قازاقستان • 03 جەلتوقسان، 2019

«زاماناۋي قازاقستان. ەلباسىنىڭ كوشباسشىلىعى» تاقىرىبىندا دوڭگەلەك ۇستەل ءوتتى

205 رەتكورسەتىلدى

الماتى قالاسىنداعى «حالىقارالىق بيزنەس جانە كوممۋنيكاتسيا كوللەدجى» مەكەمەسىندە 1 – جەلتوقسان قازاقستان رەسپۋبليكاسىنىڭ تۇڭعىش پرەزيدەنتى كۇنى مەرەكەسىنە وراي «زاماناۋي قازاقستان. ەلباسىنىڭ كوشباسشىلىعى» تاقىرىبىندا دوڭگەلەك ۇستەل ءوتتى.

«حالىقارالىق بيزنەس جانە كوممۋنيكاتسيا كوللەدجى» مەكەمەسى ديرەكتورىنىڭ تاربيە ءىسى جونىندەگى ورىنباسارى ءمولدىر ەرعاناتقىزى، قازاق كسر اعارتۋ ءىسىنىڭ ۇزدىگى، جوعارى ساناتتى تاريح ءپانىنىڭ وقىتۋشىسى جامال ابىلباەۆنا، تاريح ءپانىنىڭ وقىتۋشىسى ايگەرىم وكاپقىزى ۇيىمداستىرعان ءىس-شاراعا باتىلدىعى  ءۇشىن «كاۆالەر مەدالىنىڭ» جانە «قۇرمەت» وردەنىنىڭ يەگەرى، الماتى وبلىسى، قاراتال اۋدانىنىڭ قۇرمەتتى ازاماتى، الماتى قالاسى، ناۋرىزباي اۋدانىنىڭ اۋعان سوعىسى ارداگەرلەرى كەڭەسى توراعاسىنىڭ ورىنباسارى، ابدىقالىقوۆ ءادىل بەكتاس ۇلى ارنايى قوناق رەتىندە شاقىرىلعان.

«دوڭگەلەك ۇستەلدىڭ نەگىزگى ماقساتى - قازاقستان رەسپۋبليكاسىنىڭ تۇڭعىش پرەزيدەنتى ن.ءا. نازارباەۆتىڭ ء ومىرى مەن شىعارماشىلىققا تولى اتقارىلعان ىستەرى،  ەل بولاشاعى جولىندا بارشا حالىقپەن ورناتقان دوستىق، ىنتىماقتاستىق قاتىناستارى جانە سول جولداعى ساليقالى ساياساتى مەن كوشباسشىلىعى تۋرالى مالىمەتتەر بەرە وتىرىپ،  ستۋدەنتتەرگە ەلباسى ىستەرىن ۇلگى - ونەگە ەتۋ، سونداي – اق تۇلعالىق قاسيەتىن، قايراتكەرلىگىن ناسيحاتتاۋ، وسكەلەڭ ۇرپاق بويىنا ۇلتجاندىلىق، تاريحي سانا، ازاماتتىق بەلسەندىلىك سىندى قاسيەتتەردى سىڭىرۋگە ات سالىسۋ»، دەيدى ۇيىمداستىرۋشىلار.

شاراعا قاتىسۋشىلار تاۋەلسىز مەملەكەتتىڭ قالىپتاسۋى مەن دامۋ تاريحىنىڭ وزەكتى ماسەلەلەرىن، تابىستى مەملەكەت قۇرۋ جانە تاۋەلسىز قازاقستاننىڭ دامۋى جولىندا ەلباسى ن.ءا. نازارباەۆتىڭ سىڭىرگەن ەڭبەگىن، حالىقتى بىرىكتىرۋ ۇدەرىسىنە، بەيبىتشىلىك پەن كەلىسىمدى نىعايتۋعا، سول سياقتى ەلدىڭ سىرتقى ساياسي ستراتەگياسىن ايقىنداۋعا قوسقان ۇلەسىن تالقىلادى.                                              قازاقستان رەسپۋبليكاسى تۇڭعىش پرەزيدەنتى – ەلباسى ن.ءا. نازارباەۆ جانە تاۋەلسىز قازاقستانننىڭ جەتىستىكتەرى جايىنداعى دەرەكتى فيلم كورسەتىلدى.

«وتكەنگە وي جۇگىرتىپ، وسىدان جيىرما سەگىز جىل بۇرىنعى قازاقستاندى كوز الدىمىزعا ەلەستەتسەك، ەڭ الدىمەن اۋمالى-توكپەلى ەكونوميكا، تاپشىلىق، جۇمىسسىزدىق، باعانىڭ قۇنسىزدانۋى، كۇيرەگەن شارۋاشىلىق تاعى تاعىلارى ەسىمىزگە تۇسەدى. بۇرىنعى كەڭەستەر وداعى­نىڭ تەمىر قۇرساۋىنان بوساپ شىققان ەلىمىزدىڭ الدىندا دامۋدىڭ جاڭا جولىن تاڭداۋ قاجەتتىگى تۇردى. وسى ءبىر جۇگى مەن جاۋاپكەرشىلىگى ءزىل باتپانداي اۋىر مىندەت ەلدىڭ تۇڭعىش پرەزيدەنتى ن.ءا.نازارباەۆتىڭ موينىنا جۇكتەلدى. تاۋ­ەلسىزدىكتى باياندى ەتۋدە ەلباسى بار قيىندىقتارعا قارا­ماس­تان سىناقتاردى ەڭسەرىپ، ەلىمىزدى ىلگەرىلەۋ مەن وركەندەۋدىڭ داڭعىل جولىنا ءتۇسىردى. ەلباسىمىزدىڭ ەرەن ەڭبەگىن باعالاي وتىرىپ، وسكەلەڭ جاستارعا ۇلگى الۋعا كەڭەس بەردى»، دەدى ءادىل بەكتاس ۇلى.

