پرەزيدەنت پوشتاسىنان

ەلىمىزدىڭ جەتىستىكتەرى – ەلباسى ەڭبەگىنىڭ ناقتى ناتيجەسى ەلباسى نۇرسۇلتان نازارباەۆتىڭ اتىنا قىزىلوردا وبلىسى, قازالى اۋدانى, №249 مەكتەپ-ليتسەيدىڭ ديرەكتورى كۇلاش مەرگەن­باەۆادان جانە استانا قالاسىنىڭ تۇرعىنى, ىشكى ىستەر مينيسترلىگىنىڭ زەينەتكەرى ماحمۇت مەيىرمانوۆتان جەدەلحاتتار كەلىپ ءتۇستى. پرەزيدەنتتىڭ بيىلعى قازاق­ستان حالقىنا جولداۋىندا وتان­دىق ءبىلىم بەرۋ جۇيەسىنە, سونىڭ ىشىندە ينتەللەكتۋالدىق مەك­تەپ­تەردىڭ باسىمدىققا يە بولاتىنى تۋرالى باستاماسىنا ريزاشىلى­عىن بىلدىرگەن ك.مەرگەنباەۆا ء“وزىڭىزدىڭ باستاماڭىزبەن “100 مەك­تەپ, 100 اۋرۋحانا” باعدارلاما­سى بويىنشا ءبىزدىڭ اۋدانىمىزدا 1200 ورىندىق مەكتەپ سالىندى. ءبىز جاڭا زامان تالابىنا ساي سا­لىن­عان ءزاۋلىم دە اسەم عيماراتتا وقۋ باقىتىنا يە بولدىق. بۇگىنگە دەيىن مەكتەبىمىزدى 21 وقۋشى “التىن بەلگىمەن” بىتىرگەن بولسا, كەلەشەكتەگى مىندەت – ءبىر سى­نىپ­تى “التىن بەلگىمەن” بىتىرگىزۋ. اۋىل­دىق جەردە تۇرساق تا وقۋ­شى­لارىمىز بەن ۇستازدارىمىز شەت­ەلدىك ارىپتەستەرىمىزبەن تاجىريبە الماسۋدا, مەكتەپتە وتىرىپ, “ون-لاين” رەجىمىمەن حالىقارالىق بايقاۋعا, وقۋعا, كونفەرەنتسيا­لار­عا قاتىسۋدامىز. وتاندىق ءبىلىم بەرۋ جۇيەسىنىڭ فلاگمانى بولۋعا ۇمتىلۋدامىز”, دەپ جازادى. ەلباسىنىڭ سارا ساياساتى ءنا­تي­جەسىندە قازاقستاننىڭ بيىل ەۋروپاداعى قاۋىپسىزدىك جانە ىنتىماقتاستىق ۇيىمىنا توراعا بولعانىن ماقتانىش تۇتاتىنىن جەتكىزگەن م.مەيىرمانوۆ حاتىندا “ەلىمىز اۋعانستانداعى ماسەلەنى قارۋدىڭ كۇشىمەن ەمەس, وسى ەلدىڭ ەكونوميكاسى ناقتىلاي دامۋى ءۇشىن ءىس جۇزىندە كومەكتەسۋ ارقىلى جانە بەيبىت ديپلوماتيالىق جول­مەن شەشۋدى ۇسىندى. قارجىلاي كومەك كورسەتە وتىرىپ, جاس ما­مانداردى دايارلاۋعا ەلىمىزدىڭ جوعارى وقۋ ورىندارى مۇمكىندىك بەرىپ وتىر. تاۋەلسىز مەملەكەتتەر دوستاستىعى ەلدەرىندە ءازىربايجان جانە ارمەنيا رەسپۋبليكالارى اراسىنداعى تاۋلى قاراباح, گرۋزيادا ابحازيا مەن وڭتۇستىك وسەتيا ماسەلەلەرىن كەلىسسوزدەر ارقىلى بەيبىت جولمەن شەشۋدى