قازاقستاندا اۆتوموبيلدەر قۇراستىرىلادى

24 ناۋرىزدا ماسكەۋدە قازاقستان رەسپۋبليكاسى پرەمەر-ءمينيسترىنىڭ ءبىرىنشى ورىنباسارى ومىرزاق شوكەەۆ پەن رەسەي ۇكىمەتى توراعاسىنىڭ ءبىرىنشى ورىنباسارى يگور شۋۆالوۆ باسقاراتىن ەكى ەلدىڭ جۇمىس توپتارىنىڭ اراسىندا كەلىسسوزدەر ءوتتى, دەپ حابارلادى پرەمەر-ءمينيستردىڭ ءباسپاسوز قىزمەتى. تاراپتار كەدەن وداعى قىزمەتى جاعدايىنداعى ەكىجاقتى ساۋدا-ەكونوميكالىق قارىم-قاتىناس­تار­دى, ونىڭ ىشىندە بولاشاقتا كەدەن وداعىنا مۇشە ەلدەر رىنوگىنا شىعارۋ ءۇشىن قازاقستاندا جەڭىل اۆتوموبيلدەردى قۇراستىرۋ ءوندىرىسىن دامىتۋ ماسەلەلەرىن تالقىلادى. العاشقى ساتىدا قازاقستاندا ۋاز اۆتوموبيلدەرىن قۇراستىرۋ ءوندىرىسىن ۇيىمداستىرۋ ويلاستى­رى­لۋ­دا. سونىمەن بىرگە, پەرسپەكتيۆالى شەتەلدىك اۆتوموبيلدەر ماركالارىن قوسا العاندا, نەعۇرلىم كەڭ مودەلدى جەلى ءوندىرىسىن ىسكە قوسۋ ارقىلى, زاۋىتتىڭ وندىرىستىك قۋاتىن جىلىنا 50 اۆتوموبيل شىعارۋعا دەيىن جەت­كىزە وتىرىپ, جوبا اۋقىمىن ۇلعايتۋ ماسەلەلەرى دە قاراستىرىلۋدا. قازاقستاندا شىعارىلاتىن اۆ­تو­مو­بيلدەر ءۇشىن وزبەكستان, قىر­عىز­ستان, تاجىكستان, ءازىربايجان, ارمەنيا جانە باسقا دا كورشى ەلدەر بولاشاعى زور وتكىزۋ رىنوگى رەتىندە قاراستىرىلۋدا.