كوللەدجدىڭ جوعارى ساناتتى، تاريح ءپانىنىڭ وقىتۋشىسى ج.ا. كەنجەباەۆا تۇڭعىش پرەزيدەنتتىڭ ەلدىك جولىنداعى ەڭبەگىن سارالاي كەلە ءوز ۇلتىنىڭ باقىتتى بولاشا­عىن، كەمەل كەلەشەگىن ويلاپ، قۋاتتى مەم­لەكەت قۇرۋدى ماقسات ەتكەن ن.ءا. نازارباەۆ ەڭ الدىمەن ەلگە تەرەڭ ءبىلىم كەرەك ەكەنىن جۇرتتان بۇرىن اڭعارىپ، ەرتە تۇسىنگەن تۇعىرلى تۇلعا ەكەنىن اتاپ ءوتتى. سونداي-اق پرەزيدەنتتىك قىزمەتىنىڭ العاشقى كۇنىنەن-اق ماڭىزدى ماسە­لە ەتىپ  – قازاقستانداعى ءبىلىمدى بىلىكتى ەتۋ ساياساتىن قولعا العانىن، ورتا ءبىلىمدى اقپارات­تان­دىرۋ، دارىندى بالالاردى تابۋ، وقىتۋ مەن ونى دامىتۋ سالاسىنداعى اتقارعان جۇمىستارىنا توقتالىپ، وزىندىك ويىمەن ءبولىستى.

ال «حالىقارالىق بيزنەس جانە كوممۋنيكاتسيا كوللەدجىنىڭ» تاريح ءپانىنىڭ وقىتۋشىسى ءا.الەن ەلباسىنىڭ قازاقستاندىق بىرەگەيلىكتى قالىپتاستىرۋداعى «ماڭگىلىك ەل» ۇلتتىق يدەياسىنىڭ ماڭىزىن ايتا وتىرىپ، قازىرگى تاۋەلسىز قازاقستاننىڭ بەرىك ىرگەتاسىن قالىپتاستىرۋدا حالقىمىزدىڭ وتكەن جولىنا، باسىنان كەشكەن تاريحي-الەۋمەتتىك جاعدايلارىنا ءمان بەرۋ، تىلىمىزگە، داستۇرىمىزگە، دىنىمىزگە، ۇلتتىق مادەنيەتىمىزگە قاتىستى ماسەلەلەردىڭ ۋاقىتىلى ءوز شەشىمىن تابۋ بارىسىندا ەلباسىنىڭ اتقارعان زور ەڭبەگىنە توقتالىپ ءوتتى.

تۇڭعىش پرەزيدەنت كۇنى مەرەكەسىنە وراي ۇيىمداستىرىلعان دوڭگەلەك ۇستەل جالىندى جاستاردىڭ وي-پىكىرلەرىمەن قىزا ءتۇستى، تاقىرىپقا بايلانىستى ءوز ويلارىن اشىق ايتا وتىرىپ، بولاشاققا دەگەن ناقتى ماقساتتارىن ايقىنداي ءبىلدى.

سوڭعى جاڭالىقتار

شقو-دا قار كوشكىنى ءجۇردى

ايماقتار • بۇگىن، 17:25

بالالىق شاقتىڭ كورمەسى

قوعام • بۇگىن، 15:56

قىلقالامنىڭ ۇشىنداعى بۋراباي

ايماقتار • بۇگىن، 15:25

اقمولادا براكونەرلەر قۇرىقتالدى

ايماقتار • بۇگىن، 15:18

ۇلى حاكىم ۇلاعاتى ۇرپاققا ۇلگى

رۋحانيات • بۇگىن، 15:09

انا ءتىلى – ارىم دەيتىن جاستار كوپ

قازاقستان • بۇگىن، 09:21

«اقىلعا ساۋلە قونباسا...»

قوعام • بۇگىن، 08:03

قاتىگەزدىك قايدان شىعادى؟!

قوعام • بۇگىن، 07:46

حيرۋرگ، عالىم، قالامگەر

رۋحانيات • بۇگىن، 07:38

اقتىق ساپارعا شىعارىپ سالدى

قوعام • بۇگىن، 07:34

تالاپتى جەتەر مۇراتقا

سۇحبات • بۇگىن، 07:27

ليۆيا ءتۇيىنى شەشىلە مە؟

الەم • بۇگىن، 07:17

تەلقوڭىر

رۋحانيات • بۇگىن، 07:12

بالالار وينايتىن الاڭقاي جوق

ايماقتار • بۇگىن، 07:11

ۇقساس جاڭالىقتار