ميكرو جانە شاعىن بيزنەس سالاسىنداعى كومپانيالاردى تابىسقا سالىناتىن سالىقتان ءۇش جىلعا بوساتۋ جانە تەكسەرۋ جۇرگىزۋدى توقتاتۋ بويىنشا تاپسىرما بەرىلگەنى بارلىعىنا ءمالىم.

وسىعان بايلانىستى، سالىق زاڭناماسىنا ءتيىستى تۇزەتۋلەر ەنگىزىلىپ جانە «قازاقستان رەسپۋبليكاسىندا تەكسەرۋلەرگە جانە پروفيلاكتيكالىق باقىلاۋ مەن قاداعالاۋدى بارىپ جۇرگىزۋگە موراتوري ەنگىزۋ تۋرالى» قازاقستان رەسپۋبليكاسى پرەزيدەنتىنىڭ 2019 جىلعى 26 جەلتوقسانداعى № 229 جارلىعى قابىلداندى.

قازاقستان كاسىپكەرلىك كودەكسىنىڭ ەرەجەلەرىنە سايكەس:

جۇمىسكەرلەرىنىڭ جىلدىق ورتاشا سانى 15 ادامنان اسپايتىن نەمەسە جىلدىق ورتاشا كىرىسى ايلىق ەسەپتىك كورسەتكىشتىڭ 30 مىڭ ەسەلەنگەن مولشەرىنەن اسپايتىن، جەكە كاسىپكەرلىكتى جۇزەگە اسىراتىن شاعىن كاسىپكەرلىك سۋبەكتىلەرى ميكروكاسىپكەرلىك سۋبەكتىلەرى بولىپ تابىلادى.

زاڭدى تۇلعا قۇرماعان دارا كاسىپكەرلەر جانە جۇمىسكەرلەرىنىڭ جىلدىق ورتاشا سانى 100 ادامنان اسپايتىن جانە جىلدىق ورتاشا كىرىسى ايلىق ەسەپتىك كورسەتكىشتىڭ 300 مىڭ ەسەلەنگەن مولشەرىنەن اسپايتىن، كاسىپكەرلىكتى جۇزەگە اسىراتىن زاڭدى تۇلعالار شاعىن كاسىپكەرلىك سۋبەكتىلەرى بولىپ تابىلادى.

ارناۋلى سالىق رەجيمدەرىن (پاتەنت نەگىزىندە، وڭايلاتىلعان دەكلاراتسيا نەگىزىندە، تىركەلگەن شەگەرىمدى پايدالانۋمەن، اۋىل شارۋاشىلىعى ءونىمىن وندىرۋشىلەر مەن اۋىل شارۋاشىلىعى كووپەراتيۆتەرى ءۇشىن، سونداي – اق، شارۋا نەمەسە فەرمەرلىك قوجالىقتار ءۇشىن ارناۋلى سالىق رەجيمىن) قولداناتىن جانە ميكرو جانە شاعىن كاسىپكەرلىك سۋبەكتىسى بولىپ تانىلاتىن تۇلعالار  2020 جىلدىڭ 1 قاڭتاردان باستاپ  «سالىق جانە بيۋدجەتكە تولەنەتىن باسقا دا مىندەتتى تولەمدەر تۋرالى» قازاقستان رەسپۋبليكاسىنىڭ كودەكسىن قولدانىسقا ەنگىزۋ تۋرالى» قازاقستان رەسپۋبليكاسىنىڭ زاڭىنىڭ 57-4-بابىنىڭ ەرەجەلەرىنە سايكەس، 2020 جىلدىڭ 01 قاڭتارىنان 2022 جىلدىڭ 31 جەلتوقسان ارالىعىندا الىنعان تابىستارعا سالىناتىن سالىقتان بوساتۋ بويىنشا ەرەجەلەردى قولدانۋعا قۇقىلى (بۇدان ءارى – بوساتۋ).

