ۋاكىل ەسەبى ماقۇلداندى

ادام قۇقىقتارى جونىندەگى ۋاكىل اسقار شاكىروۆ قولدانىلىپ جۇرگەن زاڭناماعا سايكەس  2009 جىلعى قىزمەتى تۋرالى ەسەبىن مەملەكەت باسشىسىنا  ۇسىندى. قۇجات مەملەكەتتىك ورگاندار­دىڭ كوپتەگەن قۇقىق قورعاۋ ماسە­لەلەرى بويىنشا ۋاكىل بۇرىن بەر­گەن ۇسىنىستاردىڭ ىسكە اسىرى­لۋى­نىڭ تالداۋىن  قامتيدى. ەسەپتە بۇقارالىق اقپارات قۇرالدارى مونيتورينگىنىڭ ناتيجەلەرى مازمۇندالعان,  قوعامدا ۇلكەن ءپى­كىر­تالاس تۋدىرعان جەكەلەگەن ءما­سەلەلەر بويىنشا ومبۋدسمەننىڭ  جۇمىسى كورسەتىلگەن, سونداي-اق مەملەكەتتىك ورگاندارعا جىبەرگەن ءتيىستى حاتتار قامتىلادى. ەسەپتە ازاماتتاردىڭ حات­تارى­­مەن جۇمىس, سونداي-اق ۋاكىلدىڭ جانە ادام قۇقىقتارى جونىندەگى ۇلتتىق ورتالىق قىزمەتكەرلەرىنىڭ قوعامدىق جانە حالىقارالىق شارالارعا قاتىسۋى تۋرالى ستا­تيستيكالىق  دەرەكتەر كەلتىرىلگەن. ەسەپتى پرەزيدەنت ماقۇلداپ, مەملەكەتتىك ورگاندارعا قۇجاتتى زەردەلەۋدى جانە وندا كورسەتىلگەن ادام قۇقىقتارىن بۇزۋ فاكتىلەرىن جويۋ جونىندە ءتيىستى شارا  قولدانۋدى تاپسىردى, دەپ حابارلادى ادام قۇقىقتارى جونىندەگى ۋاكىل اپپاراتىنىڭ  ءباسپاسوز قىزمەتى