پارلامەنتارالىق بايلانىستار بارىسى

مەملەكەتتىك دۋما مەن ءماجىلىس اراسىنداعى ىنتىماقتاستىق تۋرالى پالاتاارالىق پارلامەنتتىك كوميسسيانىڭ سەگىزىنشى وتىرىسى ءوتتى 25 ناۋرىزدا استانادا رەسەي فەدەراتسياسى فەدەرالدىق جي­نالىسى مەملەكەتتىك دۋماسى مەن قازاقستان رەسپۋبليكاسى پارلا­مەنتىنىڭ ءماجىلىسى اراسىنداعى ىنتىماقتاستىق تۋرالى پالاتا­ارا­لىق پارلامەنتتىك كوميسسيانىڭ سەگىزىنشى وتىرىسى ءوز جۇمىسىن باستادى. وتىرىستى اشقان مەملەكەتتىك دۋما مەن ءماجىلىس اراسىنداعى ىن­تىماقتاستىق تۋرالى پالاتاارالىق پارلامەنتتىك كوميسسيانىڭ تەڭ ءتورايىمى, ءماجىلىس دەپۋتاتى با­عيلا بايماعامبەتوۆا بۇعان دەيىن اتالعان كوميسسيانىڭ سەگىز جيىنى وتكەنىن, ونىڭ ءتورت وتىرىسى رە­سەيدە, ۇشەۋى قازاقستاندا بول­عا­نىن, وسى جولى ءتورتىنشى رەت قازاق ەلىندە ءوتىپ وتىرعانىن جەتكىزدى. “بۇگىن پارلامەنتارالىق ىنتى­ماقتاستىقتىڭ ماڭىزدى ماسەلەلە­رىن تالقىلاۋ ماقساتى كوزدەلىپ وتىر. ءبىز ءۇشىن بۇل كەزدەسۋ وتە ما­ڭىزدى. ويتكەنى, ءبىزدىڭ الدىمىزدا ەكى ەلدىڭ مەملەكەت باسشىلارى بۋرابايدا قابىلداعان قازاقستان مەن رەسەي اراسىنداعى 2009-2010 جىلداردى قامتيتىن بىرلەسكەن ءىس-شارالار جوسپارىنا سايكەس ءبىر­قا­تار زاڭدار قابىلداۋ مىندەتى تۇر. تاياۋ كەلەشەكتە ەكى جاقتى ىنتى­ماق­تاستىق سالاسىندا 40-تان استام ماسەلەلەر شەشىمىن تابۋى ءتيىس. سونىڭ ىشىندە ساۋدا-ەكونوميكالىق باي­لانىستى دامىتۋ جاعىن جەكە دارا ايتار ەدىم. ەكى جاقتى ساۋدا اي­نالىمى قازاقستان رەسپۋبليكا­سى­نىڭ سىرتقى ساۋدا كولەمىنىڭ 17 پايىزدان استامىن قۇرايدى”, — دەدى باعيلا بايماعامبەتوۆا. وتىرىستا ءماجىلىس دەپۋتاتتارى قىلىشباي بيسەنوۆ, ۆلاديمير نەحوروشەۆ, ۆالەري دوسكالوۆ, قايرات سادۋاقاسوۆ, ەلەنا تاراسەنكو ءسوز سويلەپ, ەكى ەل اراسىنداعى ساياسي-ەكونوميكالىق ارىپتەستىك بايلانىستى دامىتۋ تۋرالى, ترانسشەكارالىق وزەندەردى بىرىگىپ پايدالانۋدا ەكولوگيالىق جاعدايدى ساقتاۋعا باسا كوڭىل ءبولىنۋى قاجەت ەكەنى جايلى جانە باسقا ماسەلەلەردى قوزعادى. وسى كۇنى كوميسسيا جۇمىسى ەڭبەك جانە الەۋمەتتىك قورعاۋ مينيسترلىگىندە جالعاسىپ, ۇلى وتان سوعىسىنداعى جەڭىستىڭ 65 جىلدىعىنا  قاتىستى جانە باسقا دا بىرقاتار الەۋمەتتىك ماڭىزى زور ماسەلەلەردى تالقىلادى. “ەگەمەن-اقپارات”.