ۇساق-تۇيەك پە؟ جوق, ۇلكەن ساياسات

قازاقستانعا ەنگىزىلەتىن شەتەلدىك تاۋارلاردا ولاردىڭ ساپاسى, قۇرا­مى, قولدانۋ مەرزىمى, پايداسى, ت.س.س. ءتىزىلىپ, مەملەكەتتىك تىلدە اقپارات­تار جازىلعان جاپسىرمالاردىڭ (ەتيكەتكالار) بولۋى ءتىل تۋرالى زاڭدا ارنايى قاراستىرىلعان (21-باپ). ال زاڭدا قاراستىرىلعان تالاپ وركەنيەتتى ەلدە ءسوزسىز ورىندالۋى ءتيىس. قازاقستان ازاماتى رەتىندە دۇرىس جازىلعان سونداي جاپسىرما­لاردى كورگەندە كوڭىلىڭ مارقايىپ, ريزا بولىپ قالاسىڭ. وتانسۇيگىشتىك تە وسىنداي ۇساق نارسەدەن باستا­لادى ەمەس پە؟ ال قازاق تىلىندەگى جازۋدان بىرەۋ­دىڭ شالا ساۋاتتى, دۇمبىلەز اۋدارمالارىن كورگەندە قارنىڭ اشىپ, كوڭىلىڭ قۇلازيتىنى تاعى راس. ياعني, وندايدا قايران ءتىلدى قور قىلعان “اۋدارماشىعا” دا, ۇلتتىق سەزىمىڭدى اياقاستى ەتكەن تاۋار ءوندى­رۋشىگە دە, سوندايعا باقىلاۋ جاساۋ­عا ءتيىستى بولسا دا ءمان بەرمەيتىن شەنەۋنىككە دە وكپەڭ قارا قازانداي بولىپ, قورلاناسىڭ. كوپشىلىگىمىز وندا تۇرعان نە بار دەگەندەي, كوڭىل اۋدارا بەرمەيمىز, بىراق بار نارسەنى وسىنداي نەمقۇ­رايدى كوزقاراس جوققا شىعارىپ جاتاتىنىن تۇسىنەتىن ۋاقىت جەتكەنى انىق. پارلامەنت ءماجىلىسىنىڭ دەپۋتا­تى يراك يلەكەەۆ – پاتريوتتىق سەزىمى جالىنداعان, نامىسى قاينا­عان قازاقتىڭ ءبىرى. ول ۇلتتىق دۇنيەلەردى ايتقاندا, قازاقستاندىق مۇددەلەردى قورعاعاندا ۇنەمى جانى كۇيىپ, شىن جۇرەگىنەن اقتارىلىپ جاتادى. ماسەلەن, ءماجىلىستىڭ 4 ناۋ­رىز كۇنگى جالپى وتىرىسىندا ول بۇرىنعى مادەنيەت جانە اق­پارات ءمينيسترى مۇحتار قۇل-مۇحاممەدكە ساۋال جولداپ, قازاق­ستانعا كەنيا شايىن جەتكىزەتىن الماتىداعى “سيمبا” فيرماسىنىڭ تاۋار اتاۋىن مەملەكەتتىك تىلگە اۋدارعان نۇسقاسى مۇلدە قاتە ەكەنىن جەتكىزدى. “كەنيانىڭ قارا شايى” دەگەن ءسوز “قارا كەنيانىڭ شايى” دەپ اۋدارىلىپتى. بۇل قازاق تىلىندەگى نۇسقانىڭ دۇرىستىعىن عانا ەمەس, بىلدەي ءبىر مەملەكەتتىڭ اتاۋىن دا بۇزىپ تۇرعان ورەسكەل قاتەلىك ەكەنىن دەپۋتات باسا كورسەتتى جانە وسى مىسالمەن اۋدارمالاردىڭ جاڭساقتىعىنا ءجىتى باقىلاۋ جاساۋ قاجەتتىگىن ەسكەرتتى. جۋىردا سول ساۋالعا جاۋاپ كەلىپ, “سيمبا” فيرماسىنىڭ ءوز قاتەلىگىن مويىنداپ, مۇندايدىڭ قايتالانبايتىندىعى جونىندە ۋادە بەرگەنى جەتكىزىلدى. سونىمەن بىرگە, م.قۇل-مۇحاممەد الماتى قالاسى­نىڭ ءتىل باسقارماسىنا حات جولدا­نىپ, كىنالىلەردى انىقتاپ, شارا قولدانۋ تاپسىرىلعانىن ايتىپتى. بۇل, ارينە, دۇرىس ۇدەرىس. بىراق وسىنداي فاكتىلەردىڭ كوپ ەكەندىگى ەسكەرىلىپ, بارلىق وبلىستاردىڭ ءتىل باس­قارمالارىنا دا وسىنداي قاتە­لىكتەرگە جول بەرمەي, ساقتىقپەن قاراۋ قاجەتتىگى ايتىلعان نۇسقاۋ بەرىلسە تىپتەن قۇبا-قۇپ بولار ەدى. ارينە, ءتىل باسقارماسىنداعىلاردىڭ جۇمىسى دا از ەمەس شىعار, بىراق وسىندايلاردى كورىپ تۇزەتۋ, ءتۇ­زەل­مەي جاتسا زاڭدى شارالار قولدانۋ كەرەكتىگىن كوتەرەتىن سول قىزمەت بولعان سوڭ ايتىپ جاتىرمىز. ءتىل تالاپتارىن قاتاڭ ساقتاۋ, سايىپ كەلگەندە, ۇلكەن ساياسات. ول اياقاستى ەتىلمەۋى ءتيىس. ازىرلەگەن جاقسىباي سامرات.