ۇكىمەت • 29 قاڭتار، 2020

قحر ازاماتتارىنا ۆيزا بەرۋ توقتاتىلدى

48 رەتكورسەتىلدى

ۇكىمەتى جانىنداعى ۆاك قازاقستان رەسپۋبليكاسىندا كوروناۆيرۋستىڭ تارالۋىنا جول بەرمەۋ بويىنشا بىرقاتار قوسىمشا قورعانۋ شاراسىن قابىلدادى. بۇل تۋرالى پرەمەر-ءمينيستردىڭ ءباسپاسوز قىزمەتى حابارلادى.

ۇكىمەتى جانىنداعى ۆەدومستۆوارالىق كوميسسيا قازاقستان اۋماعىندا كوروناۆيرۋستىڭ تارالۋىنا جول بەرمەۋ بويىنشا بىرقاتار قوسىمشا قورعانۋ شاراسىن قابىلدادى:

  1. 2020 جىلعى 29 قاڭتاردان باستاپ قازاقستان مەن قحر اراسىندا جولاۋشىلار اۆتوبۋسىنىڭ تاسىمالى ۋاقىتشا توقتاتىلدى;

  2. 2020 جىلعى 1 اقپاننان باستاپ قازاقستان مەن قحر اراسىندا جۇرەتىن جولاۋشىلار پويىزدارىنىڭ باعدارى ۋاقىتشا توقتاتىلادى;

  3. 2020 جىلعى 3 اقپاننان باستاپ قازاقستان مەن قحر اراسىنداعى جۇيەلى اۋە قاتىناسى ۋاقىتشا توقتاتىلادى; 

  4. قحر ازاماتتارىنا ۆيزالار بەرۋ توقتاتىلدى;

  5. 2020 جىلعى 4-8 اقپان ارالىعىندا حالىقارالىق تەننيس فەدەراتسياسىنىڭ فەدەراتسيا كۋبوگىنىڭ ىرىكتەۋ ماتچتارىن قحر-دىڭ دۋنگۋان قالاسىنان نۇر-سۇلتان قالاسىنا اۋىستىرۋى تۋرالى ۇسىنىسى قابىلدانبادى، سونداي-اق 2020 جىلعى 12-16 اقپان ارالىعىندا سۋ دوبىنان ازيا ىرىكتەۋ چەمپيوناتى وتكىزىلمەيتىن بولدى.

ۆەدومستۆوارالىق كوميسسيا جاعدايدى تاۋلىكتىك رەجىمدە قاداعالاۋدا. بيىلعى 29 قاڭتارداعى جاعداي بويىنشا قازاقستان رەسپۋبليكاسىندا كوروناۆيرۋس ينفەكتسياسىمەن سىرقاتتانۋ وقيعاسى تىركەلمەگەن. بۇل ماسەلە ەل باسشىلىعىنىڭ ەرەكشە باقىلاۋىنا الىنعان.

سوڭعى جاڭالىقتار

ىستىق تاماق تاراتتى

قازاقستان • بۇگىن، 17:59

جاقسى اكىم جالعىز جۇرەدى

تانىم • بۇگىن، 17:02

بەتپەردە كيگەن كوكتەم

تانىم • بۇگىن، 16:55

ۇقساس جاڭالىقتار