قازاقستان • 21 قاراشا، 2019

ەرجان ماكسيمگە قالاي داۋىس بەرۋگە بولادى

102 رەتكورسەتىلدى

پولشادا «Junior Eurovision 2019» بايقاۋى باستالادى. وسىناۋ حالىقارالىق ءان دوداسىندا ەلىمىزدىڭ نامىسىن جاس ءانشىمىز ەرجان ماكسيم قورعايدى.



ءسىز قاي جەردە جۇرسەڭىز دە قاراشانىڭ 22-سىنەن 23-ىنە قاراعان تۇنگى ساعات 01،00-دەن باستاپ junioreurovision.tv سايتىندا جاس ورەنىمىزگە داۋىس بەرە الاسىز. ول ءۇشىن تىزىمنەن ەرجانمەن قاتار تاعى 2 قاتىسۋشىنى تاڭداپ، «داۋىستى قابىلداۋ»/ «داۋىس بەرۋ» تۇيمەشەگىن باسۋىڭىز قاجەت. داۋىس بەرۋ 24 قاراشا كۇنى ساعات 21-00-دە شوۋ باستالماي تۇرىپ ۋاقىتشا جابىلادى.

ال ودان كەيىن قايتادان 15 مينۋتقا اشىلىپ، سىزدە تاعى ءبىر مارتە داۋىس بەرۋ مۇمكىندىگىڭىز بولادى. وسى جەكسەنبىدە «حابار» تەلەارناسىندا تىكەلەي ەفيردەن ساعات 21-00-دە Junior Eurovision Song Contest بايقاۋىن كورسەتەدى. سونىمەن ەرجانعا 2 رەت داۋىس بەرۋگە بولادى. ءبىرىنشى داۋىس بەرۋ 23 قاراشا ساعات 01:00-دەن بايقاۋ باستالعانشا جالعاسادى. ال ەكىنشىسى كونتسەرت اياقتالعان سوڭ 15 مينۋتقا قايتا اشىلادى. بايقاۋ بويىنشا جانە داۋىس بەرۋ ەرەجەسى بويىنشا تولىعىراق تومەندەگى سىلتەمەدەن بىلۋگە بولادى: https://jevision.khabar.kz/ru/ انىقتاما ءۇشىن: ەرەسەكتەر «ەۆروۆيدەنيەسىنەن» ايىرماشىلىعى كەلەسى بايقاۋدى ۇيىمداستىرۋ قۇقى جەڭىمپازعا بەرىلمەيدى. ەرەسەكتەر «ەۆروۆيدەنيەسىنەن» تاعى ءبىر ايىرماشىلىعى، بالالار كونكۋرسىنا قاتىسۋشى ەلدەردىڭ ورىنداۋشىلارىنا ءوز ەلدەرىنىڭ وكىلدەرىن قولداۋعا رۇقساتتارى بار.

ول ءۇشىن (junioreurovision.tv) رەسمي سايتىندا داۋىس بەرۋگە بولادى. ونلاين داۋىس بەرۋدىڭ ءبىرىنشى ساتىسى 23 قاراشا كۇنى نۇر-سۇلتان قالاسىنىڭ ۋاقىتى بويىنشا ساعات 01.00-دەن باستاپ 24 قاراشا كۇنى ساعات 20.59-عا دەيىن جالعاسادى. ونلاين داۋىس بەرۋدىڭ ەكىنشى ساتىسى ءان ورىندالعاننان كەيىن باستالادى جانە 15 مينۋتقا عانا سوزىلادى. قازاقستان 2019 جىلدىڭ 24 قاراشاسىندا گليۆيتسە قالاسى، پولشادا وتەتىن حالىقارالىق «Junior Eurovision Song Contest» ءان بايقاۋىنا ەكىنشى رەت قاتىسادى. 9 جاستان باستاپ 14 جاسقا دەيىنگى ورىنداۋشىلار قاتىساتىن «Eurovision» انالوگىندا ەلىمىزدى ەرجان ماكسيم تانىستىرادى. قازاقستاننىڭ اۋماعىندا بايقاۋدى «حابار» تەلەارناسى ترانسلياتسيالايتىن بولادى. «حابار» اگەنتتىگى 2016 جىلعى 1 قاڭتاردان باستاپ ءىس-شارانى ۇيىمداستىراتىن ەۋروپالىق حابار تاراتۋ وداعىنىڭ (EBU) قاۋىمداسقان مۇشەسى بولىپ تابىلادى، بۇل مۇشەلىك اتالعان بايقاۋعا قاتىسۋ ءۇشىن ەلدەن ۇمىتكەر ۇسىنۋعا مۇمكىندىك بەردى. بىلتىر قازاقستاندى ءان بايقاۋدا دانەليا تۋلەشوۆا تانىستىردى. كورەرمەندەردىڭ داۋىس بەرۋ ناتيجەسى بويىنشا، ول ءۇشىنشى ورىنعا يە بولدى. كورەرمەندەر مەن تورەشىلەردىڭ داۋىس بەرۋ ناتيجەسى بويىنشا جاس ءانشى التىنشى ورىندى يەمدەندى. Junior Eurovision بايقاۋىنىڭ شارتى بويىنشا، فينالدا قاتىسۋشىلار ەش جەردە جاريالانباعان ۇزاقتىعى 2 مينۋت 45 سەكۋندتان 3 مينۋتقا دەيىنگى كومپوزيتسيانى تابيعي داۋىستا ورىنداۋى قاجەت. جەڭىمپاز قازىلار القاسى مەن قاتىسۋشى مەملەكەتتەردىڭ داۋىس بەرۋى ارقىلى انىقتالادى. قازىلار القاسىنا 5 ادام كىرەدى – 3 ەرەسەك جانە 2 بالا.

