قىزىلوردا وبلىسىندا ازىق-ت ۇلىك باعاسىن تۇراقتاندىرۋعا بايلانىستى بىرقاتار جۇمىستار قولعا الىندى. ول بويىنشا كۇندەلىكتى مونيتورينگ جۇرگىزىلىپ تۇرادى. بۇل تۋرالى وبلىس اكىمىنىڭ ءباسپاسوز قىزمەتى حابارلادى.
وبلىس اكىمدىگىندە وتكىزىلگەن تۇراقتى كەڭەستە ماۋسىم ايىنداعى ازىق-ت ۇلىك تاۋارلارىنىڭ باعاسى جىل باسىنداعى كورسەتكىشپەن (رەسپۋبليكا بويىنشا 101,7 پايىز) سالىستىرعاندا 101,6 پايىز قۇراعان. بۇل تۇستا «قازاگروماركەتينگ» اق جۇرگىزگەن ساراپتامالىق تالداۋعا جۇگىنسەك, بيىلعى ماۋسىم ايىنىڭ باسىندا كەيبىر ازىق-ت ۇلىك تاۋارلارىنىڭ باعالارى وتكەن ايمەن سالىستىرعاندا 30-80 تەڭگە ارالىعىندا تومەندەگەن. ولاردىڭ قاتارىندا قۇس ەتى, جۇمىرتقا, وسىمدىك مايى, قيار, پوميدور جانە تاعى باسقالار بار. جالپى ايتقاندا, بۇل ايماقتاعى 19 ازىق-ت ۇلىك تاۋارىنىڭ باعاسى رەسپۋبليكاداعى كورسەتكىشتەن تومەن.
ساۋدا نۇكتەلەرىندەگى تاۋارلاردىڭ باعاسىنا مونيتورينگ تۇراقتى تۇردە جۇرگىزىلىپ تۇرادى.ونىڭ قورىتىندىسى جەرگىلىكتى جەردەگى بۇقارالىق اقپارات قۇرالدارىنا جاريالانادى. ال جىل باسىنان بەرى وسى وڭىردە 5 اۋىل شارۋاشىلىعى جارمەڭكەسى وتكىزىلىپ, قۇنى 11,5 ملن. تەڭگە بولاتىن تاۋارلار ساتىلعان. وبلىس اكىمى قىرىمبەك كوشەرباەۆ وسى باعىتتاعى جۇمىستى قاراشا ايىنا دەيىن جالعاستىرۋدى جاۋاپتى سالا باسشىلارىنا مىندەتتەپ, جەرگىلىكتى تاۋار وندىرۋشىلەردىڭ ءونىمىن وتكىزۋ ماسەلەسى مەن الەۋمەتتىك ماڭىزى بار تاۋارلار باعاسىن ۇدايى نازاردا ۇستاۋ قاجەتتىگىن اتاپ ءوتتى.
ءامىرحان الماعانبەتوۆ,
«ەگەمەن قازاقستان».