«2020 جىلعى 1 قاڭتاردان باستاپ 2023 جىلعى 1 قاڭتارعا دەيىنگى كەزەڭدە ارناۋلى سالىق رەجيمدەرىن قولداناتىن جانە ميكروكاسىپكەرلىك نەمەسە شاعىن كاسىپكەرلىك سۋبەكتىلەرى بولىپ تانىلاتىن تۇلعالار، ونىڭ ىشىندە بىرىڭعاي جەر سالىعىن تولەۋشىلەر، تولەنۋگە جاتاتىن:

1) وسى كودەكستىڭ 686، 687، 695، 700-باپتارىنا سايكەس ەسەپتەلگەن كورپوراتيۆتىك (جەكە) تابىس سالىعىنىڭ سوماسىن (تولەم كوزىنەن ۇستالاتىننان باسقا);

2) وسى كودەكستىڭ 687-بابىنا سايكەس ەسەپتەلگەن الەۋمەتتىك سالىق سوماسىن;

3) وسى كودەكستىڭ 704-بابىنا سايكەس ەسەپتەلگەن بىرىڭعاي جەر سالىعىنىڭ سوماسىن 100 پايىزعا ازايتادى دەپ بەلگىلەنسىن.

بوساتۋ بويىنشا ەرەجەلەر:

1) ەسىرتكى، پسيحوتروپتىق زاتتار مەن پرەكۋرسورلار اينالىمىمەن بايلانىستى قىزمەتتى;

2) اكتسيزدەلەتىن ءونىمدى ءوندىرۋدى جانە (نەمەسە) كوتەرمە ساۋدادا وتكىزۋدى;

3) استىق قابىلداۋ پۋنكتتەرىندە استىق ساقتاۋ جونىندەگى قىزمەتتى;

4) لوتەرەيا وتكىزۋدى;

5) ويىن بيزنەسى سالاسىنداعى قىزمەتتى;

6) راديواكتيۆتى ماتەريالدار اينالىمىمەن بايلانىستى قىزمەتتى;

7) بانك قىزمەتىن (نە بانك وپەراتسيالارىنىڭ جەكەلەگەن تۇرلەرىن) جانە ساقتاندىرۋ نارىعىنداعى قىزمەتتى (ساقتاندىرۋ اگەنتىنىڭ قىزمەتىنەن باسقا);

8) اۋديتورلىق قىزمەتتى;

9) باعالى قاعازدار نارىعىنداعى كاسىپتىك قىزمەتتى;

10) كرەديتتىك بيۋرولاردىڭ قىزمەتىن;

11) كۇزەت قىزمەتىن;

12) ازاماتتىق جانە قىزمەتتىك قارۋ مەن ونىڭ پاتروندارى اينالىمىمەن بايلانىستى قىزمەتتى;

13) جەر قويناۋىن پايدالانۋ سالاسىنداعى قىزمەتتى، ونىڭ ىشىندە كەن ىزدەۋشىلەر قىزمەتىن;

14) پايدالى قازبالار وتكىزۋدى، ترەيدەرلەردىڭ قىزمەتىن، كومىر، مۇناي وتكىزۋ جونىندەگى قىزمەتتى;

15) مۇناي ونىمدەرىنىڭ جەكەلەگەن تۇرلەرىن، بەنزيندى، ديزەل وتىنىن جانە مازۋتتى بولشەك ساۋدادا وتكىزۋدى;

16) سىرتقى ەكونوميكالىق قىزمەتتى جۇزەگە اسىراتىن سالىق تولەۋشىلەرگە قولدانىلمايدى.

سەق-ءتى جۇزەگە اسىراتىن تۇلعالار دەپ، ەۋرازيالىق ەكونوميكالىق وداق مۇشە مەملەكەتتەرى بولىپ تابىلمايتىن، ءۇشىنشى ەلدەردىڭ اۋماعىنا/اۋماعىنان تاۋارلار اكەلۋىمەن / اپارۋىمەن اينالىساتىن سالىق تولەۋشىلەرى قاراستىرىلاتىنى اتاپ وتكەن ءجون (ارمەنيا رەسپۋبليكاسى، رەسەي فەدەراتسياسى، بەلارۋس رەسپۋبليكاسى جانە  قىرعىز رەسپۋبليكاسى).

