ۇلىستىڭ ۇلى كۇنىندە

ۇلتتىق سپورت تۇرلەرى ۇلىقتالدى 21-22 ناۋرىز كۇندەرى ۇلىس­تىڭ ۇلى كۇنىنە ورايلاستىرىلىپ استانا قالاسىندا ۇلتتىق سپورت تۇرلەرى بويىنشا سپورتتىق ءىس-شارالار ءوتتى. 21 ناۋرىزدا “تۇل­پار” يپپودرومىندا ات سپورتى ءتۇر­لەرىنەن, سونداي-اق ۇلتتىق سپورت تۇرلەرىنەن ەلوردانىڭ ءبۇ­كىل سپورت مەكتەپتەرى مەن ۇي­ىم­دارى قاتىسقان العاشقى مە­رە­كەلىك شارالار دا كورەرمەندەرگە ۇس­ىنىلدى. الايدا باستى سپورت­تىق باعدارلاما 22 ناۋرىز كۇنى “حان-شاتىر” الاڭىندا, سو­نىمەن قاتار “بايتەرەك” مونۋ­مەن­تىنىڭ جانىندا وتكەن ەدى. استانا قالاسىنىڭ تۋريزم, دەنە تاربيەسى جانە سپورت باس­قار­ما­سىنىڭ ۇيىم­داستىرۋىمەن وتكەن 12 سپورت تۇرلەرى بويىنشا مە­رەكەلىك ءىس-شارالارعا 800-دەن استام ۇمىتكەر مەن كورەرمەندەر قاتىستى. كەيبىر ۇلتتىق سپورت تۇرلەرى اس­تانا قالاسىندا وتەتىن بۇ­قا­را­لىق سپورتتىق باعدارلاماعا ال­عاش رەت ەنگىزىلگەنىمەن, كو­رەر­مەندەردىڭ كوڭىلىنەن شىقتى. ماسەلەن, بۇزاۋ كوتەرۋ. “حان-شاتىر” الدىنداعى الاڭىندا وتكىزىلگەن بۇل سپورت ءتۇرى ۇلكەن جانكۇيەرلەر توبىن جينادى. ادامدار بۇ­زاۋدى كوتەرە ال­ماعان قا­تى­سۋ­شى­لار­دى دە­مەپ, كوتەرە ال­عا­ن­دارعا قوشەمەت كور­سە­تىپ تۇردى. ءنا­تي­جە­سىندە قاتىسۋعا نيەت بىلدىرگەن 25 ادامنىڭ ىشىندە بۇزاۋدى 10 رەت كوتەرگەن دارحان قابىلدين سول بۇ­زاۋ­عا يە بولدى. جاڭادان قو­سىلىپ وتىرعان بۇرىننان كەلە جات­قان سپورت ويىنى – ارقان سەكىرۋ دە بۇ­قا­راعا ۇناعانى سونشا, قاتىسامىن دەۋ­شى­لەر­دىڭ سانى بىردەن ارتىپ كەتتى. بالالاردىڭ سۇيىكتى ويىنى اسىق اتۋ – مە­رە­كەلىك ءىس-شارالاردىڭ ىشىندەگى ءجيى قوسىلىپ وتىراتىن سپورت تۇرىنە اينالعانى دا قۋان­تارلىق ءجايت. “بايتەرەك” مونۋمەنتىنىڭ الدىندا ۇيىمداستىرىلعان قازاق كۇرەسى مەن قاريالار كۇرەسىندە دە كورەرمەندەر سانى بويىنشا اسىپ تۇسپەسە, ارتتا قالعان جوق. ناۋرىز مەيرامىنا ەلورداعا قوناق بولىپ كەلگەندەر دە قاتىسۋشىلاردىڭ قا­تارىنان كورىندى. ولاردىڭ اراسىندا قاراعاندى, شىمكەنت,  تاراز, سەمەي, قوستاناي, ارقالىق قالالارىنىڭ وكىلدەرى دە بولدى. ءابدىراحمان قىدىربەك. استانا.