سەناتور كەزدەسۋ بارىسىندا پارلامەنت قابىلداعان زاڭ ەرەجەلەرى مەن ازاماتتاردىڭ ءال-اۋقاتىن جاقسارتۋ جونىندەگى مەملەكەت قابىلداعان شارالاردى ءتۇسىندىردى.
2020 جىلعا ارنالعان رەسپۋبليكالىق بيۋدجەتتىڭ كورسەتكىشتەرى, الەۋمەتتىك تولەمدەر, مەملەكەتتىك ارنايى جاردەماقىلار, كەپىلدىك بەرىلگەن الەۋمەتتىك توپتاما جانە اتاۋلى الەۋمەتتىك كومەك, مىندەتتى مەديتسينالىق ساقتاندىرۋ, سونداي-اق تۇرعىن ءۇي قورىن باسقارۋدىڭ جاڭا ۇلگىسى ماسەلەلەرى تالقىلاندى.
س.ەرشوۆ 2019 جىلى حالىقتىڭ ءال-اۋقاتىن ارتتىرۋعا, ونىڭ ىشىندە از قامتىلعان جانە كوپ بالالى وتباسىلارعا مەملەكەتتىك قولداۋ كورسەتۋگە ارنالعان الەۋمەتتىك ماسەلەلەرگە ەرەكشە نازار اۋدارىلعانىن اتاپ ءوتتى.
دەپۋتات ساپار اياسىندا جەزقازعان قالاسىنىڭ اۋرۋحانا قالاشىعىندا بولىپ, 900 ورىندىق مەكتەپ قۇرىلىسىنىڭ بارىسىمەن تانىستى, كەڭگىر كەنتىندە جاڭارتىلاتىن ەنەرگيا كوزدەرىنەن ەلەكتر ەنەرگياسىن وندىرەتىن «كaz green energy» كاسىپورنىندا بولدى.
ساتباەۆ قالاسىنىڭ «قامقور» الەۋمەتتىك قولداۋ ورتالىعىنىڭ باسشىلىعى مەن ۇجىمىمەن كەزدەسۋ بارىسىندا دەپۋتات «قۇلاق اساتىن مەملەكەت» تۇجىرىمداماسى مەن مەملەكەت باسشىسىنىڭ قازاقستان حالقىنا جولداۋىن جۇزەگە اسىرۋ ءۇشىن قابىلدانىپ جاتقان شارالار تۋرالى حاباردار ەتتى. سەرگەي ەرشوۆ جاستار ساياساتىن قولداۋ شارالارىنا توقتالىپ, سەنات جانىندا جاستار كەڭەسىن قۇرۋ جوسپارلانىپ وتىرعانىن ايتتى.
كەزدەسۋگە قاتىسۋشىلار ءوز كەزەگىندە وبلىستاعى وزەكتى ماسەلەلەردى كوتەردى, ويتكەنى, قالادا اۋىز سۋعا بايلانىستى پروبلەما بار, سوندىقتان جاڭا سۋ قۇبىرىنىڭ قۇرىلىسىن قاراستىرۋ قاجەت بولىپ وتىر. وبلىستىڭ شارۋا قوجالىقتارىندا سۋبسيديا الۋ ماسەلەلەرى تۋىنداعانى جايىندا ايتىلدى.
س.ەرشوۆ ۇلىتاۋ اۋدانىندا زەينەتكەرلەردى قابىلدادى.
اۋداندىق ءماسليحات دەپۋتاتتارىمەن كەزدەسۋدە سەناتور وڭىردەگى ءتۋريزمدى دامىتۋ, «اۋىل – ەل بەسىگى» ارنايى جوباسىن جۇزەگە اسىرۋ, تاريحي-مادەني مۇرا نىساندارىن قورعاۋ جانە پايدالانۋ, سونداي-اق كوپ بالالى جانە از قامتىلعان وتباسىلاردى مەملەكەتتىك قولداۋ قاجەتتىگى تۋرالى ءسوز قوزعادى.
سەناتور سونداي-اق ۇلىتاۋ اۋدانىنداعى ءتۋريزمدى دامىتۋدىڭ نەگىزى بولاتىن تۋريستىك ساپار ورتالىعىنىڭ قۇرىلىسىمەن تانىستى.