سونىمەن، ارناۋلى سالىق رەجيمدەرىن (پاتەنت نەگىزىندە، وڭايلاتىلعان دەكلاراتسيا نەگىزىندە، تىركەلگەن شەگەرىمدى پايدالانۋمەن، اۋىل شارۋاشىلىعى ءونىمىن وندىرۋشىلەر مەن اۋىل شارۋاشىلىعى كووپەراتيۆتەرى ءۇشىن، سونداي – اق، شارۋا نەمەسە فەرمەرلىك قوجالىقتار ءۇشىن ارناۋلى سالىق رەجيمىن) قولداناتىن جانە ميكرو جانە شاعىن كاسىپكەرلىك سۋبەكتىسى بولىپ تانىلاتىن تۇلعالار، جوعارىدا اتالعان باپپەن بەلگىلەنگەن تالاپتارعا سايكەس كەلگەن جاعدايدا،   2020 جىلدىڭ 01 قاڭتارىنان 2022 جىلدىڭ 31 جەلتوقسان ارالىعىندا الىنعان تابىستارعا سالىناتىن سالىقتان بوساتۋعا جاتادى.

بۇل رەتتە، اتالعان ءۇش جىلدىق  مەرزىمدە پايدا بولعان سالىقتاردى تولەۋ بويىنشا سالىقتىق مىندەتتەمەلەرگە عانا بوساتۋ جۇرگىزىلەدى. سالىق تولەۋشىلەر سالىقتىق ەسەپ نىساندارىن تاپسىرىپ، باقىلاۋ – كاسسا ماشيناسىن قولدانۋعا ءتيىس. دەكلاراتسيا تاپسىرعان كەزدە، الىنعان تابىستار بويىنشا دەرەكتەردى كورسەتىپ، تولەنۋگە جاتاتىن سالىق سوماسىن 0 دەپ كورسەتۋ قاجەت.

ءبىزدىڭ دەرەكتەر بويىنشا بارلىعى 1،2 ملن. كاسىپكەرلىك سۋبەكتىسىن بوساتۋعا جاتادى نەمەسە بيزنەس سۋبەكتىلەردىڭ بارلىق سانىنىڭ 75 %.

موراتوري ەنگىزۋ تۋرالى

مەملەكەتتىك كىرىستەر ورگاندارىمەن جۇرگىزىلەتىن تەكسەرۋلەر بولىگىندە:

- كەدەندىك تەكسەرۋلەر;

- قارسى سالىقتىق تەكسەرۋلەر;

- سالىق تولەۋشى مەن ونىڭ دەبيتورلارى اراسىنداعى ءوزارا ەسەپ ايىرىسۋدى ايقىنداۋ، سالىق ورگاندارىندا تىركەۋ ەسەبىنە قويۋ، كاسسا بويىنشا شىعىس وپەراتسيالارىن توقتاتا تۇرۋ تۋرالى سالىق ورگانى شىعارعان وكىمدەردى ورىنداۋ ماسەلەلەرى بويىنشا تاقىرىپتىق سالىقتىق تەكسەرۋلەر;

 - قازاقستان رەسپۋبليكاسىنىڭ قىلمىستىق-پروتسەستىك كودەكسىندە كوزدەلگەن نەگىزدەر بويىنشا تەكسەرۋلەر;

- ءوز قىزمەتىنە قاتىستى كاسىپكەرلىك سۋبەكتىلەرىنىڭ وتىنىشتەرى نەگىزىندە تەكسەرۋلەر  جانە پروفيلاكتيكالىق باقىلاۋدى بارىپ جۇرگىزۋ;

- جەر قويناۋىن پايدالانۋشىلار تەكسەرۋلەرى موراتوريگە قوسىلمايدى.

بۇل رەتتە، وسى موراتوري 2019 جىلى باستالعان تەكسەرۋلەرگە تارامايدى، كاسىپكەردىڭ ولشەمدىلىگىنە تاۋەلسىز اياقتالۋعا جاتادى.