ەرەسەكتەر «ەۆروۆيدەنيەسىنەن» ايىرماشىلىعى كەلەسى بايقاۋدى ۇيىمداستىرۋ قۇقى جەڭىمپازعا بەرىلمەيدى، بۇل جاس ورىنداۋشىلارعا ارتىق قىسىم بولماۋى ءۇشىن ىستەلگەن شارا. بايقاۋ ۇيىمداستىرۋشىلارىن الدىن الا ەۋروپالىق حابار تاراتۋ وداعى (EBU) انىقتايدى. العاش رەت «Junior Eurovision Song Contest» 2003 جىلى كوپەنگاگەن (دانيا) قالاسىندا 16 مەملەكەتتىڭ قاتىسۋىمەن وتكەن بولاتىن. ال تەلەكورەرمەندەردىڭ جانە قازىلار القاسىنىڭ ورتاق شەشىمىمەن جەڭىمپازدى انىقتاۋ 2008 جىلدان باستاپ مۇمكىن بولدى، وعان دەيىن داۋىس بەرۋ كورسەتىلىم كەزىندە كورەرمەندەرمەن جۇزەگە اسقان ەدى. 2007 جانە 2008 جىلدارداعى داۋىس بەرۋدەن تۇسكەن پايدا «UNICEF» جولداندى». 10 قازان كۇنى ەرجان ماكسيمنىڭ «ارماننان قالما!» («Don’t forsake your dream») دەپ اتالاتىن ءانىنىڭ تۇساۋكەسەرى ءوتتى. ءاننىڭ اۆتورلارى - حاميت شانعاليەۆ، دانيار الدابەرگەنوۆ جانە تيمۋر بالىمبەتوۆ. سونداي-اق

ءدال وسى كۇنى كونكۋرستىق انگە تاسپالانعان بەينەبايانىنىڭ دا رەسمي تۇساۋكەسەرى بولدى. بەينەباياننىڭ رەجيسسەرى – الەكساندر فلومبويم، پروديۋسەرى – سەرگي رۋتسكي. ءتۇسىرىلىم جۇمىستارى الماتى قالاسىندا جۇرگىزىلگەن.

 

سوڭعى جاڭالىقتار

كۇلكى كەرۋەنى № 21

رۋحانيات • كەشە

شاعامان باتىر

تاريح • كەشە

361 ليفت اۋىستىرىلادى

ايماقتار • كەشە

«ءتسۋناميدى» سۇلاتىپ سالدى

كاسىپقوي بوكس • كەشە

استىڭ ءدامىن كەلتىرگەن

ايماقتار • كەشە

سايرايدى بۇلبۇل...

رۋحانيات • كەشە

باعا QR كودتار ارقىلى بەرىلەدى

ايماقتار • 08 جەلتوقسان، 2019

«جەلتوقسانشى» جەتكىنشەك ەسكە الىندى

رۋحانيات • 08 جەلتوقسان، 2019

ۇقساس جاڭالىقتار