ءبارىمىزدىڭ مىندەتىمىز

انا ءتىلىمىزدىڭ قوعامنىڭ بارلىق سالالارىندا ءوز مارتەبەسىنە لايىق ورىن الۋى – مەملەكەتتىك ءمانى بار وتە ماڭىزدى ماسەلە. سول سەبەپتى وبلىسىمىزدا مەملەكەتتىك ءتىلدىڭ قولدانىلۋ اياسىن كەڭەيتۋ ماق­ساتىندا نەگىزگى ءۇش باعىت بوي­ىنشا جۇيەلى جۇ­مىس­تار اتقارىلىپ كەلەدى. بىرىنشىدەن, مەم­لەكەتتىك ورگان­دار­­داعى ءىس قاعازدارىنىڭ مەم­لە­كەت­تىك تىلدە ءجۇر­گى­زى­لۋ ساپاسى باقىلاۋعا  الى­نىپ, قاجەتتى ءادىس­­تەمەلىك كومەك كور­سە­تى­لۋدە. ايماعى­مىز­داعى قازاق ءتىلىنىڭ احۋالىن ساراپتاۋ ءۇشىن وبلىس اكىمدى­گى­نىڭ جانىنان قۇرىل­عان مەم­لە­كەتتىك ءتىل سايا­ساتىن ودان ءارى جە­تىل­دىرۋ جونىندەگى جۇمىس توبىنىڭ وتى­رىسىندا توقسان سايىن قالا, اۋدان اكىمدەرىنىڭ ەسەپتەرى تىڭدا­لىپ, قۇجاتتاردى مەملەكەتتىك تىلدە داي­ىنداۋ جونىندە قاتاڭ تالاپ قويىلدى. بۇگىنگى كۇنى وبلىسىمىزداعى 10 اكىمدىك پەن 4 باسقارمانىڭ ءماجىلىس زالى جانە 3 مادەنيەت  مەكەمەسى ىلەسپە اۋدارما قۇرالدارىمەن جاب­دىقتالعان. سا­پا­لى اۋدارمامەن قام­تاماسىز ەتۋ ماقساتىندا وبلىستىق ءىس-شا­رالار جوسپارى شەڭبەرىندە ىلەسپە اۋدارماشىلار وقىتىلۋدا. ەكىنشىدەن, “بۇگىندە قازاق ءتىلى قازاقستان حال­قىن ءبىر ماق­ساتقا توپ­تاستى­را­تىن, ۇلت­تىق جاڭعىرۋى­مىزعا سەرپىلىس تۋعىزاتىن ايى­رىق­شا كۇشكە يە بول­دى” – دەپ ەل­باسىمىز ايت­قان­داي, دوستىق­تىڭ كيەلى بەسىگىنە اينالىپ, تالاي ۇلتتى باۋىرىنا باس­قان ەرتىس وڭىرىندە وزگە ۇلت وكىل­دەرىنىڭ قازاق تىلىنە دەگەن قىزىعۋ­شىلىعىنىڭ ار­تۋىنا بايلانىستى, اكىمدىك تاراپى­نان جۇيەلى تۇردە ءتيىستى شارالار ۇي­ىمداستىرىلىپ, قولداۋ كورسەتىلۋدە. سونىڭ ناتيجەسىندە ايماعى­مىزدا 1000-عا جۋىق مەكتەپ جاسىنا دەيىنگى بالالار قازاق تىلىندە تاربيە بەرەتىن بالاباقشالاردا, 500-گە جۋىق وزگە ۇلت وكىلدەرىنىڭ بالالارى قازاق مەكتەپتەرىندە, 100-دەن استام قازاق ءتىلىن جەتىك مەڭگەرگەن وزگە ۇلت ستۋدەنتتەرى جوعارى وقۋ ورىن­دارىندا ءبىلىم الۋدا. جالپى وبلىس بويىنشا 2009 جىلى 12832 ءارتۇرلى ساناتتاعى ازامات مەملەكەتتىك ءتىلدى وقىپ ۇيرەندى. بۇل قازاق تىلىنە  دەگەن سۇرانىستىڭ  ارتقاندىعىنىڭ بەلگىسى. ۇشىنشىدەن, مەملەكەتتىك ءتىل ساياساتىن ناسيحاتتاۋ جانە ونى ىسكە اسىرۋ ماقساتىندا ءتۇرلى مادەني-بۇ­قا­رالىق شارالار ۇيىمداستىرىلىپ كە­لەدى. وزگە ۇلت جاستارىنىڭ قا­تى­سۋىمەن مەملەكەت­تىك ءتىلدى ۇيرەنۋدى جارنامالايتىن بەينەروليكتەر داي­ىندالىپ, وبلىس­تىق تەلەارنالاردان كورسەتىلۋدە. سونداي-اق, جاستاردىڭ باستاماسىمەن “ورتاق ءتىل”, “تىلدەس” باعدار­لا­مالارى  جارىققا شىعۋدا. س.تورايعىروۆ اتىنداعى پاۆ­لودار مەملەكەتتىك ۋنيۆەرسيتەتىندە وزگە ۇلت ستۋدەنتتەرىنىڭ شىعارما­شى­لىق يدەياسىمەن قازاق تەاترى اشى­لىپ, حالقىمىزدىڭ ۇلى كلاسسيك­تەرىنىڭ تۋىندىلارىن ساحناعا شىعارۋدا. سونىمەن قاتار, عالامتوردا مەملەكەتتىك تىلدەگى “دوستىق كەڭىس­تىگى”, حالىقارالىق “قازاق ءتىلى” قوعامى وبلىستىق ۇيىمىنىڭ “ەرتىس ديدارى” جانە دۇنيەجۇزى قازاقتارى قاۋىمداستىعى وبلىستىق في­لي­الىنىڭ “قايران ەلىم” سايتتارى جۇمىس ىستەۋدە. “قازاقستاننىڭ بولاشاعى – قازاق تىلىندە. ءتىلسىز ۇلت بولمايدى. ءوز ءتى­لى­مىزدى ساقتاۋ, ءوز ءتىلىڭدى قۇر­مەت­تەۋ وتان­شىلدىق رۋحتى وياتۋعا قىز­مەت ەتەدى, ءارى اتا-بابا الدىنداعى ۇلى پارىزىمىز” – دەپ ەلباسىمىز ايت­قانداي, ءتىلىمىزدىڭ مەرەيىن كوتەرىپ, اسقاقتاتۋ بار­شامىزدىڭ باستى مىندەتىمىز. باقىتجان ساعىنتاەۆ, پاۆلودار وبلىسىنىڭ اكىمى.