ازاتتىق, تاۋەلسىزدىك ارمان ەدى, جاسىرىن ءبىر كۇي ەدى جۇرەكتەگى. ارماندى اقيقاتقا جالعاپ ەلىم, حالقىمنىڭ ورىندالدى تىلەكتەرى.
وڭايلىقپەن كەلمەيدى ەگەمەندىك, جەمىسى ول سان جىلعى كۇرەستەردىڭ. تاريحقا تۇرەن سالىپ ەرەن ەرلىك, سەرپىلدى كوڭىلدەردە سىرەسكەن مۇڭ. بۇگىندە ازات ەلىم, بيىك – مەرەي, زور ماقسات, الار اسۋ – الدىمىزدا. مارتەبەم ارقاشاندا بيىكتەگەي, باياندى باقىت قونىپ حالقىمىزعا. تويىمىز كوپتەن كۇتكەن تارقاسىن با, ەلىمىز استى قازىر ون سەگىزدەن. ەلباسى ەرلىگىنىڭ ارقاسىندا, ءاردايىم بيىك بولماق ەڭسەمىز دە. بولار بالا بەلگىلى بەسىگىنەن, ەر جىگىتكە قۇت دارىپ, باق قونادى. نۇرسۇلتانداي ۇلىنىڭ ەسىمىمەن, ءدال قازىر بارشا حالىق ماقتانادى. مەزگىلدىڭ ارتتا قالىپ ء“ولىاراسى”, بەرەكەسى بۇگىندە كەلدى ءۇيىمنىڭ. بىلگەنگە قازاقستان توراعاسى, ەۋروپا تورىندە بەلدى ۇيىمنىڭ. ءبىر ۇلمىن شىن جۇرەكتەن تالاپتانىپ, تىلەگىن اق جۇرەككە ءتۇيىپ كەلگەن. قياعا قىران قۇسشا قانات قاعىپ, ءاردايىم كورىنەيىك بيىكتەردەن. باحودير سابيت, قازاقستان جازۋشىلار وداعىنىڭ مۇشەسى. ءوزبەك تىلىنەن اۋدارعان مۇرات بەكەي. وڭتۇستىك قازاقستان وبلىسى, قازىعۇرت اۋدانى, تۇربات اۋىلى.
