سەنىم مەن سەرپىن

ءار جىل سايىن ەلباسىنىڭ جول­داۋىن اسىعا كۇتىپ وتىرامىز. ويتكەنى, حالىق ودان ۇلكەن سەرپىلىس كۇتەدى. وتكەن جىلعى جولداۋ ەلىمىزدىڭ بۇكىلالەمدىك داعدارىس­تان قيىندىقسىز شىعۋى­نا كوپ سەپتىگىن تيگىزدى. بيىلعى جولداۋدا ەلدىڭ ءال-اۋقاتىن جاقسارتۋ, مەملەكەتىمىزدىڭ ەكونوميكا­لىق الەۋەتىن كوتەرۋ ماسەلەسى ءبىرىنشى كەزەككە قويىلىپ وتىر. بۇعان اۋىلداعى اعايىن ءدان ريزا. اسىرەسە, ۇلى وتان سوعىسى كەزىندە قان مايداننىڭ ورتاسىندا ەتىگىمەن سۋ كەشىپ, ەل قورعاۋعا قا­تىسقان مايدانگەر­لەرگە جاسالعالى وتىرعان مەرەكەلىك سىي-سياپاتتى ارداگەرلەر قاۋىمى ۇلكەن ءبىر ريزاشىلىق سەزىممەن قابىلدادى. سونىمەن بىرگە, “جول كارتاسى” باعدارلاماسى الداعى ۋاقىتتا جال­عاسىن تاۋىپ, كوپتەگەن شارۋالار جاسالاتىندى­عىنا ەلدىڭ العىسى كوپ. بۇل باعدارلاما اياسىندا ءوت­كەن جىل ىشىندە قىرۋار شارۋا اتقارىلدى. سونداي-اق, “بالاپان” باعدارلاماسى بويىنشا ءبۇلدىرشىن­دەر­دىڭ بالاباقشا جايىمەن قام­تاماسىز ەتىلۋى, بالاباقشالاردىڭ كوبەيۋى ماسەلەسىن كەڭ كولەمدە جۇرگىزۋ جونىندە بەرىلگەن تاپسىر­ماعا دا كەلەشەك ۇرپاق وزدەرىنىڭ ريزاشىلىعىن ءبىلدىردى. قورىتا كەلگەندە, مەملەكەتى­مىزدىڭ ەقىۇ-عا توراعالىق جاساۋ­داعى قىزمەتىنە ساتتىلىك تىلەي وتى­رىپ, بيىلعى جولداۋدىڭ تەرىسكەي­لىكتەر ءۇشىن ۇلكەن سەنىممەن سەرپىنگە يە بولعاندىعىن اۋداندىق رەداكتسيا ۇجىمى اتىنان جەت­كىزگىمىز كەلەدى. س.تەڭىزباەۆ, “تەرىسكەي” گازەتىنىڭ باس رەداكتورى. وڭتۇستىك قازاقستان وبلىسى.