولىك جولىنىڭ جانە جىلۋ جەلىلەرىنىڭ قۇرىلىسى ىسكە اسىرىلۋدا.
بۇگىنگى تاڭدا القاپتا 26 تۇرعىن ءۇي نەمەسە 1020 پاتەر حالىق يگىلىگىنە بەرىلدى. سونىمەن قاتار, وتكەن جىلدان وتپەلى 20 تۇرعىن ءۇيدىڭ قۇرىلىسى جالعاسۋدا. ياعني الداعى ۋاقىتتاردا 1440 پاتەر يەلەرى ءوز ۇيلەرىنە قونىستانادى دەپ كۇتىلۋدە. بۇگىن پايدالانۋعا بەرىلىپ وتىرعان 80 پاتەرلى الەۋمەتتىك تۇرعىن ءۇيدى باسپانا كەزەگىندە كوپ جىلدان بەرى تۇرعان ازاماتتارعا يەلەندى. تۇرعىن ءۇي ولارعا ارەندالىق, ساتىپ الۋ قۇقىعىنسىز جالعا بەرىلدى. قۇرىلىستى جۇرگىزۋشى مەردىگەر «اگروسپەيستروي» جاۋاپكەرشىلىگى شەكتەۋلى سەرىكتەستىگى.
جامبىل وبلىسى