ۇسىنىپ وتىر. ەلىمىز يادرولىق قا­رۋ­دان باس تارتا وتىرىپ, ەلبا­سى­نىڭ قاجىرلى ەڭبەگى, ۇلكەن حا­لىق­ارالىق بەدەلى جانە بەيبىت­شىلىكتى سۇيگىش ساياساتى ارقاسىندا رەسەي فەدەراتسياسى, قىتاي حا­لىق رەسپۋبليكاسى جانە امەريكا قۇراما شتاتتارى تاراپىنان قازاقستاننىڭ تەرريتورياسىنىڭ تۇتاستىعى مەن قاۋىپسىزدىگىنە كەپىلدىك الدى”, دەپ جازعان. م.مەيىرمانوۆ ەلباسى تارا­پىنان ەل يگىلىگى ءۇشىن اتقارىلعان جانە اتقارىلىپ جاتقان ۇلان­عايىر ىستەرگە توقتالىپ, مەم­لە­كەت باسشىسىنا زور دەنساۋلىق تىلەيدى. اۋىرتپالىقتى ەل بولىپ كوتەردىك مەملەكەت باسشىسى نۇرسۇلتان نازارباەۆتىڭ اتىنا ساپيروۆتار وتباسىنان جەدەلحات كەلىپ ءتۇستى. حات يەلەرى بيىلعى جىلدىڭ ناۋرىز ايىندا الماتى وبلىسى­نىڭ, اقسۋ اۋدانىندا ورىن العان اپاتتىڭ اۋىرتپالىعىن بۇكىل ەل بولىپ كوتەرگەنىن جانە تابيعات­تىڭ زاۋالىنا ۇشىرعان قىزىل­اعاش­تىقتارعا ەلباسى تاراپىنان جەدەل كومەك بەرىلگەنىن ريزاشى­لىقپەن اتاپ وتكەن. حات يەسى: “اپات ايتىپ كەل­مەيدى. بىراق, قيىن-قىستاۋ كەزدە جالعىز قالمادىق. قايعىمىزدى ەل بولىپ, جۇرت بولىپ بولىسكەن ازاماتتاردىڭ بارشىلىق ەكەنىنە كوزىمىز جەتىپ, جۇرەگىمىز سەزىندى. اپات ورىن العان ءتۇنى تالدى­قور­عان قالاسىنا كوشىرىلدىك. قالا تۇرعىندارى مەن باسشىلارى قول­دان كەلگەن كومەكتەرىن كورسەتتى. ءالى دە بولسا ءبىز ءۇشىن الدارىنا جان سالماي قىزمەت جاساۋدا. بىزگە كور­سەتىپ جاتقان قامقورلىعىڭىز ءۇشىن مىڭ دا ءبىر راحمەت!”, دەپ جازادى. حات سوڭىندا ساپيروۆتار وتباسى ەلباسىعا اماندىق-ساۋلىق جانە ەل مۇددەسى جولىنداعى قىزمەتىنە مول تابىس تىلەگەن. ەلباسىنىڭ اتىنا وسىنداي مازمۇنداعى حات كوپ بالالى انا, قىزىلاعاش اۋىلىنىڭ تۇرعىنى ناتاليا ۆاسيلەۆنا كۋليكوۆادان كەلدى. ول حاتىندا وزدەرىنىڭ تال­دىقورعان قالاسىنداعى جاتاق­حا­ناعا ورنالاستىرىلىپ, ازىق-ءتۇ­لىك, كيىم-كەشەكپەن تولىق قام­تا­ماسىز ەتىلگەندەرىن ايتىپ, مەم­لە­كەتتىك دەڭگەيدە ۇلكەن قامقورلىق كورسەتكەنى ءۇشىن مەملەكەت باس­شى­سىنا قىزىلاعاشتىقتار اتى­نان العىس سەزىمىن جەتكىزگەن.