بۇل رەتتە،

      1) ەسىرتكى، پسيحوتروپتىق زاتتار مەن پرەكۋرسورلاردىڭ اينالىمىنا بايلانىستى ارەكەتتى;

      2) اكتسيزدەلەتىن ءونىمدى ءوندىرۋدى جانە (نەمەسە) كوتەرمە ساۋدادا وتكىزۋدى;

      3) استىق قابىلداۋ پۋنكتتەرىندە استىق ساقتاۋ جونىندەگى قىزمەتتى;

      4) لوتەرەيالار وتكىزۋدى;

      5) ويىن بيزنەسى سالاسىنداعى قىزمەتتى;

      6) راديواكتيۆتى ماتەريالداردىڭ اينالىمىنا بايلانىستى قىزمەتتى;

      7) بانك قىزمەتىن (نە بانك وپەراتسيالارىنىڭ جەكەلەگەن تۇرلەرىن) جانە ساقتاندىرۋ نارىعىنداعى قىزمەتتى (ساقتاندىرۋ اگەنتى قىزمەتىنەن باسقا);

      8) اۋديتورلىق قىزمەتتى;

      9) باعالى قاعازدار نارىعىنداعى كاسىبي قىزمەتتى;

      10) كرەديتتىك بيۋرولار قىزمەتىن;

      11) كۇزەت قىزمەتىن;

      12) ازاماتتىق جانە قىزمەتتىك قارۋ مەن ونىڭ پاتروندارىنىڭ اينالىمىنا بايلانىستى قىزمەتتى جۇزەگە اسىراتىن دارا كاسىپكەرلەر مەن زاڭدى تۇلعالار شاعىن كاسىپكەرلىك، ونىڭ ىشىندە ميكروكاسىپكەرلىك سۋبەكتىلەرى دەپ تانىلمايدى.

مەملەكەتتىك كىرىستەر ورگاندارى تەكسەرۋلەردىڭ سانىن تومەندەتۋ بويىنشا جوسپارلى تۇردە جۇمىس اتقارۋدا. وسىلاي، 2019 جىل ءۇشىن مەملەكەتتىك كىرىستەر ورگاندارىمەن 27 187 سالىقتىق تەكسەرىس وتكىزىلىپ، وتكەن جىلدىڭ ۇقساس مەرزىمىمەن سالىستىرعاندا 28،7 % ازايدى.

كەشەندى جانە تاقىرىپتىق تەكسەرۋ سانى 6957 قۇرىپ، ونىڭ ىشىندە 5089 شاعىن بيزنەس سۋبەكتىلەرىن تەكسەرۋلەرى، نەمەسە بارلىق تەكسەرىس سانىنىڭ 73%.

شاعىن بيزنەس تەكسەرۋلەرى بويىنشا 72 ملرد.تەنگە قايتا ەسەپتەلىپ، جالپى ەسەپتەلگەن سومانىڭ 21 % قۇرايدى (2019 جىل ءۇشىن بارلىعى 343،5 ملرد.تەنگە قايتا ەسەپتەلدى).وسىلاي، قايتا ەسەپتەۋدىڭ 79 % ورتا جانە ءىرى كاسىپكەرلىك سۋبەكتىلەرىنە قاتىستى.

وسىلاي، مەملەكەتتىك كىرىستەر ورگاندارى جاعىنان اكىمشىلىك قىسىم تومەن جانە تەك تاۋەكەلدى سالىق تولەۋشىلەرگە قاتىستى جولدانعان.

موراتوري ەنگىزۋدى ەسكەرىپ، تەكسەرۋدى ەرەكشە رەت بويىنشا تاعايىنداۋدىڭ 693 سالىق تولەۋشىنى تەكسەرۋ جوسپارلانعان، ونىڭ ىشىندە 151- ءىرى كاسىپكەرلىك سۋبەكتىلەرىنە، 542 – ورتا كاسىپكەرلىك سۋبەكتىلەرىنە.

بۇل رەتتە، موراتوري ەنگىزۋگە بايلانىستى تەكسەرۋلەردىڭ جالپى سانىنىڭ بولجامدى تومەندەۋىنە قاراماستان، ءىرى كاسىپورىنداردى تەكسەرۋ كوپ شىعىن قاجەت ەتەدى. وسىلاي، ينسپەكتورلارعا جۇكتەلىم تومەندەۋى بولمايدى.

سونىمەن قاتار، تاۋەكەلدەردى باسقارۋ جۇيەسىن ىرىكتەۋ كريتەريالارىن جەتىلدىرۋ جانە مەملەكەتتىك كىرىستەر ورگاندارىنىڭ وكىمىندە بار دەرەكتەردى تالداۋ ارقىلى بۇزۋشىلىقتاردى انىقتاۋ بويىنشا جۇمىستار كۇشەيتىلۋىدە.