ايەل-انانىڭ جاعدايى جاقسارىپ كەلەدى

كەشە پرەزيدەنت جانىنداعى ايەلدەر ىستەرى جانە وتباسىلىق-دەموگرافيالىق ساياسات جونىندەگى ۇلتتىق كوميسسيا بۇۇ-نىڭ قازاقستانداعى دامۋ باعدارلاماسىمەن بىرلەسىپ “ستراتەگيا—2020: ايەلدەرگە ارنالعان جاڭا مۇمكىندىكتەر” اتتى حالىقارالىق كونفەرەنتسيا وتكىزدى. كونفەرەنتسيانى اشقان ەڭبەك جانە حالىقتى الەۋ­مەتتىك قورعاۋ ءمينيسترى, پرەزيدەنت جانىنداعى ايەلدەر ىستەرى جانە وتباسىلىق-دەموگرافيالىق ساياسات جونىندەگى ۇلتتىق كوميسسيانىڭ ءتورايىمى گۇلشارا ابدىقالىقوۆا ءوتىپ جاتقان شارانىڭ ماڭىزى جو­عا­رى ەكەندىگىن اتاپ ءوتتى. مينيستر حانىم 2010 جىلعا دەيىنگى دامۋدىڭ ستراتە­گيالىق جوسپارىن قورى­تىن­دىلاي كەلىپ, ەلباسىنىڭ قازاقستان حالقىنا “جاڭا ونجىلدىق – جاڭا ەكونوميكالىق ورلەۋ – قازاق­ستاننىڭ جاڭا مۇمكىندىكتەرى” اتتى جولداۋىندا ايتىلعان گەن­دەر­لىك ساياسات توڭىرەگىندە وي قوزعادى. 2010 ستراتەگيالىق جوسپارىن ورىنداۋ بارىسىندا قازاقستاندا ۇلكەن وزگەرىستەر ورىن العانى ءمالىم. مەملەكەتتىڭ الەۋمەتتىك مىندەتى تياناقتى ورىندالىپ, ءار ادام­نىڭ ورتاشا ايلىعى بەس ەسە ءوستى. ال زەينەتكەرلەردىڭ تولەمى ءۇش ەسەگە ءوستى. انالاردىڭ ءولىم دەڭگەيى ەكى ەسەگە تومەندەدى, بالا تۋ سانى 1,5 ەسەگە وسكەن. ەلىمىزدىڭ وسىن­داي جەتىستىك­تەرىن كورىپ وتىرعان بۇۇ 2009 جىلعى بايانداماسىندا قازاق­ستان­دى ادام كاپيتالى دامۋى جاعى­نان جوعارى دارەجەدە دەپ باعا بەردى. گەندەرلىك ساياساتتىڭ ەلىمىزدەگى كورىنىسى دە تالاي وزگەرىستەردەن, كەزەڭدەردەن ءوتتى. مىسالى, شەشىم قابىلداۋ دەڭگەيىندەگى ايەلدەر سا­نى­نىڭ ارتۋى سونىڭ ايعاعى.  ەۋ­رو­پا وسى­دان بىرنەشە عاسىر بۇرىن ايەل­دەرىن ەركىنە جىبەرگەنىمەن, وتباسى, وشاق قاسىنا قايتا كىرگىزە الماي قور بولىپ وتىرعانىن بۇكىل الەم كورىپ وتىر. ال ءبىزدىڭ ەلىمىزدىڭ ايەل قاي­راتكەرلەرى وتباسىندا انالىق قىز­مە­تىن اتقارسا, تۇزدە كەز كەلگەن ەر ادام يىعى كوتەرە بەر­مەي­تىن جۇمىستى الىپ جۇرگەندىگى كوڭىل  مارقايتادى. كونفەرەنتسيا بارىسىندا ەكى سەكتسيا جۇمىس ىستەدى. ۆەنەرا تۇگەلباي.