ەلوردادا «كىتاپ وقىپ، رۋحاني باي بول!» بايقاۋى اياقتالدى

ادەبيەت • 03 اقپان، 2020

ەلوردادا «كىتاپ وقىپ، رۋحاني باي بول!» بايقاۋى اياقتالدى

40 رەت كورسەتىلدى

نۇر-سۇلتان قالاسى بويىنشا «رۋحاني جاڭعىرۋ» جوبالىق كەڭسەسى اباي قۇنانباي ۇلىنىڭ 175 جىلدىق مەرەيتويىن تويلاۋ اياسىندا «كىتاپ وقىپ، رۋحاني باي بول!» قالالىق بايقاۋىن وتكىزدى. بۇل تۋرالى قالا اكىمدىگىنىڭ ءباسپاسوز قىزمەتى حابارلادى.

Egemen Qazaqstan

«كىتاپ وقىپ، رۋحاني باي بول» – رەسپۋبليكا كولەمىندە وتكىزىلىپ جاتقان اۋقىمدى جوبالاردىڭ ءبىرى. بايقاۋ ماقساتى – حالىقتىڭ ءار ءتۇرلى ساناتىن قامتۋ ارقىلى حالىقتىڭ كىتاپقا دەگەن قۇمارلىعىن ارتتىرۋ.

اباي شىعارماشىلىعىن ناسيحاتتاۋعا باعىتتالعان جوبا ەكى كەزەڭنەن تۇردى. بايقاۋدىڭ ءى كەزەڭىندە كىتاپسۇيەر قاۋىم جەلتوقسان-قاڭتار ايلارى ارالىعىندا وزدەرىنىڭ سۇيىكتى شىعارمالارىنان ۇزىندىلەر وقىپ، ونى الەۋمەتتىك جەلىلەرگە جۇكتەدى. ادىلقازىلار شەشىمىمەن 30 قاتىسۋشىدان ۇزدىك شىققان10 ادام ءىى كەزەڭگە جولداما الدى.

جولداما العانداردىڭ ىشىندە مەكتەپ وقۋشىلارى، جوو ستۋدەنتتەرى مەن زەينەتكەرلەر دە بار. كەلەسى كەزەڭدە بايقاۋ قاتىسۋشىلارى اباي قۇنانباي ۇلىنىڭ ءومىرى مەن شىعارماشىلىعىنا قاتىستى ۆيكتورينادا باق سىناستى. 30-عا جۋىق قاتىسۋشى ىشىنەن ەلوردالىق №40 مەكتەپ-گيمنازياسىنىڭ وقۋشىسى دينارا تويعانبەك ءى ورىندى يەلەنىپ، جۇزدەن جۇيرىك شىقتى. ال ءىى ورىندى №63 مەكتەپ-گيمنازياسىنىڭ وقۋشىسى جانار كۇنەكەي، ءىىى ورىندى نازارباەۆ ۋنيۆەرسيتەتىنىڭ ستۋدەنتى اقسۇلتان ايتقوجين يەلەندى.

قاتىسۋشىلاردى ابايتانۋشى، پروفەسسور گۇلنار مۇراتوۆا، «رۋحاني جاڭعىرۋ» ءبىلىم ورتالىعىنىڭ باسشىسى ايشات جۋاسباي، نۇر-سۇلتان قالاسى بويىنشا «رۋحاني جاڭعىرۋ» جوبالىق كەڭسەسىنىڭ ديرەكتور ورىنباسارى جازيرا بولتاەۆا، حالىقارالىق «شابىت» فەستيۆالىنىڭ لاۋرەاتى ءالىمجان الىشەر ۇلى باعالاپ، ولاردى ارنايى سىيلىقپەن ماراپاتتادى.

«اباي – ۇلتتىڭ پاسپورتى. ونىڭ ايتقان سوزدەرى ءالى كۇنگە دەيىن وزەكتىلىگىن جوعالتقان جوق. پرەزيدەنت قاسىم-جومارت توقاەۆتىڭ «اباي جانە ءححى عاسىرداعى قازاقستان» ماقالاسىندا ۇلى ويشىلدىڭ شىعارمالارى ءاردايىم زەرتتەۋدى قاجەت ەتەتىندىگىن اتاپ ءوتتى. ءبىلىم، ونەر، مۋزىكا ۇلتقا بولىنبەيدى. اباي الەم الىپتارىمەن قاتار تۇراتىن تۇلعا، دەمەك سىزدەر الەمدىك دەڭگەيدەگى تۇلعانى وقىپ جاتىرسىزدار»، - دەدى ل.گۋميلەۆ اتىنداعى ەۋرازيالىق ۇلتتىق ۋنيۆەرسيتەتىنىڭ پروفەسسورى، فيلولوگيا عىلىمدارىنىڭ دوكتورى گۇلنار مۇراتوۆا.