مينيستر ماڭعىستاۋدا بولدى

ەڭبەك جانە حالىقتى الەۋمەتتىك قورعاۋ ءمينيسترى گۇلشارا ابدىحالىقوۆا جۇمىس ساپارىمەن ماڭعىستاۋ وبلىسىندا بولدى. مينيستر جۇمىس ساپارىن وبلىستاعى الەۋمەتتىك نىسانداردى ارالاپ كورۋدەن باستادى. ولاردىڭ ىشىندە رەسپۋبليكامىزدا العاش رەت قۇرىلىسى قولعا الىنىپ پاي­دا­لانۋعا بەرىلۋى جاقىن ورالمانداردى بەيىمدەۋ جانە كىرىكتىرۋ ورتالىعىن ارالاپ كوردى. 200 ورالمان وتباسىن 5-6 اي مەرزىمگە قابىلداپ, ءتۇرلى قىزمەتتەر كورسەتىلەتىن ورتالىقتا ولاردىڭ ۋاقىتشا قىزمەت جاساۋ­لارى ءۇشىن كاسىپكەرلىكپەن دە اينا­لىسۋلارىنا جاعداي جاسالماقشى. مينيستر سونداي-اق, ورالمانداردى جان-جاقتى قامقورلىققا بولەيتىن “نۇرلى كوش” وڭىرلىك باعدارلاما­سىنا سايكەس قاناتقاقتى جوبانىڭ جۇزەگە اسۋ بارىسى تالقىلانعان كەڭەس جۇمىسىنا قاتىستى. وسى جوباعا ساي 2010-2011 جىلدارى 4010 وتباسىن جوعارى جانە ورتا دامۋ الەۋەتى بار 5 اۋداننىڭ 7 ەلدى مەكەنىنە ورنالاستىرۋ بەلگىلەنىپ وتىر. جولامان بوشالاق. اقتاۋ.