جاڭا گازەت جارىق كوردى

ناۋرىز مەيرامى كۇندەرى ەلى­مىز­دىڭ اقپارات كەڭىستىگى تاعى ءبىر با­سىلىممەن تولىقتى. گازەتتىڭ باس رەداكتورى, ەلىمىزگە بەلگىلى سپورت ءجۋرناليسى قىدىربەك رىسبەكتىڭ اي­تۋىنشا, “قازاق سپورتى” اتا­لاتىن باسىلىم اپتاسىنا ءبىر رەت, سەيسەنبى كۇنى شىعاتىن بولادى. گازەتتىڭ تىرناقالدى ءنومىرى قى­زىقتى دا تارتىمدى دۇنيەلەرمەن جانە ولارعا ساي بەرىلگەن ادەمى سۋرەتتەرمەن شىققانىن اتاپ ءوت­كە­نىمىز ءجون. باسىلىمنىڭ العاشقى نومىرىندە “تارازى”, “توپجارعان”, “ساراپتاما”, “جىلناما”, ء“سوز ونەرى دەرتپەن تەڭ” جانە سپورتتىڭ ءار تۇرىنە بايلانىستى بەرىلگەن اي­دار­لارمەن جاريالانعان ماقالالار بار. مۇندا تۋريزم جانە سپورت مي­نيسترى تەمىرحان دوسمۇحامبەتوۆتىڭ “اق وليمپيادا ارتتا قالدى, الدا – ازيا ويىندارى” اتتى ما­تە­ريا­لى, دزيۋدو كۇرەسىنەن قازاقستان سپورتى تاريحىندا تۇڭعىش رەت الەم چەمپيونى اتانعان ماكسيم راكوۆپەن جۇرگىزىلگەن سۇحبات, بەلگىلى جۋرناليستەر ءدۇرالى دۇيسەبايدىڭ ء“سوز بىلمەيتىن كوممەنتاتور كوپ”, عالىم قوجابەكتىڭ “قازاق بوكسى: توقىراۋ ما, الدە تولقىن اۋىسۋ ما؟”, تولەۋبەك قادىرموللا مەن ءسابيت تاستانبەك ۇلىنىڭ جارىس­تار­دان بەرگەن رەپورتاجدارى شىققان. ال گازەتتىڭ سوڭعى بەتىندە “مەن – قازاقپىن!” ايدارىمەن بەرىلگەن رە­داك­توردىڭ سپورتتىق گيمناستيكادان كانادا ۇلتتىق قۇراماسىنىڭ باس باپكەرى, قازىر وسى ەلدىڭ استاناسى وتتاۆا قالاسىندا تۇراتىن قان­داسىمىز ەدىگە جاروۆتان العان سۇحباتى وقىرمان قاۋىمنىڭ ىزدەپ ءجۇرىپ وقيتىن دۇنيەسى دەسەك ارتىق ايتقاندىق ەمەس. “استانا پوليگرافيا” باس­پا­سىنان وقىرمانعا جول تارتقان گازەت 10 مىڭ تارالىممەن شىعىپ وتىر. داستان كەنجالين.